Ebirango Bikuru

   Kagiira Skills Development Center, Agriculture With New Skills
   Diary Farm Training By Kagiira Skills Development Center in conjunction with Eiraka Radio

RDC Kuzibira Ebyaapa byokutangirira mukuru w'eihanga omu rurembo rw'ibanda!*



Nekya
292

Orwakana 2020-01-23

*RDC Kuzibira Ebyaapa byokutangirira mukuru w'eihanga omu rurembo rw'ibanda!* Abetsimbireho aha ntebe zitari zimwe nazimwe, bashobeirwe obwo beijwire enaku n'obusaasi bwiingi munonga, bwanyima ya entumwa ya mukuru w'eihanga kubazibira kuteeza *ebyaapa* obwo barikwenda kwemurikira omukundwa waabo purezindenti. Obwahati, aba nibacwa akatsyo nakahindo bagumize ngu ekintu ekyariyo nakora tikirungi kandi nikibi munonga. Okurugirira ahari bamwe abutuganeireho nabo, nibagira ngu RDC ayegeitsire na bamwe omubebembezi kubazibira obwo beine ekigyendererwa kyokubeimisa oburuuru. Aba, nibagira ngu RDC ariyo nayenda kwitira mukuru w'eihanga akaruuru omuri Ibanda. Baingi omuri Ibanda, bariyo nibebuuza enshonga erikubazibira kwereeza ebyaapa by'okwakiira omukundwa waabo owekitinisa Yoweri Kaguta Museveni! Amakuru agatungirwe nigoreka ku barikwenda ebyaapa bina (4) byonka kuruga omuri Ibanda yoona. Omuri ebyo, harimu eky'omujwekyerwa wa'bakyaara Hon.Joveline Kaliisa Kyomukama, omujwekyerwa wa Ibanda ey'amashuuma Hon.John Byabagambi, Omujwekyerwa wa Ibanda eya'matemba hamwe na owabeire najwekyera Munisiparite Hon.Rwaburindore Tarsis. Tugyerizeho kuronda entumwa ya Purezidenti ahabwa Ibanda ngu akabaasa kutushoborora enshonga eyakubaasa kuba ereteire okwanga abetsimbireho kuta ebyaapa omu town konka esiimu ebeire etariho . Tugumiizemu twagambaho na bamwe aha betsimbireho kandi abarebukire beine ekiniga bagumize ngu RDC ekintu ekiyakora nikibi Kandi nikihenda amateeka! Ebi byona, nibyeijaho omukeire aku Ibanda eri omuri yanga yanga erikwetebekanisa kutayayisa omwebembezi w'eihanga ahakiro kyobuzahuuzi ekirikwaija kubaho ebiro 26/1/2020 omuri Ibanda. *Huumura Tuganiire*

Huumura Tuganiire

Abakatoriki (2) Africa (3) Agekibarukiraho (43) Akaruuru 2011 (1) Akaruuru 2021 (26) Amagara (2) Amaka (5) Amakuru (538) America (1) Ebaruha (8) Ebirango (8) Eizooba Eri (5) Ekyanga Kyawe (9) Enfumu (3) Enganda (2) Esente (1) Haaya (1) Obugabe (8) Obutare (4) Okwiruka (2) Omuntu Waawe (12) Omupiira (24) Omushaho (1) Puriyamare (2) Ruhuuta (18) Senyiga Ya Corona (29)