Kagiira Skills Development Center, Agriculture With New SkillsOmushuma w'embuzi atemirwe!!
Kitagwenda
Nekya Kitagwenda
239
Orwakana 2020-04-02
Abatuuragye bekyaro kya Kabira omuri Kigoto Kitagwenda District bakwatsire kandi batemagura omushuma w'embuzi atwiire abamazireho obusingye.
Okwatsirwe, omanyireho erya Atuyambe omutaka w'omwanya nigwo gumwe beitu ogu bamukwatiire omukyaro kya Kinyamugara.
Arikuza kukwatwa, ogu abiire yaheza kwiiba embuzi ikumi namukaaga hamwe n'entaama itaano. Ebi byona bikwatsirwe.
Omukugyezaho kubarwanisa, abataka bekoziremu omurimo batyo bamutemagura, bamuhondagura kuhitsya obu bareebire ngu takiruka.
Bwanyima y'ezo nkoni, ogu atakire abandi babiri beitu aba babeire bashazire ahakutu. Ayongiire yabatakira ku hariho embuzi ezindi ikumi nitano 15 eziyeibire esande ehwiire kandi hati abeire azisherekire omuri Ntuuntu Kabujogera. Ezi nazo mukamawazo azibonire.
Atuyambe ogu nibwo abiire yaruga omukihome Nyabuhikye bwanyima y'kukwatwa yaheza kwiba amatungo omukatooma Ibanda.
Obwahati, ogu atwirwe omu kihome Kabujogera obwo okucondooza n'okutooza batahi be abarimu isheento kurikugyenda omumeisho.
Gashakwa omushaki weitu omuri Kitagwenda.
Huumura Tuganiire
Abakatoriki (2) Africa (3) Agekibarukiraho (43) Akaruuru 2011 (1) Akaruuru 2021 (26) Amagara (2) Amaka (5) Amakuru (538) America (1) Ebaruha (8) Ebirango (8) Eizooba Eri (5) Ekyanga Kyawe (9) Enfumu (3) Enganda (2) Esente (1) Haaya (1) Obugabe (8) Obutare (4) Okwiruka (2) Omuntu Waawe (12) Omupiira (24) Omushaho (1) Puriyamare (2) Ruhuuta (18) Senyiga Ya Corona (29)