Kagiira Skills Development Center, Agriculture With New SkillsAibambe, nkahuuta Omuhimakazi Rukwanzi, yampa Ente Kyoozi - Emboozi Ya Ruhuuta
Omuhimakazi
Nekya Google
1284
Orwakataano 2020-04-24
Ebirungi tibiwa munsi egi. N'obuturabe turi omukarantini eya endwara ya COVID19, nyowe Ruhuuta ebyangye Ruhanga akabimara, kandi nimusiima ntaine bugarukiro.
Mbwenushi, mbatebezaki. Uh aha! kumba ndiyo omurugyendo rwangye, niduga Kampala ndikuza Ibanda oweitu, bwanyima y'okuhuuta omuchainakazi, obwo nyetererireho rediyo y'emotoka yangye yekika kya mpekoni mpurikize Mukuru w'eihanga ebya arikugamba ahabya korona vayirasi. Okaba otariho akagwe kakangwera obwo ariyo nazibira emotoka kutambura shaaha ina gw'ekiiro ekyo. Eh, nkahurira nagira okwekagamu.
Kwoka eky'omugisha omurungi nkaba nahiika Rusheere omu tawuni. Nyowe nka Ruhuuta ndi omuntu akukunda amateeka kandi arikugagondera namunonga agamukuru we'Ihanga.
Zikaba ziri shaaha eishatu (3) gw'ekiro. Nkaba ntakubaasa kuvuga emotoka nk'agihitsya Ibanda oweitu. Eshaaha za kafwi zikaba niziza kunkwata Kandi mpedera ndiire omukihoome, obwo batireho n'omushango gwa 'attempted murder' nanga ogwokwenda kwiita nka Mukuru w'eihanga nk'okuyabishoborire obwaha obumwe bweye aha ngyenderwa y'ihanga.
Nanye timba mubi emotoka ntyo ngyemereza omu tawuni ya Rusheere. Ebintu byoona binshobera, mpurira emotoka yambera aka bokisi, obwo ndiyo nidonda ekyokukora.
Mbwenu nsharamu shohora omu motoka, ntyo nyemerera aheru aha rubaaju rw'omuhanda.
Omudakika nkye munonga obwo nyemeraire aha muhanda, ndeba emotoka y'ekika kya "Kuruga" yanyemera omumaisho, etyo epakinga. Dureva atera engombe, "pipi pipi pipi", mpurira eiraka ry'empagare nirinyeta, Ssebo, 'come here', (Ssebo ija haanu), nanye timba mubi ngyendayo.
Kumpika aha motoka y'empagare, edamutsya; eti mbahi maatawe, haza ekyamaatewe tinkyikyenga mangu, nanye aha bwokugira, ninkira kushomesa abarisa omumyanya ya Kiruhura, endamutsyo teramberire nsya. Nanye ngyigarukamu nti; mbahi maama.
Ambuza neki habahoki, emotoka nungi kanogipakinga omu muhanda ahagati y'etawuni. Nanye mutebeza eby'aba bireho aha rediyo Mukuru w'eihanga ebiyagamba. Ati bambi sori. 'it's bad for you (nikibi ahariwe).
Hati mbwenushi, wakukoraki? Nti, tihaine ekinakukora, mubuza shana y'aba ayiine nkw'okuyakubasa kunyamba ah'anshonga egyo.
Mbwenu nk'omuntu ashoomire kandi atambwireho, ndahuuka mweyaajurira eizina ry'angye. Nti nyowe nibanyeeta Afande Ruhuuta Ruta kandi ndi omushaho (Dr.) omukitongore ekyensi yoona eky'amahanga ageteraine.
Empangare esheeka, eti 'ok!' ekiri kumanyitsa kaare! Atyo agambira orungyereza "my name is Rukwanzi Maizi Gera" ngu eizina rye ni Rukwanzi Maizi Gera.
Nti Rukwanzi n'akushemererwa. Rukwazi agarukamu ati nanye naakira. Ayongyera agira ati, nakora n'ekitongore ky'enyonyi omwihanga rya Kenya, kwonka enyonyi ahabwa COVID19 bazemerize, nikwo kugaruka owabo Kiruhura. Kwonka angyira ngu noowa Shwereenkye kwonka ayiine enju omuri Rushere.
Ayongyera agira ngu yaaba naaruuga aha sahuna Lyatonde kwota omuriro hati yaaba naataha omuka oweye kandi yaaba arihaakye kwikayo.
Oh! nanye Ruhuuta Rutaa, nakamwenyo kahango, mugarukamu nti, nakushemererwa Nyabo!
Eh Eh Eh!, imwe baanamwe, Rukwanzi akaba abonire weena. Akaaba ari omwishiki murungi wesinyanya kandi w'ekyemerero kiringwa. Kuyabire agamba, wena ohuriira ekyooma ky'omwiru kijuka enaku y'efuka.
Akaba ayine omubiiri gwoona gukwera nk'amaate. Haaza engaro za Rukwanzi zikaba nka orarebiire nk'omwereere yaaruga omunda yanyiina. Eiraka rye rikaaba niirishoohora nk'enyaangi ery'omwishwa.
Akaaba ayiine figa ya munaana kandi ekibuunikye kikaaba kiiri nka eky'ekishaabo. Ruhanga akahanga omuhiimakazi Rukwanzi baasi!
Eiziina rya 'Rutanyarahansi' nk'arisharamu bugufu obundi atatiina, nayeyeta 'Rutaa'.
Rukwazi nkutwara omu hoteri tukaanywa amaate ga bongo n'amacuunda
Riinda ekicweka ky'akaabiiri ekya Ruhuuta n'omuhiimakazi Rukwanzi
Ndi Ruhuuta mwine Ruboorozya atanyara hansi
Huumura Tuganiire
Abakatoriki (2) Africa (3) Agekibarukiraho (43) Akaruuru 2011 (1) Akaruuru 2021 (26) Amagara (2) Amaka (5) Amakuru (535) America (1) Ebaruha (8) Ebirango (8) Eizooba Eri (5) Ekyanga Kyawe (9) Enfumu (3) Enganda (2) Esente (1) Haaya (1) Obugabe (8) Obutare (4) Okwiruka (2) Omuntu Waawe (12) Omupiira (24) Omushaho (1) Puriyamare (2) Ruhuuta (18) Senyiga Ya Corona (29)