James Birungi Ozo kutuutura abarikwenda ey'omunyeishengyero ahabwa kibaale !_

Kibaale
Nekya Elia Divasi aha Camera
697

Orwokubanza 2020-04-20

Aba kibaale barugireyo bagamba amazima oku barikwiija kuha James Ozo Birungi akaruuru k'entebe y'omunyeishengyero ahabw'ishaza rya Kibaale!

Baitu nikigambwa ngu abantu barikwingana bana nibo baherize kuba nibemurika omu bantu okubarikwenda kwetsimbaho aha ntebe y'omunyeishengyero ahabw'ishaza rya kibaale erikushangwa omuri Kamwengye disturikiti.

Abarikwenda kuriiturana nabo barimu nka Cuthbert Abigaba Mirembe kandi Ogu, niwe munyeishengyero ahabw'ishaaza rya Kibaale, Musiime Prosper, kandi ogu naakora n'ekitongore ky'amaizi omuri karangara, Mugabe Robert Semikaranka kandi ogu nakora na reediyo y'eihanga erikumanywa nka UBC, hamwe na James Ozo Birungi kandi ogu aketsimbaho omu gwa 2001 obwayetsimbaho na Frank Tumwebaze kwonka tibyamugyendera gye, akagaruka yayetsimbaho akaruuru aka akahweire na Cuthbert Abigaba Mirembe, omu gwa 2016 nako tikamugyenderagye!

Nikigambwa ngu James Ozo Birungi akaba atweire omu kibiina kya FDC baitu akabaasa kuba nahinduka nagaruka omukibiina kya Rwangisiriza (NRM) kandi abaasize kuba nakorera abantu ba Kibaale, kandi obwahati nikigambwa ngu ayombekire amarwariro nka kyabandaara health centre, Busiriba health centre, kahungye health centre hamwe na kanimi health centre. Beitu ngu nangwa akozire n'entiindo nka orwa kabambiro orwabeire ruteganisa abaana barikuza kushoma hamwe n'abantu nyamwingi munonga kandi nigwo muhanda ogurikuza kyakatwiire gukagumizamu kyenjojo. Agambiire abantu ngu kwaraze omw'ishengyero nayija kugukora kooraasi baitu keongyererera aha bintu ebindi ebi akozire omwishaza rya Kibaale

Baitu Ag'oweitu tugyerizeho kugambaho na bamwe ahabatuuze omuri kibaale Kandi nka Byaruhanga owakabambiro abaire agumize ngu James Ozo Birungi nomushaija omukozi kandi arikukunda abantu ba kibaale Kandi omuntu ayeheireyo kubahitsyaho obuhereza butari bumwe na bumwe. Julius owa kabambiro we abeire agumize ngu Ozo akabaha unifumo y'okuzaanisa omupiira Kandi naabaha obuyambi bwoona obubarikwenda nk'abazaani b'omupiira . Beitu Kezaabu omutuuragye omuri kahungye nawe abeire agumize ngu Cuthbert Abigaba tihsine kyabakoriire ngu Kandi na'kakye akubaine omuri kahungye nahabwa James ozo Birungi

Itwe Agoweitu nikwo kugakuretera kandi tukagumizamu turikubashaba kumunaaba omungaro nikwo tukarwanisa ekirweire kya Covid-19 omwihanga

Huumura Tuganiire

Abakatoriki (2) Africa (3) Agekibarukiraho (43) Akaruuru 2011 (1) Akaruuru 2021 (26) Amagara (2) Amaka (5) Amakuru (538) America (1) Ebaruha (8) Ebirango (8) Eizooba Eri (5) Ekyanga Kyawe (9) Enfumu (3) Enganda (2) Esente (1) Haaya (1) Obugabe (8) Obutare (4) Okwiruka (2) Omuntu Waawe (12) Omupiira (24) Omushaho (1) Puriyamare (2) Ruhuuta (18) Senyiga Ya Corona (29)