Ebirango Bikuru

   Kagiira Skills Development Center, Agriculture With New Skills
   Diary Farm Training By Kagiira Skills Development Center in conjunction with Eiraka Radio

Gukaba guri omukoro gw'eihanga ryoona, tikushaba buyambi!, Byabagambi*



Nekya
351

Orwakana 2020-01-30

*Gukaba guri omukoro gw'eihanga ryoona, tikushaba buyambi!, Byabagambi* Enshumi nkye eyituteire amabega tukareeba mukuru w'eihanga Yoweri Kaguta Museveni omuri Ibanda aha kishaayi St. George's Primary Teachers college, aha mukoro gw'okujaguza ekiro obu Uganda yazaahuurwa. Nikigambwa ngu mukuru w'eihanga akeeta abanyeishengyero ba Ibanda disturikiti aha kadaara, yababuuza ahabikwatireine n'obuhingi, n'entaatsya y'abanyi'Ibanda. Nikigambwa ngu aba bakagarakamu ebyaabo nk'abantu tibarajwekyeire bany'Ibanda boona! Ebibagarukiremu bikaba bigyendereire kushemeza mukuru w'eihanga kwonka bitari mazima! Tibarashoboreire, entuura y'abantu boona nk'onkweri. Nangwa ngu omwe omuribo, akagira ngu ebicweeka 80 ahari 100 abantu barigye! Eki, kikagwisa kubi abantu boona abahuriire ebi bigambo by'abebembezi baabo! Tukagamboha n'abamwe ah'abatuuze ababeire beine ekiniga n'obufuki bwingi ahamitima bagumize ngu ababembezi baabura kugambira mukuru w'eihanga bimwe ahabizibu ebibeine kandi ebirikwetenga obuyambi kuruga owa mukuru w'eihanga! Enshumi nkye ehweire, kuyabihuriire, omunyeishengyero wa Ibanda y'amashuuma kandi ori minisita w'enshonga za Karamoja, akabaasa kuba nagambaho naba nkagashaka baitu, ahanshonga niyo emwe, agumize ngu ogu gubeire guri omukoro gw'eihanga ryoona gutari mukoro gw'okugambira mukuru w'eihanga ebizibu ebiri omuri Ibanda nari ebi abantu barikwetenga! Agumiizemu yagira ngu abany'ibanda bategyereze mukuru w'eihanga kwaragarukye kushaba akaruuru, nibeija kumugambira ebizibu byaabo! Ag'oweitu tugyerizeho kuba nitugambaho n'abanyeishengyero abandi abarimu nka Hon. Joveline Kaliisa, Hon. Rwaburindore hamwe na Hon Guma Gumisiriza kwonka amasimu gaabo tigabasize kurabamu. Abanyankore beine enfumu ngu *"Ahoshanga omukama, niho omuramiza!"* Abanyeibanda tibatungire mugisha gw'okuramya omukama waabo! *Huumura tuganiire*

Huumura Tuganiire

Abakatoriki (2) Africa (3) Agekibarukiraho (43) Akaruuru 2011 (1) Akaruuru 2021 (26) Amagara (2) Amaka (5) Amakuru (538) America (1) Ebaruha (8) Ebirango (8) Eizooba Eri (5) Ekyanga Kyawe (9) Enfumu (3) Enganda (2) Esente (1) Haaya (1) Obugabe (8) Obutare (4) Okwiruka (2) Omuntu Waawe (12) Omupiira (24) Omushaho (1) Puriyamare (2) Ruhuuta (18) Senyiga Ya Corona (29)