Kagiira Skills Development Center, Agriculture With New SkillsOKU KYENDEEZA EIBONDO WAAHEZA KUZAARA
Mbarara
Nekya Mbarara
602
Orwakana 2020-04-16
Abakazi abaingi ku arikuheza kuzaara haza okamureeba harabireho wiiki ishatu nari okwezi, noobaasa kuteekateeka ngu takazaire nari ngu akatwara endiijo ahonaaho. Kandi kukirikuhika aha ou bashemeizemu omwana kirenga, ahabw’okuba eibondo niriba nirikoma kuri. Nikyo orikureebera ngu abamwe kubarikuheza kuzaara gye, nibakoma eibondo kugira ngu ritagomoka munonga, kandi ou bashemeza abyesaasire.
Abamwe eibondo nirigomoka hamwe n’okugomoka weena. Kandi omugisha yaazaara aguma n’akanyugunyu ke aku yaabaire aine, nangwa n’obu bakakumushemeza, oshanga enda tagikomire kandi aguma aine akabondo ke kakye. Beitu abaingi amabondo nigagomoka garenga. Mbwenu eri izooba katureebe oku waakubaasa kugaruka omu buryo okareebeka gye bwanyima y’okuzaara, korabe otarafuniire bwore ahabw’emirimo etari emwe n’emwe ahabwa karantiini twara omugisha ogu kwekoraho kurebukangu waarebukagye kugira ngu koragarukye aha murimo twaruga omu karantini, abakozi batahi bawe batangare bebuuze eky’okozise!
Omushaho omwe kuruga Mbarara naagira ngu omukazi abaasa kurungi okurwanisa eibondo eryo bwanyima y’okuzaara, kaabe ogwo ou baashemeize arikuzaara. Omukazi ku ari kutwara enda, naayongyeraho sayizi agomoka, kandi ku arikuheza kuzaara, nakyendeezaho kakye nangwa n’okwontsya kumuhwera okushara sayizi. Beitu abamwe nibongyera kugomoka, bwanyima y’okukira kurungi nka omu wiilki 4-6, noobaasa kutandika kukora ebisasayizi bikye bikye ogaruzeho figa yaawe ei obaire oine nangwa n’okugirira kimwe sayizi nungi.
Okushara sayizi bwanyima y’okuzaara, huumura ekirikumara. Okubyamaho bwanyima y’omwereere waawe yabyama, nikikuhwera okushara aha sayizi, ahabw’okuba omubiri niguza kuba nigukora gye kandi kikuhwere n’obutarya munonga. Koma omwenda aha eibondo okureeba ngu ryayekwata gye ribanze kugaruka omu shape kitari ekyo, niriza kugomokyera kimwe nari okuhwamu rasitika.
Bwanyima y’esande 4-6 oherize kuzaara, oteine kirikukushaasha kyona, noobaasa kutandika okuteerana kurungi n’omushaija waawe. Ijuka ngu akazaano nako n’ekisasayizi kiri aho eky’amaani ekirikuretera washohoza etuutu, eshagama ekatambura gye, kakakubingaho situreesi n’ebishaju na munonga aha eibondo okukyendeera.
Fa aha mirire yaawe. Yetantare ebintu ebirimu za karoriiri nyingi nka chipusi, soda, chapatti, n’ebindi kandi yeemanyize kurya kakye ak’omugasho.
Fayo okureeba ngu waarya kyansya ahabw’okuba ni nkuru munonga. Rya ebihimba ebyenyanja n’ebindi nk’ebyo okutunga ekirisa kya puroteyini, kandi bikuhwere obutakwatwa juba enjara, okarya munonga okongyera aha bugomokye.
Rya ebijuma, emboga zirikwiragura hamwe n’ebindi ebitarimu bishaju, orwanise obugomokye oburikwija bwanyima y’okuzaara.
Kora ebisasayizi biringaniire. Waaheza kuhitsya esande 4-6 oherize kuzaara, tandika kukora ebisasayizi bikye okureeba ngu waarwanisa eibondo n’obugomokye nk’okwiruka (omunju nari omu irembo ryawe), okuvuga egaari, okuziha amaizi n’ebindi.
Owashemezibwe rwanisa eibondo oti! Okushemezibwa orikuzaara, kigumire munonga kukira ahari ogwo ozaire gye, n’ahabw’ekyo oine kutwara akaire okureeba ngu waakira gye munonga otakagiire omu by’okurwanisa eibondo. Oshemereire kurindaho esande 6-8 okutandika ebisasayizi eby’okushara obugomokye hamwe n’eibondo nk’ebi;
Masaagi Bwanyima y’esande ibiri, noobaasa kutandika kukora massagi mpora omu rubaju rw’eibondo, omugongo, emikono hamwe n’amaguru. Esande ina zaaheza kurabaho, noobaasa kutandika kumasaginga orukindo n’eibondo ryona.
Kozesa omubiri gwaawe. Oworukindo kutandika ekisasayizi ekyamaani oine kurinda esande 6 nari 8 kubanza zahwaho okabona kukora ebisasayizi eby’amaani. Kwonka tandika n’okutambura mpora mpora.
Yetantare eby’okurya ebisiikire, ebirimu ebishaju nk’amashita g’ente, ebinuriire nkaza swiiti, ice cream, keeki n’ebindi kandi orye munonga ebijuma n’emboga.
Okwonsya nikushahara muninga ebishaju. Yoonsya omwana waawe ameezi mukaaga otaine ekindi eky’okurya eki orikumuha bwanyima y’okushemezibwa.
Nywa amaizi maingi hamwe n’eshande. Eki nikihwera okushara ebishaju bingi ebirikuba bijwire omunyugunyu, kandi eshande y’endimu nayo nehwera okushohoza oburofa hamwe n’okukyendeeza oburemeezi oburugire omu kutwara enda.
Byama ekirikumara. Omwana waawe yaaheza kubyama naiwe byamaho, ohuumuze omubiri.
Guma nookora ebisasayizi kya kegel eky’okuba nk’akomire enkari bwanyima okagirekura, eki kikore kumara sekonda 5-10 burizooba. Humura Tuganiire
Huumura Tuganiire
Abakatoriki (2) Africa (3) Agekibarukiraho (43) Akaruuru 2011 (1) Akaruuru 2021 (26) Amagara (2) Amaka (5) Amakuru (538) America (1) Ebaruha (8) Ebirango (8) Eizooba Eri (5) Ekyanga Kyawe (9) Enfumu (3) Enganda (2) Esente (1) Haaya (1) Obugabe (8) Obutare (4) Okwiruka (2) Omuntu Waawe (12) Omupiira (24) Omushaho (1) Puriyamare (2) Ruhuuta (18) Senyiga Ya Corona (29)