Kagiira Skills Development Center, Agriculture With New SkillsOKWEKORAHO OKANYIRIRA NIKIKUUMA RUKUNDO N’AMAKA GAAWE OBUTAFA
Agoweitu
Nekya Elia aha 📷
820
Orwokubanza 2020-04-20
Oreeburize eki omushaija yaakukunzireho omu baishiki abandi boona akasharamu kuba naiwe yaatwara?
Oihireho eky’okugira ngu nooza kuzaara abaana? Ekyo noomanya ngu buri mukazi weena abaana naabaasa kubazaara oihireho abaine obugumba. Hari enshonga ahabw’enki omu bakazi miriyooni na miriyooni, omushaija naasharamu agira ati ogu kambe niwe naagambira ekigambo, nangwa n’eby’okushwera atakabiteekateekire?
Ekirikukira munonga n’endeebeka omurundi gwawe gw’okubanza. Omurundi gw’okubanza nigwo gurikuha omushaija kweyongyerayo akagira eki yaagamba. Beitu ekizibu ekiriho n’okugira ngu omukazi ku arikuheza kutunga omushaija, amanya ati naaheza. Oku yaabaire naajwara, arikwesiiga, arikwefaho, abirugaho.
Eri izooba nikyo ndikwenda tureebeho. Omukazi omwe akaba yaabuurize ati ba slay queen ka baatumarira abashaija ekibuzo ekinagarukiremu n’ebikukwata aha ba slay queen, aha ndagiriro egi ahaifo;
Mbwenu egi niyo nshonga y’amaani ei oine kumanya. Okwekoraho saviisi nikikuru munonga okukira munonga omu magara g’omukazi kandi eki, oshemereire kuba nookimanya ngu waaba nooyenda omushaija agume naakukunda nk’omurundi gw’okubanza obu yaakureeba, gyezaho munonga kureeba ngu waakuuma omutindo ogu yaakushangireho.
N’amazima kandi twena nitugamanya ngu hariho omukazi orikuzaara eizaara rimwe akatandika kushusha nk’eiju. Haza oshanga ondiijo aine abaana bataano kwonka okimubugana oshusha oti takazaaraga.
Ekyo nikyo oshemereire kuta omu mutwe.
Ni bintu ki ebi twine kuba nitwekoraho saviisi?
Ni kikuru munonga omwishiki n’omukazi na munonga oshweirwe, okufayo munonga okuguma naayeekoraho saviisi okubaasa kutambuza gye amaka gye, kandi eby’okukora saviisi harimu;
EBAKURI; Abakazi baingi obwire nibabumarira aha feesi beebwa ekiine kuba nikibanza ebakuri. Ebakuri egi manya niyo eyeemerezaho amaka, waaginagirira biri nooba waaza kushemba nakyo. Ebakuri egi harimu ebintu bingi ebi oine kuba nookora saviisi nka; Amaizi g’ekihama, manya aga oine kuguma noogongyeraho nk’oku kirikubaasa kandi waaba otagaine oine kugaronda kifuba ahabw’okuba tigaine kuburaho omu kazaano. Abamwe ku barikuheza kuzaara tarikufayo kufunza ebakuri, haza ekihanguha oshanga omushaija atakishemererwa kazaano. Hariho ebishugi ebi abakazi barikukoresa namunonga omukazi yaaheza kuzaara kureeba ngu yaaguma aine rasitiika. Kandi n’akahooho karikugirugamu nako oshemereire kukateekateekaho munonga.
Sayizi yaawe eri eta? Abakazi abaingi ku barikuheza kuzaara sayizi eyongyera. Ahabw’okushutama munonga n’okurya munonga. Haza oijukye ngu omushaija akakukunda ahabwa ka figa kaawe.
Okunywa amaizi; Buri mukazi weena aine kuba naafayo munonga okunywa amaizi hakiri lita itaano buri izooba, aga nigahwera omubiri kubamu amaizi, kworoba gye hamwe n’okugira amaizi g’ekihama.
Okunaaba; Yongera kuba omuyonjo aha mubiri gwawe, omu byakwaawa, akanwa, ebakuri hamwe n’ekibunu. Eby’okushanga noonuuka amashereka ngu nibwo orikwotsya, nibikutamisa omushaija. Emijwarire n’ebindi bingi oine kubihafaho kureeba ngu waaguma aha mutindo.
Manya emijwarire y’ekishengye;
Huumura Tuganiire
Abakatoriki (2) Africa (3) Agekibarukiraho (43) Akaruuru 2011 (1) Akaruuru 2021 (26) Amagara (2) Amaka (5) Amakuru (538) America (1) Ebaruha (8) Ebirango (8) Eizooba Eri (5) Ekyanga Kyawe (9) Enfumu (3) Enganda (2) Esente (1) Haaya (1) Obugabe (8) Obutare (4) Okwiruka (2) Omuntu Waawe (12) Omupiira (24) Omushaho (1) Puriyamare (2) Ruhuuta (18) Senyiga Ya Corona (29)