Ebirango Bikuru

   Kagiira Skills Development Center, Agriculture With New Skills
   Diary Farm Training By Kagiira Skills Development Center in conjunction with Eiraka Radio

Abarikwenda entebe eya kataano (LCV) Ibanda, 2021, bahiika mushanju (7). Boona beine amaani-Shoma orebe ebirikubakwataho


Sipiika wa Ibanda disiturikiti
Nekya Happy Mayanja
0

Orwakashatu 2020-04-22

Obwe Uganda eriyo neyetebekanisiza akaruru ka 2021, ebya Ibanda byahiikamu omuriro n'omwonyo.

Abarikwenda eya mukuru w'entebe ya kataano (LCV) omuri Ibanda nibeyongyera bwashesha bwiira.

Obwahati abantu barikwingana mushanju (7) nibo barugireyo bakeyoreka abantu ba Ibanda kandi bakabagambira okubarikwenda kwetsimbaho aha ntebe ya kataano omu Ibanda disiturikiti.

Abamwe abokwenda entebe egyo nibaba;
Kajwengye Melichiadise; ogu niwe ori mukuru w'entebe ya kataano omuri Ibanda obwahati. Kajwengye, egi ntebe yagimaraho emyaka mingi munonga erengire ikumi n'eshaatu (13). Ebintu bingi bikozirwe omubwire bwe. Ebimwe ebyakozire ninka eguuto nungi okwetorora disiturikiti ya Ibanda, okutungura ebya obwegyese, kureta amaizi marungi n'ebindi bingi munonga. Kwoka nobu arabe akozireho ebyo, Omunyankore nagiira n'omurungi taburwaho kamogo. Kajwengye abanyi Ibanda nibamutura obutarwanisa nguzi omu disiturikiti kandi obutwarinisa okwebaganisamu kwabantu ba Ibanda namunonga abantu ba Ibanda yamateemba. Ogu nikigambwa omubwire bwe, emiromo aha disiturikiti negabwa omu buzare, Omunganda kandi n'omukumanywa.

Happy Mayanja. Obwahati ogu ni kansara w'egomborora Keihangara kandi sipiika wa disiturikiti ya Ibanda. Oyihireho ebyo, n'omushubuzi kandi enkuzi y'obwegyese omuri Ibanda. Mayanja n'omwe aha ba dayirekita ba Citizens SS erikushangwa Kagongo Division omuri Ibanda Munisiparite. Ayine eduuka ya mani eriku guza ebya amashanyarazi aha ruguuto nyigyendwa Ibanda Main. Ezindi buzinesi ninka hotel noburaro bwa abantu kandi n'omuhingi. Obwahwireho, tukareba omunyeishengero ahabwa Ibanda eyamashuuma , Minisita w'enshonga za Karamoja Eng. John Byabagambi yatabukire arikumworekyereza akakumu, agumize ngu niwe omwe ahabantu abaremise entuguka omuri Ibanda bwanyima y'okukozesa amani ge nka sipiika w'eishengero rya Ibanda disiturikiti bakaaga kurabyamu ekitenso kyokuha eitaaka ry'okombekaho offisi za ekitongore kya NWSC (National Water Sewage Cooperation) ekya kanyina ina. Abanyibanda nabwe nibagira aremirwe kurwanitsa enguzi aha kitebe kikuru kya Ibanda disiturikiti kandi nakira kuhurikiriza munonga ebya Kajwengye (LCV) na Eng. John Byabagambi ebibarikugamba.

Abanyibanda bakiire ekitekateko kya Happy Mayanja kandi bagira ngu niwe ashemerire kuhugura entebbe y'amukuru wa disiturikiti ya Ibanda ahabwokuba ayiine sitamina kandi namanya kugamba n'okushoborora.

Kampimpi John; Ogu obwahati ni kansara w'egomborora ya Kicuzi omuri Ibanda yamashuuma. Nahwe yamaziire kuba nayeyoreka omu bantu kwarikwenda kwetsimbaho aha ntebe y'akataano omuri Ibanda. Ogu n'omunyamakuru. Akakoraho naza rediyo zimwe omuri burengerw'eizooba nka rediyo Endigito omuri Mbarara kandi hati aharikukora, Eiraka Radio erikushangwa omuri Ibanda ahu yabingirwe ahabwo butikirizana na Eng. John Byabagambi ori omwe ahaba dayirekita ba rediyo egyo, rediyo 5 Rushere Kiruhura hamwe nezindi nyamwingyi. Kampimpi John namanywa munonga aha puroguramu ya Shwenkanzi eyiyabaire nakoraho aha rediyo Endigito omumyaka ya 2000. Agatungirwe nigangira John Kampimpi abihiremu amaani kwonka we nagamba akigaine. N'omwe ahaba kansara abarikutensa gye omwishengyero rya disiturikiti ya Ibanda kandi nashutama aha kakiiko ka piida. Nakunda kuzikira abantu abafereirwe kandi ashasha nabo. N'omuntu omwe akukunda endiini kandi takayosha omumaramizo kusiima Ruhanga. John, n'omuntu omwe akukunda kugamba bingi kwonka ebyarikugamba tabiteka munkora. Nikigambwa nka kansara w'egomborora ya Kicuzi aremirwe kukora enguuto Kandi ebya amagara tabifireho omu gomborora niyo emwe. John Kampimpi tarikurebana misho na misho na Minisita Eng. John Byabagambi ahabweshonga ezitarizimwe na zimwe. Butosha abanyamakuru nibashanga nibejuuma.

Dr. Mutabaruka Fred. Ogu niwe kansara wa bakozi aha disiturikiti ya Ibanda kandi nabuzabuza nk'omukazi arikunyara nayoga. Edijo emirimo eyakukora ninka eya obwegyese, ayine eishomero rya Ibanda Modern Primary School omuri Kigarama Bisheshe Division Kandi akabaho hedimasita wa amashomero maigi omuri Ibanda. Obwahati nakora na Mountain of The Moon University, Fortportal nka diini wa abegi.

N'omwe ahabantu abashomire munonga omu barikwenda entebe egyi. Ashomire yahiika aha hindara rya PHD. Mutabaruka akaba yayetsimbireho aha ntebe niyo emwe beitu tibiragyenzire kurungi. Kajwengye akamutera owa ishe butaka. Nakunda abantu kandi n'omugambi murungi. Namanya kushoborora. Kwonka abantu ba Ibanda nibagira ngu takwemarira ahabwokuba akija yiruka omukaruru omu gwa 2016. Naruga omu Ibanda yamateemba kwonka emiirimo ye nagikorera omu tauni ya Ibanda. Orukaraara nirukyeyongyerayo kandi osheme n'ebyanyi Ibanda ebibagambire

Huumura Tuganiire

Abakatoriki (2) Africa (3) Agekibarukiraho (43) Akaruuru 2011 (1) Akaruuru 2021 (26) Amagara (2) Amaka (5) Amakuru (535) America (1) Ebaruha (8) Ebirango (8) Eizooba Eri (5) Ekyanga Kyawe (9) Enfumu (3) Enganda (2) Esente (1) Haaya (1) Obugabe (8) Obutare (4) Okwiruka (2) Omuntu Waawe (12) Omupiira (24) Omushaho (1) Puriyamare (2) Ruhuuta (18) Senyiga Ya Corona (29)