Kagiira Skills Development Center, Agriculture With New SkillsAbandi bantu abarikwenda entebe eya kataano (LCV) Ibanda Disiturikiti. Uh! Nibotsya nk'omuriro. Bashomeho.
Jame Agaba Banyenzaki akwenda entebe ya LCV Ibanda disiturikiti
Nekya Agoweitu
0
Orwakana 2020-04-23
Abandi bantu bashaatu (3) n'ibo behireyo kuhayanira entebe ya kataano (LCV), boona nibotsya nk'omuriro. Omwe n'wekigombe kya 'People Power' kandi omunyeto.
Shoma amaziina gabo n'ebirikubakwataho.
Tumwebaze Crescent; nawe yamaziire kuba nayeyoreka kwarikwenda entebbe ya kataano beitu ogu nawe n'omuhumuriza omu kitongotore kimwe omuri Kampala. Akorireho ebitongore byingi ebikuhumuriza abantu. Nakunda ebyobwebembezi. Akabaho Mukuru wa abantu abashomireho omwishomero rya Citizens SS, Ibanda. Omugwa 2016, akarebwaho munonga na Mary Bakubagana owasingirwe akaruru k'entebe yabakazi omuri Ibanda disiturikiti. N'omwe abajwekiire eminyeto kandi nawe nakunda ebyobwegyese nokureta abantu hamwe. Nakunda kusheka kandi ayine rukundo ya abantu ba Ibanda. Crescent naruga Kagongo Division.
Agaba James Banyenzaki; Ogu nakora nekitebe kya Mbarara Municipal Council nka mukuru w'ebyobushubuzi (Commercial Officer). Niwe ahererukireyo kweyoreka abanyibanda kwarikwenda entebe egyi. Naruga omugomborora ya Kikyenkye. Akakoraho na disiturikiti ya Ibanda kandi ebingi nabimanya. Nakunda entuguuka ya abantu kandi nebyobushubuzi. Ebingi ebimukwatsireho tibya kamanyirwe kwonka abanyibanda nawe bamwakire.
Faizo Majanja: Ogu n'omwe omu bazaani b'omumpiira omuri Ibanda disiturikiti kandi akwenda kwiziira aha tiketi ya people power. Obuhweireho akashohooza ebishushani bye aha mitimbagano y'ebyempurizigana ebya migita byaro. Kwonka abanyi Ibanda bariyo nibebuza yaba ayiine obwegyese bukumwikiriza kwetsimba aha entebe egyo. Obwahati nakozesa emikutu ya migita byaro kushomesa abantu ba Ibanda ebikwatireine n'endwara ya Korona vayirasi. N'omuntu akukunda eby'emizano kandi ayambire abaana bato kukunda eby'emizano. Aretsire Ibanda yamanywa omubye mizano aharurengo rw'eihanga.
Ibanda distirikiti n'emwe omu ma disitirikiti ga Uganda agariyo nigakura aha sipidi etari y'aburujo. Eki nikiretera abantu nyamwingi bakunda kwenyigira omu by'obutegyeki nkagumwe ahamiringo yokureta entunguka hamwe n'enkurakurana omuri Ibanda.
Tugyerizeho kugambaho na bamwe ahabatuze omuri Ibanda kandi abateezi bakaruru ahanshonga niyo emwe y'abantu abarikwenda kwetsimbaho ahantebe niyo emwe. Buri omwe aheireyo entekateka ye nko omuntu.
Eng. Mureju ogu nomushubuzi omuri Kagongo. Ogu abeire agumize nekyamaziima Kajwengye ori mukuru w'entebbe niyo emwe, atugizire ogu aremirwe kandi obwahati Ibanda eshemerire kuba netunga omwebembezi ondeijo arikumanya embeera y'omuntu waburijo eyarikuturamu.
Innocent Kabaale: abeire agumize ngu kwiiha yakura obwahati aine emyaka makumi abiri n'eshatu (23) tarikumanya oku Kajwengye arikushushana. Takamurebahoga nayija n'omukyanga kyabo kureba abantu abamuhire akaruuru.
Renah owa Kakinga nawe agizire ngu Kajwengye Melichiadise n'omushaija omukozi akozire ebintu byingi by'entuguka omuri Ibanda. Atugizire n'ebyakoozire byonka nebyegambirira, bamurekye agumizemu n'entebe ye ayebembere Ibanda.
Johnson Rweibare owa Kakuto nagira nikirungi abantu kurugayo kworeka okwetsimba. N'obugabe bwabo kandi nekitabo kikuru ky'eihanga nikikiriza.
Ibanda disiturikiti eyine amagomborora garikurenga omuri ikumi n'ataano (15).
Ebindi ebirikukiraho bishangye aha www.ugandadecides.com omukutu ogukushoheza eby'akaruru ka 2021 omu Uganda yoona.
Huumura Tuganiire
Abakatoriki (2) Africa (3) Agekibarukiraho (43) Akaruuru 2011 (1) Akaruuru 2021 (26) Amagara (2) Amaka (5) Amakuru (535) America (1) Ebaruha (8) Ebirango (8) Eizooba Eri (5) Ekyanga Kyawe (9) Enfumu (3) Enganda (2) Esente (1) Haaya (1) Obugabe (8) Obutare (4) Okwiruka (2) Omuntu Waawe (12) Omupiira (24) Omushaho (1) Puriyamare (2) Ruhuuta (18) Senyiga Ya Corona (29)