Ebirango Bikuru

   Kagiira Skills Development Center, Agriculture With New Skills
   Diary Farm Training By Kagiira Skills Development Center in conjunction with Eiraka Radio

Obwooro rununka omuri Ibanda munisiparite!*



Nekya
258

Orwakashatu 2020-02-05

*Obwooro rununka omuri Ibanda munisiparite!* Obwo abebembezi omuri Ibanda disturikiti bariyo nibakora ogwabo omukurwanisa obwooro rununka omuri Ibanda distrikiti, nkagashaka waitu kwarabiremu naka kamera, nikwo kutayayira eka emwe omuri Rwateibare cell, kashangura ward, kagongo division , Ibanda munisiparite. Atayayiireho omukyara omanyirwe erya Tumuranzye Jovulet kandi omukyara wa Tumwetabe Moses kuruga omumwanya nigwo gumwe. Ogu naraara omutima gumwehanikire ahabw'okubura ebyetaago omukaye, nangwa n'ekyokutekyera abaana takiine! Enju eyarikuraaramu nayo wagisindikaho kakye, negwa oweishe butaka! Tugumiizemu twagambaho n'ogwo mukyara kandi otugizire ngu ayine abaana bana. abatsigazi babiri hamwe n'abaishiki babiri. omutsigazi omukuru omanyirwe nka Derrick ow'emyaaka ikumi nagumwe (11) abeire nashoma top class kwonka obwahati takishoma ahabwokuba esente zokushasura ebishare by'eishomero zikabura. Kandi ogu mukyara, agumizemu yagira ngu omwana we orikushembayo ayine omwaaka gumwe n'emyeezi mukaaga ngu kwonka wamuta aha minzaani, takabaasa kuremera nangwa na kiro emwe (1)! Agumiizemu yagambira omushaki waitu ngu omushaija akatoroka yaza omungari kukora omu za faamu z'abagaiga ngu kwonka takabatsindikirayoga n'oburyakuba igana (100) ngu akeihamu ogw'okunywa amaarwa gwonka! Ag'owaitu tugyerizeho kugambaho n'abataka omukyaaro nikyo kimwe kandi bagambiire Ag'oweitu ngu nibateekateeka ngu ogu mukyara hamwe n'omwaana omuto nibabaasa kuba barweire akakooko ka dirimu ngu kwonka tibakatungaga buyambi bwoona nagwa tibakutunga mibaazi. Tugumizemu twagambaho na omukyara niwe omwe Jovulet kandi obire narira kandi arikutonzya agumize ngu omuntu weena oikubaasa kuna ayine obuyambi amuyambe ahabwokuba ari omu mbeera mbi, takiine n'ahokurara ahabwokuba enju eri haihi kumubandamira nangwa tayine nobukyakuba ekyokubyamira, ekyokuriisa abaana! Agumiizemu yagira ngu kuwakuba oyine ekyorikwenda kumuha, nobaasa kukirabya ahari 0773786649/0703556663 kansala wekyaaro nikyo kimwe. Ag'oweitu neitwe nitubashaba ngu muyambe ogu omukyara obundi oboryaho embeera ekabaasa kutereera nawe atunga akamweenyo aha mataama! *Huumuura Tuganiire*

Huumura Tuganiire

Abakatoriki (2) Africa (3) Agekibarukiraho (43) Akaruuru 2011 (1) Akaruuru 2021 (26) Amagara (2) Amaka (5) Amakuru (538) America (1) Ebaruha (8) Ebirango (8) Eizooba Eri (5) Ekyanga Kyawe (9) Enfumu (3) Enganda (2) Esente (1) Haaya (1) Obugabe (8) Obutare (4) Okwiruka (2) Omuntu Waawe (12) Omupiira (24) Omushaho (1) Puriyamare (2) Ruhuuta (18) Senyiga Ya Corona (29)