Kagiira Skills Development Center, Agriculture With New SkillsOKUTONTOMERA OMUSHAIJA KIITSIRE AMAKA
Ankole
Nekya Mudesta owa Ndi Omunya Nkore
864
Orwakashatu 2020-04-22
Shwenkazi
Nimanya bingi muri omuka nab’abashaija banyu mbwenu oine kugambira omukundwa waawe ebi orikubaasa kukora hamwe n’eby’otarikubaasa n’obu waakuba noomanya ngu nibwo arikwenda namunonga omu nshonga y’ekitanda. Bingi nibakira kubaiha abakundwa baabo kwenda kubashemeza. Abakazi bashemereire kuba ab’amazima nk’omuringo gw’okworeka rukundo omu bashweireine, tihaine nk’oku orikubaasa kukunda omuntu ou ori kubeiha ahakuba yaaheza kumanya ngu otwire n’omubeiha, rukundo ei ari kuba akwiniire neeba yaakoma. Mbwenu okwetantara omuze ogu oine kukora ebi kukuuma amaka gaawe!
Okurinda orurimi rwawe! Ahabw’okuba niko kacweka k’omubiri akari kukizayo akabi aha mubiri gw’omuntu. Mbwenu abakazi baine kwegyendesereza aha ngamba yaabo omu maka aha bw’okuba abashaija tibari kwenda abakazi abari kubagambira kubi, kandi otarikora ekintu kyona ninga kugamba oine ekiniga ahabw’okuba noobaasa kushanga wagambire omukundwa waawe ebigambo bibi otarikubaasa kugaruza omukanwa. Omukazi oine kwega omuringo gu oine kugambiramu omushaija waawe kandi otari kumutontomera kureka obaase kutwaza mpora mpora. Eki agizire ngu nikigura omushaija amaisho atandika kureeba eka ye nk’ekintu ky’omuhendo kandi atandika kumara nabo obwire bwingi.
Okwesiga Ruhanga! Buri mukazi weena ari kuteekateka kutandikaho amaka aine kwekwatsa Ruhanga ahabw’okuba amaka tigorobi.
Ruhanga akahanga omukazi yamuhereza ekintu kimwe ekyakubaasa kwombeka amaka, kandi omukazi aine kwika nazaara, nibwo arikwijura omu bushwere ari kureberera omwanawe ekimwe aha bintu ebikwombeka amaka gakahangaara.
Okusaasirana! Omukazi aine kumanaya ngu abashaija abaingi nibareeba abakazi abandi aheeru y’amaka gaabo namunonga abo abazairwe omu murembe ogu ogwa whatsap na facebook. Omushaija naaba aine ebintu bingi ebi arikukunda aha bakazi kandi nooshanga obwire obwingi yaaza kubironda aha bakazi abandi kwonka ekyo tikiri kumanyisa ngu tarikukunda omukazi we. Mbwenu n’omurimo gw’omukazi kugira omutima gw’okusaasira kandi nawe akagyezaho kwereberera gye kandi akeega obukoryo obwakubaasa kukumira omushaija hamwe. Omukazi oine kufayo munonga kureeba ngu wanaaba gye kandi oyorekye obujunanizibwa onabiise n’omushaija waawe ahabw’okuba waayoreka omushaija ngu n’omufaho munonga, ebiteekateeko by’okureeba abakazi abandi nibikyendeera.
Obuyonjo! Buri mukazi aine kukuma obuyonjo bw’omubiri hamwe n’obw’omukishengye. Ekishengye eki ari kutuuramu n’omushaija we tikirimu ebintu bingi kandi aine kuyonja buri nshonda yoona omu kishengye otaireho n’omunda y’ekitanda.
Oine kuyonja ekitanda eki orikuza kwegaitiramu n’omushaija obwo ari kuhindura amashuka buri izooba kwenda obutamaraho omushaija waawe apetayiti aha bw’oburofa bwaha kitanda. Waaba oine endwara nka UTI oine kweyonja gye otakagiire omu kitanda n’omushaija. Obushwere burungi nikyo kishengye kirungi;
Omukazi oine kuywa amaizi maingi burizooba! Oine kunywa amaizi agarikwingana n’egiraasi ina, ahabw’okuba amaizi nigaboneza ebiri omu mubiri otireho n’okwigura gye emisi y’eshagama. Amaizi aga nigongyera kworobya omubiri gwawe kandi otunga akabiri karungi kandi nobu orikuna nooza kwegaita n’omushaija waawe, amaizi aga nigaba gakwogize omunda gakuyamba obutashohoza amaizi gari kunuuka kubi.
Abashaija nitwe tugyezeho tuyambeho abakazi baitu emyoga etari emwe n’emwe omumaka gaitu;
Kaagire amaka marungi! Byahandikwa Mudesta Bayongyeza owa Facebook Page Ndi Omunya Nkore
Huumura Tuganiire
Abakatoriki (2) Africa (3) Agekibarukiraho (43) Akaruuru 2011 (1) Akaruuru 2021 (26) Amagara (2) Amaka (5) Amakuru (535) America (1) Ebaruha (8) Ebirango (8) Eizooba Eri (5) Ekyanga Kyawe (9) Enfumu (3) Enganda (2) Esente (1) Haaya (1) Obugabe (8) Obutare (4) Okwiruka (2) Omuntu Waawe (12) Omupiira (24) Omushaho (1) Puriyamare (2) Ruhuuta (18) Senyiga Ya Corona (29)