Edit News

Title Detail

Obwo Uganda eriyo neyetekateka kuronda abebembezi bayo omunkiro yokuruga 2026-2031, amakuru agututungire nigoreka abashaija baana nibenda entebe ya obwa meya bwa Ibanda musiparite. 
 
Ibanda munisiparite ekatandikwaho omumwaka gwa 2018 kandi nekorwa divijonizi ishaatu ezirimu Kagongo, Bufunda na Bisheshe. Kagongo divijoni erimu emiruka 7, Bufunda Divijoni eyine emiruka 8 kandi Bisheshe divijoni nekorwa emiruka 6. 
 
Abashaija abakwenda eyobwa meya harimu Gilbert Mukama Rutobo oyesimbire nka omuntu kandi owekigombe ekya Patriotic League of Uganda (PLU) akaboneroni nayikondo, Kanyomozi Johnson okwatiire Embedera eya ekibiina ekya NRM, Mulinde Deusideti nawe oyesimbire nka omuntu buntu na Anslem Ndikora owekiibina kya PFF nanga ekya Katonga ekyahangirweho bwanyima ya FDC kugiira obutikirizana na nekicweka kya karinari Dr. Kiiza Besigye owa Katonga kandi owahumwire amaahe. 
 
1. Gilbert Mukama Rutobo; akabonero ni nayikondo. Ogu n'omushaija ekwata buta kandi omunyeto. Gilbert nayenda okutungura entura ya abantu, nakunda ebyobwegyese kandi nomwe aresire Ibanda yamwanywa kandi ekaranganwa omubyoburambunzi. 
 
Gilbert Mukama Rutobo akashomeraho Bubaare Primary School, nikwo akeyongyerayo akaza Ibanda Secondary School, St. John Fisher, kandi nikwo akashoma haya ahari St. Joseph's Vocational School Nyamitanga Mbarara. Nikwo akaza ahakashozi Makerere University Business School (MUBS) akashoma ebyobushubuzi na kompyuta kandi akajwara diguri ye ahari Makerere University omwaka gwa 2013. 
N'omushaija, omufumbo, ayiine abaana baana kandi akagitwa omumwaka gwa 2016. 
 
Rutobo Gilbert nashaba akaruru abantu ba Ibanda munisiparite kandi nashaba obushagiki kandi nagiira ngu nayenda kubakorera ebintu bingi obwo harimu ne ebyamagara na nentura ya abantu. 
 
2. Johnson Kanyomozi; Ogu niiwe akwatsire embedera ya NRM bwanyima yokusinga abandi omukaruru ka purayimarizi. 
Kanyomozi nagiira ni Kadogo wa NRA kandi akarwanaho na Museveni presidenta wa Ihanga eri omukishaka. 
 
Obwahati niiwe isheteko wa entebe ya kashaatu ya Bisheshe divijoni eyamaziremu encuro ibiiri.
 Atakabiire isheteko wa Bisheshe, akabaho kansara omu Ibanda Town Council. 
 
Obukugu bwa okwebembera etauni ya Ibanda abwiine. Nayenda kukoresa egyenderwahwo nangashi manifesito ya NRM okutungura Ibanda. 
 
3. Deusdetit Mulinde; ogu n'omushaija owebyafaayo. Deus Mulinde akebembera Ibanda Town Council kuruga 2006 mpaka 2018 nikwo kurekura akaza kwesimba ahabwa MP bwa Ibanda Munisiparite kandi nomwe omubantu abakoziire munonga kandi bakareta Ibanda yatunga nanga yakuzibwa kuza ahindara rya munisiparite. 
Mulinde nawe nashaba abanyibanda batamwebwa kandi abaraganise kubakorera kandi akatandikira ahuyakomize. 
 
Mulinde ayesimbireho nkomuntu buntu kandi akaboneroke neshaaha. 
 
4. Arinaitwe Anslem Ndikora: Ogu nowa ekiibina kya PFF kandi nawe nashaba akaruru. N'omushaija akorire omuri Ibanda kumara akiire karingwa munonga.
 
Ogu nomurundigwe gwa kashaatu nayesimba aha entebe egi. 
 
Akatandika kugyesimbaho kuruga omumwaka gwa 2018, 2021 obwo ari omukiibina kya FDC kandi omurundi ogu ayiziire omukiibina kya PFF kandi akabonero ni ensiimu. 
 
Nayongyera kubashaba akaruru akatungura Ibanda. 
 
Akaruru akobwa meya nikija kurondwa omumwaka ogurikwiza 2026.

Category Date Website

Current Image:
News Image

Change Image

← Back to Dashboard