Ebirango Bikuru

   Kagiira Skills Development Center, Agriculture With New Skills
   Diary Farm Training By Kagiira Skills Development Center in conjunction with Eiraka Radio

EBIKONGI BY'AMAANI EBIRI ENYIMA Y'OKUTUNGUUKA KW'ORUREMBO RWA MBARARA.


Mbarara
Nekya Andrew on 📷
1535

Saande 2020-04-19

1. WILSON TUMWINE- Owabaire ari meeya. Oyihireho eky'okuba meeya w'okubanza kwebembera orururembo rwa Mbarara obwire bwingi, Tumwine n'omwe ahabantu b'amaani aaine ebintu n'ebyombeko omu rurembo. Hoteeri ye eya Perikani eri ahari ruguuto rwa bananuka ekaba eri emwe ahazaabaire ziteekateekwaho omukutaayayisa enkiiko n'endeijo mikoro y'amaani omu rureembo. Tumwine kandi nuwe mukama w'ekyombeko kya CTM ekiriho baanka ya Standard Chartered, eikorerero ry'emigaati erya Tuweereza nan'eduuka y'ebyokwombekyesa kandi nagandi maju g'okumpangisa agari kureenga 200 omuri Lugazi na Kakoba.

2. MUHUMUZA APOLLO BARYA Apollo Barya niwe magezi agari enyima y'ekyombeko kya Barya Plaza ekiri aharuguuto rwa Makanisingi Kandi n'eduuka y'ebyokwombekyesa eya Barya eri aharuguuto rwa Mbaguta eshungeine n'amahembe g'ente ah'agati y'orureembo rwa Mbarara. Barya niwe mukuru wa Mbarara Investimenti Kiraabu, akakungu kaaba miriyooiya akayambire omukurwanirira ekitiinisa kya site omu 2011.

3. FRED KAFOOKO - Mukama wa Hoteeri, Rediyo na Kiraabu.

Omuntu wena oratweireho Mbarara naamanya Vision Empire, emwe omuri za kiraabu enkuru omururembo. Kiraabu, Vision Rediyo, Big Fun entateyinimenti ahakashozi ka Booma bimwe omubintu bikuru n'ebya Fred Kafooko - Eiba w'omweshongozi Agatha Kafooko, owahangweire ekirabo kya Pearl of Africa Music Award.

4. ALEX MUHANGI - Mukama wa Hoteeri nan'eduuka y'ebyokwombekyesa. Muhangi(atari omuvugi w'emotoka z'empaka owafeire) ni Mukama wa Kash and General Hardware (Eduuka y'ebyokwombekyesa), eyaatandikirwe omumwaka gwa 2003.

5. AGGREY TWIMUKYE - Mukama w'ebyombeko bya bizineesi na Hooteri. Twimukye aine omukono gw'amaani omuby'ogugaiga bwa Mbarara ebigyeimukize kuza ah'eidaara rya site. Niwe Mukama wa Adit house, hooteri ya Oxford Inn, Adit Mall entsya, ekyombeko ky Mega structure ekishungeine na Banka enkuru eya Uganda Mbarara Currency Centre.

6. GODFREY KACHUMA - GBK Dayare. Emwe omubitoongore ebyabaandize omuri Mbarara, GBK Dayare eri aharuguuto rwa Kabale eretsire Yogati amate agabeikirwegye n'omutiindo n'ebindi byeingi ahakatare ka Uganda k'amate ekihaire abariisa amagoba maingyi omuri za kampuni zaabo. Eikorero rya GBK nabwayima rikahanguha ryatandika kukora amaizi g'okunywa garikuriga ahamugyera nyeigyendwa ogwa Rwizi. Mukama waryo Kachuma kurig'obwe akataaha omubyamataka n'ebyombeko obwe arikutandikira aha kyombeko eky'obushuubuzi ahanteeraniro y'emihanda erikukwatanisa oruguuto rwa Buremba, Bananuka na Bishop Wills erikumanywa nka garagyi street kakye otakahikire ahakatare kah'agati(Central market).

