Obwanga; Reeba Oku Minisita Byabagambi orwa Ibanda orutwire aha WhatsApp

Ibanda
Nekya Ibanda
713

Orwakataano 2020-04-10

Obwanga; Reeba Oku Minisita Byabagambi orwa Ibanda orutwire aha WhatsApp Eihanga ririkugumizamu nokurwanisa omuzigu Korona, omunyeishengyero wa Ibanda eya mashuuma Kandi minisita wa Karamoja arugireyo yajunaana RDC Eliasto Akatuheebwa okuba ngamba nyenka. Arikurabira aha mukutu gwa Whatsapu, Byabagambi agizire ngu tikihikire RDC kutandika kushorooza sente omu bantu buntu zirikuza aha simu ye nkomuntu. Bwanyima yokurangirira akazigigi, abany'Ibanda barikurabira omu kibiina kya Ibanda Community Development Group bakeekoramu omurimo, batyo batandika kutwa ebirayambe abo abatarikwebaasa. Ehururu egi ekakiirwa abany'Ibanda nyamwingyi batyo sente bazisindikira RDC hamwe n'ebindi biintu nka ebyokurya, amajuta g'emotooka hamwe na za motoka. Byabagambi nayongyera agira ngu aba Tasiki fooci y'ibanda bakaanga kukuratira okuhabura kwa Cheyamaani w'entebe yakataano kandi murumuna we Kajwenje Merichiadis. Nagira ngu aba Tasiki fooci bakaanga nokumumanyisa aha nkiiko zaabo. Abany'Ibanda nyamwingyi beimukira mu obwo abiingi bagumize ngu eki RDC akozire kihikire, aha'bwokuba ebigwererezi bikaba bitakariinda ngu kandi abantu nyamwingyi bayambirwe. Beitu nabo bagizire ngu nekyamazima akawunti eyigurweho, beitu omukeire aku eraabe etakeigwiirwe, RDC agumizemu nakora hamwe na ow'ebyamagara. Ba kirinju bajumirira ekya abebembezi kureeta eshonga ezakuhwereire omukihama omurwijwiire. Gashakwa abanyamakuru beitu. *Huumura Tuganiire* www.agoweitu.com

---

Huumura Tuganiire

---

Abakatoriki (2) Africa (3) Agekibarukiraho (43) Akaruuru 2011 (1) Akaruuru 2021 (26) Amagara (2) Amaka (5) Amakuru (535) America (1) Ebaruha (8) Ebirango (8) Eizooba Eri (5) Ekyanga Kyawe (9) Enfumu (3) Enganda (2) Esente (1) Haaya (1) Obugabe (8) Obutare (4) Okwiruka (2) Omuntu Waawe (12) Omupiira (24) Omushaho (1) Puriyamare (2) Ruhuuta (18) Senyiga Ya Corona (29)