Kagiira Skills Development Center, Agriculture With New SkillsNyekundeire kwekoramu omwooga omukurwanisa ekirweire kya covid 19 - Ibanda
Ibanda
Nekya Ibanda
327
Orwakataano 2020-04-03
Ebiro ebi, ensi yoona amaisho egahangiire ow'ahaiguru, erikushaba ngu obundi akagira okuyashuuma, ahweeraho abantu be ahabw'embeera eriho hati, erikwerarikiriza munonga, ahabwa ekirweire ekibasize kujanjaara omu nsi yoona obwo kirikutandikira omu rurembo rwa Wuhan omuri China, ekya senyinga ensya, nari shi omurwa seeri, ekirikumanya nka Covid 19 ekikureetwa akakooko ka corona virus
Eizooba rya nyomwabazyo, abantu abeyetsire Nyekundeire omu rurembo rwa Ibanda, beheireyo, kandi bayekoramu omwooga gw'okurwanisa ekirweire nikyo kimwe! Aba, babeire bebembeirwe omujwekyerwa wa mukuru w'eihanga omuri Ibanda disturikiti, Omwami Eliasto Akatuheebwa, omukushonda empiiha z'okuhweeraho kutwaara abantu abarweire omu marwariro, hamwe n'omukwirukaanga omu byaaro, kushomesa abantu okubakubaasa kurwanisa hamwe nokwerinda ekirweire nikyo kimwe ekya covid 19
Bamwe ahari ba member ba Ibanda Community Development Group eya WhatsApp, barebukireho aha mutimbagano nigwo gumwe barikushorooza obuhweezi. Abantu barikurenga makumi ashatu (30), babasize kuba nibeirukangirira ehururu niyo emwe!
Kandi omwe omuryaabo, orikwenda entebe y'omunyeishengyero ahabwa Ibanda munisiparite, orikumanywa nka Agaba Peter owa Agaba Foundation, abasize kuba nayirukangirira ehururu egi munonga obwo arikuhereza amajuta g'emotoka(fuel). Emotoka zirikwingana eikumi n'emwe (11) nizo zitungire amajuta kuruga owa Agaba. omuryeezo, habeire harimu emotoka eza disturikiti zirikwingana mwenda (9), neya diisi emwe (1) hamwe n'endiijo emwe (1) eya Eiraka reediyo kandi egi niyo erikugyendwamu abanyamakuru.
Baitu omubigambo bye, Agaba Peter abeire agumize ngu yabaasa kuherezeyo kakye akuyaba nabaasa kurebuka ngu kayambaho omukubunzya ehururu y'okushomesa omuntu w'obutoosha okurwanisa hamwe n'okuyakwerinda ekirweire kya covid 19. Agaba agumiizemu yagira ngu ezi motoka zibeire zaine obuzibu bw'amajuta kuruga omu bigambo omu bigambo bya RDC wa Ibanda. Baitu ogu takomire aho hoonka, agarukire yaherezayo emotoka ye ey'kika kya ambulance kuba nehweeraho omukurahukira kutwaara abarweire omu marwariro.
Abandi bakye, abahereizeyo kakye n'akahango akubeine harimu nka Patrick Bitature ogu aheire esente zirikwingana miriyoni ibiri (2m) omu za Uganda, Joveline Kaliisa kandi ori omunyeishengyero omukazi ahabwa disturikiti ey'ibanda abaasize kuba naherezayo emitwaaro makumi abiri (200
Huumura Tuganiire
Abakatoriki (2) Africa (3) Agekibarukiraho (43) Akaruuru 2011 (1) Akaruuru 2021 (26) Amagara (2) Amaka (5) Amakuru (535) America (1) Ebaruha (8) Ebirango (8) Eizooba Eri (5) Ekyanga Kyawe (9) Enfumu (3) Enganda (2) Esente (1) Haaya (1) Obugabe (8) Obutare (4) Okwiruka (2) Omuntu Waawe (12) Omupiira (24) Omushaho (1) Puriyamare (2) Ruhuuta (18) Senyiga Ya Corona (29)