Kagiira Skills Development Center, Agriculture With New SkillsABSA BANK UGANDA EHANGIREHO OBUHWEZI AHARI BA KASITOMA BAAYO, AHABW'ENDWARA YA COVID19.
Bagi ya Banka ya ABSA
Nekya ABSA
1113
Orwakataano 2020-04-17
Nk'eihanga Uganda hamwe n'ensi yoona okureitana n'ebyamagara g'abaantu boona, eby'entaatsya n'emishuuburo bibaasa kuchumbagira ahabw'endwaara ya Covid19. Absa Bank eriyo neekora enteekateeka y'okwirukangirira ba kasitoma baayo abarikumanywa omu Bank egi.
Omuntebeekanisa egi, ba kasitoma omubichweka byoona abatungire okuteganisibwa, n'okurabanisibwamu okuretsirwe endwara ya Covid19 nibaza kushashurwa sente z'obuhwezi ahabw'okwenda kworobya ahaburemeezi bw'ebyesente.
" Twaaba nitwebaza emiringo yokuchendeeza okujanjaara kw'endwara egi eya Covid19 eteirweho ensi yoona, hoona nabwo nitwetegyereza oburemeezi aha bantu nyabuntu hamwe nabashuubuzi. Obwa hati ebyaanga bingi nka za Hoteri, za loogi, ebyoburaambuzi, ebyokushemeererwamu, amaduuka amahaango ( whole sale) hamwe n'amakye ( retail), eby'engyenda hamwe neby'okukozesa ebindi bingi. Nahabwekyo nitumanya ngu hamwe ahari bakasitoma beitu nibeija kutuunga okugumirwa kuhikiriza obujunanizibwa bwabo bwenshashura ya sente , ekyo nikyo twaterireho enteekateeka mpango y'obuhwezi ahari bakasitoma, emishuuburo hamwe n'ebitongore kubahwera bakaraba omubwire obu obugumire" Ebyo bigambirwe Omwami Mumba Kalifungwa (omukishushani) Orikwebeembera Absa Bank Uganda.
Bakasitoma nibaza kushashurwa ekihuumuro kuhitsya ameezi mukaaga, obwo ebyeteengo nibyeija kujonjorwamu enshonga aha nshonga Kandi ebirasharweho nibyeija kurigirira ahambeera y'abakasitoma bwanyima yokuganiira nabo.
"Obuhwezi ahabitongore hamwe n'emishuuburo ya za bank nibyeija kuhwerwa kurigirira ahabyetaago by'abo. Abashubuzi hamwe n'ebitongore nibahigwa kuganiira naba maneja baabo omu bya banka" Omwami Kalifungwa nikwo ayongyeireho atyo.
Ahari abo bakasitoma abarikutuunga emishaara, Banka neeza kugaaniira nabarikubakozesa(employers) kurabira omuri ba maneja baabo abarikubanywanisa na Bank kusharaho okubaraabahe obuhwezi.
Enteekateeka ezi nizeija kutandikiraho. Okwongyera ahar' ekyo bakasitoma abarikumanywa omu Bank egi Kandi abarikweteenga obuhwezi, nibabaasa kuhayo okushaba kwabo kandi barabemu bateihirweho Sente zoona ezikwatireine n'okushoroonzya emirimo ya bank ( administrative fees)
Omwami Kalifungwa agizire " ahabwokugira ngu endwara egi egweireho ekitararireine, nikimanyitsa ngu nituteekwa okwega okuturaarabe omumbeera egi, nobweraagume neehindahiinduka. Nitweyongyera kubahamiza ngu twetebekaniise kandi twetekatekire kuhereza bakasitoma beitu mwena hamwe na Uganda yoona okutwarira hamwe kureeba ngu okwebeisaho kweitu kwagumaho nobuharaabe hariho okurabanisibwamu kukye. Nitweija kuguma nitwetegyeereza embeera n'okwegyendesereza , tugume ahampeereza yeitu y'obuhwezi kukirayetengyese.
Kwenda kwikiriza obuhwezi kuhika ahari bakasitoma beingi , Absa Bank Uganda neyehanangiriza abo abarikubaasa kuhikiriza obujunanizibwa bwabo kugumizamu nibashashura.
Huumura Tuganiire
Abakatoriki (2) Africa (3) Agekibarukiraho (43) Akaruuru 2011 (1) Akaruuru 2021 (26) Amagara (2) Amaka (5) Amakuru (535) America (1) Ebaruha (8) Ebirango (8) Eizooba Eri (5) Ekyanga Kyawe (9) Enfumu (3) Enganda (2) Esente (1) Haaya (1) Obugabe (8) Obutare (4) Okwiruka (2) Omuntu Waawe (12) Omupiira (24) Omushaho (1) Puriyamare (2) Ruhuuta (18) Senyiga Ya Corona (29)