APOLLO KIRIMI - Supamaketi nana ebyamataka n'ebyombeko. Omwe omubantu ba zabizineesi abaabandize omuri Mbarara, Kirimi niwe yaatandikireho Kirimi Supamaketi, ekyombeko ekiriho amaduuka g'okushuubura garikupangisibwa ahari ruguuto rwa Buremba. Egi Supamaketi n'emwe omuri Supamaketi ezaabandize omuri Mbarara, hati eriyo eri omunkora y'okugihinduramu emyariro eibiri, ekintu eky'amaani ahabw'orurembo rwa Mbarara site kwija.

7. PROF. HOSEA MUHANGUZI - Eduuka y'ebitabo eya Hosma. Obwe arikuzaarwa Bushenyi, Muhanguzi n'omwe ahabantu abaabandize kugira ebintu omuri Mbarara. Ekyombeko aharuguuto rwa Mbaguta ekiriho Eduuka y'ebitabo eya Hosma, nikyo kyarugireireho okutandika kw'eduuka y'ebitabo y'amaani omuri burengyerw'eizooba.

8. LEO BEYAHIRA - Baasi za Global Akeija, yaabiba kandi yaahamba. Baasi za global zitakahambire, eby'amagyenda ga Mbarara - Kampala bikaba byebembeirwe Baasi za Horizon eza Charles Muhangi na bwanyima baasi za Swift Safaris ezabaire ziri omumikono eya Hajji Musa Matovu hamwe na Leo Beyangira. Bwanyima y'okufa kwa Hajji Musa Matovu omuri 2010, bizinesi ekazamu entaro ekyareeteire Leo kutandikaho bizinesi eye wenka eya Global baasi. Kampuni obwahati eine baasi ezirikurenga 50, emotoka munaana ezirikutaambuza ebintu hamwe na baasi enkye nyingi. Tihariho kuhakana, Beyangira na Hajji Musa Matovu bakata omukono gwamaani ahankuraakurana ya Mbarara obwe barikureebeka ngu yaataahwa kwongyera omuhendo gw'abantu ekiro na nyomushana.

9. EDWARD KAZAIRE - Eikorero ry'ebirugwa omumibazi y'obuhangwa. Ahamyaka 33, Kazaire akaba yaabaire eiziina rya buri ka omuri burengyerw'eizooba bwa Uganda aha bw'eirwariro rye ry'obuhangwa n'ebyokunywa by'amagara. Bizinesi ye eya Kazaire Health Products neebarirwamu esente ezirikuhingura obuhumbi eikumi (10billion) Kandi naakozesa abakozi barikuhingura magana ashatu (300)

OKUSIIMA KW'OMUTAANO. Ekitebyo kya Mbarara nikibaasa kuba kitahwaire haaba hatariho kusiima kw'omutaano ahari Ibabaza Kamugira Fred, mukuru w'entebe ya kataano owatweire Mbarara kuba munisiparite, Omugyenzi Charles Muhangi owa Horizon coaches, ezareetsire abantu boona omungyendo zaabo z'emirimo, okushoma n'okuta esente omuri Mbarara.

Francis Mwebesa ow'eikorero rya Kakoba Steel Manufacturing, Bananas Taremwa owa Kosiya Hotel and services apartments, James Tu

Huumura Tuganiire

Abakatoriki (2) Africa (3) Agekibarukiraho (43) Akaruuru 2011 (1) Akaruuru 2021 (26) Amagara (2) Amaka (5) Amakuru (538) America (1) Ebaruha (8) Ebirango (8) Eizooba Eri (5) Ekyanga Kyawe (9) Enfumu (3) Enganda (2) Esente (1) Haaya (1) Obugabe (8) Obutare (4) Okwiruka (2) Omuntu Waawe (12) Omupiira (24) Omushaho (1) Puriyamare (2) Ruhuuta (18) Senyiga Ya Corona (29)