Ebirango Bikuru

   Kagiira Skills Development Center, Agriculture With New Skills
   Diary Farm Training By Kagiira Skills Development Center in conjunction with Eiraka Radio

Akavuyo omu kakiko akari kurwanisa endwara ya COVID19 omuri Ibanda


Ibanda
Nekya Ibanda
1164

Orwakana 2020-04-16

Ensi yoona obwahati eri omukoronda emiringo yoona y'okurwanisa ekirweire kya Covid-19, enshumikye eyituteire amabeega tukarebaho abanyibanda kandi abarikukunda entunguka omuri Ibanda kurabira ahamutimbagano mugeita byaro ogwa "WhatsApp group " emanywa nka Ibanda Community Development Group (ICDG) barikutandiikaho ehururu y'okushoroza esente n'ebindi bintu nka ebyokurya, ebintu ebibakukozesa omu marwariro n'ebindi beingyi kubasa kuyambaho omukwirutsya emirimo hamwe n'okuhwera abantu abakubasa kuba nibetaaga obuyambi namunonga omubwiire nk'obu .

Egyi ehururu ekaba eyebembirwe omujwekyerwa wa mukuru w'eihanga (RDC) omuri Ibanda Eliasto Akatuhebwa.

Ebiro bikye enyimaho akabaho, okutambukirana ebigambo byakarebure ahamukutu nigwo gumwe bwanyiima y'omunyeshengyero wa Ibanda eyamashuuma kandi ori minisita w'enshonga za Kalamoja Eng. John Byabagambi kurugayo akateera ahamutwe ehururu egyo agumize ngu omujwekyerwa wa mukuru w'eihanga (RDC) Eliasto Akatuhebwa ariyo nashoroza obuyambi hamwe na sente omubuhenda biragiro ngu tarakuratirire engyenderwa y'mukuru w'eihanga n'ebindi bitongore bya gavumenti agumize ngu akaba nazakubanza yashutama nakakiiko aka "Task Force" nikwo bakoraho akawuti obuhwezi hamwe nobuyambi, byoona birabiira ahakawuti niyo emwe kusiinga kurabiira omumugaro hamwe na aha siimu ye nka omujwekyerwa wa mukuru w'eihanga.

Omukugamba kwa RDC na Minisita bakagambira Ag'oweitu ngu bakaba beine orukiiko orwa kabiiri rwa wiiki egyi kandi agututungire, orukiiko rubireho ebyingyi ba biganiraho.

Entumwa ya mukuru w'eihanga Eliasto Akatuhebwa ekikyiriza enshobi y'obutigura akawunti y'obwangu beitu abantu nyamweingye bakahakanisa ebigambo bya omunyeishengero ahabwa Ibanda eyamashuuma kandi ori minisita w'enshonga za Kalamoja bagumize ngu akaba aturankahi kwiiha ira nira kusiinga kwija kuteera ahamutwe ebi Eliasto Akatuhebwa akozireho.

Ngu obwe wareba ogu omunyeishengero Eng.John Byabagambi yatandiika ebi byoona nirwekwaso yokwenda kubingyisha Eliasto Akatuhebwa omuri Ibanda .

Eizooba eryanyomwebazo akakiiko akarikurira ebyokurwanisa ekirweire kya Covid19 omuri Ibanda kashutamire basharamu kwigura akawunti omu banka ya Centenary omwitagyi erya Ibanda eyokukoresa kusindiikaho n'okwiyayo obuyambi bwa abantu batari bamwe na bamwe.

Eizooba ryanyomwebazo, akakiiko akawunti kagyigwireho omwiziina rya

"Ibanda Covid19 Task Force " Akawunti namba negyi; 3202402531

Abateireho emikono nibaba RDC wa Ibanda kandi arikukurira akakiiko ka COVID19 omuri Ibanda Akatuhebwa Eliasto Kyomuhendo Juliet arikuruga omu offisi eya ebyamagara omu disiturikiti ya Ibanda na Koruragire akuruga omu dipatimenti y'ebyesente omu disiturikiti niyo emwe.

Kuwakuba oyine obuyambi bwekika kyoona omu sente nobatsa kukozesa akawunti egyo kusindiika obuyambi kurabira omu eitagyi erya Centenary bank omuri Ibanda.

Omukushoborora kwa Mukuru wa akakiiko ako Eliasto, agyizire kuwakuba otakubatsa kwejunitsa banka kusiindika obuyambi nobaasa kurabya obuyambi obwe aha nkora eya mobayiro mane (Mobile Money) ya RDC Eliasto Akatuhebwa eya 0782588232 oba aha siimu ya mukuru w'ebyamagara omuri Ibanda disiturikiti (DHO) eya 0782338417 omwiziina rya Julius.

Obuyambi obu nibuza kubwa nibuswizimwa ba memba ba akakiiko niko kamwe.

Eliasto ayongyire yashaba abantu boona kukuratiira ebiragyiro bya mukuru w'eihanga ebiyatireho omu bwiire obu kandi yahanangisiriza abantu ba Ibanda kwetantara kujajanja amakuru agekishobobo n'ebishuba ahari kabineti minisita Eng. John Byabagambi. Abantu nkabo nibeija kutwarwa omubuga za mateeka babitebye kana na katano.

Akakiiko akatorinwe kukurira obuyambi harimu RDC, Akatuheebwa Eliasto, DISO Muhangi Charles, DPC Sp Emily Angomok, Kyomuhendo Juliet (District Health Educator), Koruragire (Accounts Assistant with IBDLG), Mugisha Vicent (COVID19 focal Person) na Rwenzori FM (KK).

Enfumu y'eizooba . "Kora nk'Omuhuuku orye'Nkomwaami" Ekyokweega " Wakozesa amaani nyentsya nobagye Kandi bukulu ekushanga ohamire'" Humuura Tuganiire

Huumura Tuganiire

Abakatoriki (2) Africa (3) Agekibarukiraho (43) Akaruuru 2011 (1) Akaruuru 2021 (26) Amagara (2) Amaka (5) Amakuru (538) America (1) Ebaruha (8) Ebirango (8) Eizooba Eri (5) Ekyanga Kyawe (9) Enfumu (3) Enganda (2) Esente (1) Haaya (1) Obugabe (8) Obutare (4) Okwiruka (2) Omuntu Waawe (12) Omupiira (24) Omushaho (1) Puriyamare (2) Ruhuuta (18) Senyiga Ya Corona (29)