Kagiira Skills Development Center, Agriculture With New SkillsAba Kitagwenda kwetomboitira abebeembezi babo!!
Kitagwenda
Nekya Kitagwenda
1223
Orwakabiri 2020-04-14
Eihanga n'ensi yoona obwahati nibakwata nibiragara obwe barikuronda emiringo yoona okubakubaasa kuyambaho hamwe n'okuhwera abantu bwanyima y'ekirweire kya covid 19 omurwa seeri kusimba emiizi omunsi yoona.
Beitu bo abakitagwenda barebekyire beine enaku obwe barikwetomboita ahabw'abebeembezi babo abatabafiireho omukurwanisa ekirweire ekyo, bagumize ngu omunyeishengero Agaba Abasi aine okwatabafiireho nka oku abandi banyeishengero bariyo nibafa ahabantu babo omu ma distrikiti agandi, ngu we aremirwe kubahereza naryareenga.
Nikyigambwa ngu abantu bebembirwe Turyamureeba Patrick ou beingyi barikumanya nka Payi orikwenda entebe y'obwa meeya ahabwa kitagwenda bakabaasa kuba nibakoraho omukutu mugeita byaro ogwa "whatsapp group' kubaasa kuyambaho omukushoroza akasente hamwe nebindi bintu ebyakubasa kuyambaho omukutambuza hamwe n'okwegyesa abantu okubakubaasa kutangyira hamwe nokwerinda ekirweire kya covid 19 omuri kitagwenda distrikiti, kandi abantu nyamweingyi babaasize kuherezeyo kakye na keingyi akubeine . Abantu barikurenga makumi ana (40) nibo basize kuba nibeherezayo obuyambi bwabo abarimu Works department abahireyo lita makumi ataano,(50ltrs) z'amajuta ,Katungwesi ohireyo emitwaro makumi ataano (500000/=) ,mukuru w'entebbe ya kataano omwami Robert Mugabe aheireyo amajuta garikwingana rita makumi ataano(50ltrs) hamwe n'omuvugyi (driver),Fr.Tusiime Fred aheireyo ambulance kuba neyambaho omukwirusya emirimo, orikwenda entebbe y'obwa meeya aha bwa Kitagwenda Turyamureeba Patrick Payi arikuhayo emitwaro makumi abiri (200,000/=) hamwe na bimwe aha byokweyambisa omukunaaba engaro (hand washing materials), Ninsiima Grace Spencer nawe aheireyo emitwaro makumi abiri (200,000/=) ,Musana cheyamaani wa NRM omuri Kitagwenda distrikiti emitwaro ikumi (100,000/=) ,mukuru w'ebyobwegyese omuri kitagwenda nawe aheireyo litres makumi abiri (20) z'amajuta hamwe n'abandi beingyi .
Beitu Agaba Abasi kurabira ahamutu gwantuma ndahukye omukasheshe k'erizooba aha rediyo emwe omuri Western uganda yaba agumize ngu yabasize kuba natekaho van emwe hamwe n'ebindi bintu nyamweingyi ebirikwija kugabirwa abantu abeteine kyokurya ahabwe embera eriho obwahati, yagumizaamu arikusiima Turyamureeba Patrick aka Payi ahabwa byoona ebyariyo nakora omukuyamba abantu ba Kitagwenda distrikiti.
Beitu agoweitu twagambaho nabamwe ahabataka omuri Kitagwenda abaaba bagumize ngu n'ekyintu ky'obusasi washanga nka distrikiti eteine obuyambi bwoona ebwebahire ngu nangwa n'abakoozi ba distrikiti abubarikumanya abeine sente nabo babesherekyire ,beitu bahakanisa ebigambo bya Agaba Abasi bagumize ngu nazakuyamba abantu baaba bariyo nibafa ngu ebyokurya ebyarikwenda kugabira abantu nayija kubibaha bwirekyi ebyaremirwe kubaha omubwire obubari barikubi munonga . Bagumize basiima Patrick Turyamureeba bagumize ngu n'omuntu orikumanya embeera y'omuntu waburijo eyarikuturamu .
Beitu kuwakuba oine ekyorikwenda kuherezeyo kuyambaho omukwirutsya emirimo nobasa kurabya obuyambi bwaawe aha siimu egyi 0772556771 Frank Bangirana
Huumura tu gaaniire
Huumura Tuganiire
Abakatoriki (2) Africa (3) Agekibarukiraho (43) Akaruuru 2011 (1) Akaruuru 2021 (26) Amagara (2) Amaka (5) Amakuru (535) America (1) Ebaruha (8) Ebirango (8) Eizooba Eri (5) Ekyanga Kyawe (9) Enfumu (3) Enganda (2) Esente (1) Haaya (1) Obugabe (8) Obutare (4) Okwiruka (2) Omuntu Waawe (12) Omupiira (24) Omushaho (1) Puriyamare (2) Ruhuuta (18) Senyiga Ya Corona (29)