Omujwekyerwa wa mukuru w'eihanga omuri ibanda (RdC) kukingaho amaduuka g'abantu butsya

Ibanda
Nekya Ibanda
320

Orwakabiri 2020-04-07

Omujwekyerwa wa mukuru w'eihanga omuri ibanda RdC Eliasto Akatuheebwa yaaraganisa kukwata wena orashangwe ayigwire eduuka obwe arikwebuzabuza kwarikuguza ebyokurya . Ebi, yaabigamba akasheeshe kambwenu Kandi yaagumizamu yaashaba boona ab'eby'okwerinda kubatandikyiraho baketoroora ekibuga Ky'orurembo rw'ibanda Kandi bakakwata buri omwe orashangwe ayigwire eduuka ariyo naakora. Yaagumizamu arikugira ngu wena orakwatwe naija kutwara omu mbuga z'ebiragiro Kandi ateibweho omushango gw'obutoorebera ebiragiro bya mukuru w'eihanga . Agoweitu twagambaho na bamwe abatuuragye omuri ibanda ahanshonga niyo emwe Kandi buri omwe yaahayo enteekateeka ye. We Anthony Banyagi junior abaire agumize ngu ibanda abantu bariyo nibakora emirimo yaabo nkabutoosha ngu Kandi nikimutangaaza munonga yaashanga abantu na hati batakumanya ahabwenkyi mukuru w'eihanga yaashabire abantu kubakyingaho buziinesi zaabo nka gumwe omuringo gwokutangyira ekirweire Kya Covid 19, We Nicholus Tumwine yaagira ngu ibanda nobwahati abantu nibakikora emirimo yaabo na munonga omumyanya nka katooma aharikumanywa nkah'akayembe ngu buri mwebazyo, warabaho nooshanga abantu beteraneireho bariyo nibasindika ekyokunywa kyabo obwe oteireho nokunywera aha glass emwe ngu kandi ab'eby'okwerinda nibakoma omu towuni yonka tibarikuza omubyaro okwe bakareeba ekiriyo. Naitwe agoweitu nikwo kukureetera amakuru aga Huumura tuganiire.

---

Huumura Tuganiire

---

Abakatoriki (2) Africa (3) Agekibarukiraho (43) Akaruuru 2011 (1) Akaruuru 2021 (26) Amagara (2) Amaka (5) Amakuru (535) America (1) Ebaruha (8) Ebirango (8) Eizooba Eri (5) Ekyanga Kyawe (9) Enfumu (3) Enganda (2) Esente (1) Haaya (1) Obugabe (8) Obutare (4) Okwiruka (2) Omuntu Waawe (12) Omupiira (24) Omushaho (1) Puriyamare (2) Ruhuuta (18) Senyiga Ya Corona (29)