Rab J Ekyafaayo Omweshongonzi wa burengye bw'eizooba n'ekyeshongoro kye kirungi kya Ankole

Omu vidiyo ya Rab Jay Ekyafaayo
Nekya Rab J Ekyafaayo aha 📷
1845

Orwokubanza 2020-04-20

Rab J Ekyafaayo nashoborora aha kyeshongoro kye enkye Nibwegye.

Nkashanga Ku hatariho kyeshongoro kyoona ekyiri omubihandiiko nari omubishushsni omuri Ankole ekiri kushoborora gye aha twaaza y'omunyankore. Abamwe nibejunitsa ebitooma bya Buganda, abandi bajwaara nk'abanyarwanda kandi abeshongozi bamwe nibatekateka ngu ebitaguriro nibyo byeshongoro by'enzaarwa byoonka.

Nkatwaara obwiire buringwa munoonga ndi kutekyereza aha kubaasa kushoborora abantu aha ntwaaza ya abanyakare nkarukurabira omukweshongora, nikwo kweshongora ekyeshongoro kya "NIBWENGYE".

Omukubaanza nkaba nintekateka ngu abantu tibariize kunyetegyereza, beitu nkeiza kushaanga ngu buri muntu abaire aine eiriho ryekyeshongoro nkekyo.

Eizina ryaakyo tikyitaguriro kandi tikyinyarwanda kwonka ahabwokuba n'ekyenzaarwa, enshusha y'oburungi bwa Ankole.

Ekyeshongoro omu kihandiko

NIBWENGYE

Ekyitongyerero
Wanyeta nkakwetaba NIBWENGYE.
Wikiriza tukakundana NIBWENGYE.
Nagwa na rukundo yeijura NIBWENGYE.
Ekareenga enteete ekatika NIBWENGYE.

EKYIKYWEEKA KY'OKUBAANZA
Nyina amatuungo omwiburaaa....
Ongututsya amahwa omwihaamba
Nduha onduhuura ngubwagyeee.....
Onzirika akatsya mujuumbiii....
Ogwitsa gye atwaaza gyeeeiiieeee....
Yeimwe, kanobu gwegwe nemiyondo
Nyabura, kanamate kanobuteeka
Yasheka noreeba mpuuga yajumeera
Hmmm mpurira obusingye nanye nagonooka...

EKYIKWEEKA KY'AKABIRI.
Timashushane nkemituumba nekyizirakoma
Neinga enkwaanzi nobunyagashana
Nobukyakuba ekyoozi nomutaanga
Nahokumutiriga ibonde ngu anyebeee...
Okamujweeka empu namahembe mwijukaaa..
Nkamukyooka nkembibo ogu mwejeka.
Nyekyiro nayaaka
Nyomushana abenjeeyaaa...
Okeijura oburungi orenzyaho

EKYIKWEEKA KY'AKASHATU.
Nyina amatuungo omwibura
Angurutsya amahwa omwihaamba
Nduha anduhuura ngubwagye
Anzirika akasya mujuumbiiiii
Agwisagye atwaazagyeeeiieeee...
Yeizire bandaara
Nowaawe bandaara huumura
Bandaara katima bandaara
Yeizire bandaara
Nowawe bandaara huumura
Bandaara katima bandaara.

Ekyeshongoro eki nokishanga aha "You Tube".

Huumura Tuganiire

Abakatoriki (2) Africa (3) Agekibarukiraho (43) Akaruuru 2011 (1) Akaruuru 2021 (26) Amagara (2) Amaka (5) Amakuru (535) America (1) Ebaruha (8) Ebirango (8) Eizooba Eri (5) Ekyanga Kyawe (9) Enfumu (3) Enganda (2) Esente (1) Haaya (1) Obugabe (8) Obutare (4) Okwiruka (2) Omuntu Waawe (12) Omupiira (24) Omushaho (1) Puriyamare (2) Ruhuuta (18) Senyiga Ya Corona (29)