Ebirango Bikuru

   Kagiira Skills Development Center, Agriculture With New Skills
   Diary Farm Training By Kagiira Skills Development Center in conjunction with Eiraka Radio

MANYA OBUKOMOOKO BW'EIZIINA KARO KARUNGI ,ANKOLE NA NKORE


Ankole
Nekya Agoweitu
632

Orwakabiri 2020-04-28

Ekichweka kyakashatu (3)..

Omugabe Ntare bwanyima y'okusingurwa akairukangira omumpuku za Nyamitsindo yayeyongyerayo omu bizinga bya Kantsyore omuri Kagera bwanyima yahungira omuri Muzira heihi n'ekibira kya Nsongezi. Okurigirura aha kitabo ekyahandikirwe Katate na Kamugungunu, kikwetwa Abagabe b’Ankole (Kings of Ankole) Omukama wa Bunyoro Cwamali akatwara ekicweka kimwe ahari Karo Karungi obwire bureingwa aha bwanyima y'orutaro we na Omugabe Ntare ekizire kumara Omukama Cwamali amani n'okwenda kuhamba Ruanda (Rwanda) ahatarabasize kuhangura orutaro, akaferwa beingi aha barwanibe ekyamumazire amani. Ekyo kikongyera Omugabe Ntare okugarukwamu amani kurumba Omukama Cwamali kwegaruriza ekicweka ky'ekyabaire kihambirwe Cwamali emyaka mwingi.

Omugabe Ntare akasharaho kutahirira Omukama Cwamali omurutaro ahabwokuba Cwamali akaba yahweire amani atakine mahe, Omugabe Ntare akabatsa kuhangura Cwamali kandi yaitwa omurutaro niryorumwe! Okwitwa kwa Cwamali n'amahe gye gakaheitsa Omugabe Ntare eiziina erindi erya Kiitabanyoro (the killer of Banyoro). Nyina wa Omukama Cwamali (queen mother) kuyahurire ngu omutabani yeitwa, ekigambo ekyamurugire omukanwa ni; “ ‘Ebi shi ente za Karo za nkora munda’ (the cows of Karo have broken my heart).” ekyo nikyo kyarugirireho Karo Karungi kwetwa Nkore eiziina eryashemeije Omugabe Ntare ahabw'obuhanguzi, okuryana kwa Bunyoro na Nkore kukagyenda omumaiso mpaka mwijukuru wa Ntare Kiitabanyoro Kahaya I ahangura orutaro orwayongire aha sharo za Nkore. Esharosharo zikeija zayongyerwaho mutabani wa Kahaya I n'omwijukuru Rwebishengye na Mutambuka.

Eki kyaba kyiri ekichweka kyakashatu (3) beitu gumizamu orikutukuratire nikwo omanya obukomooko bw'eiziina Karo Karungi omanye ahabwakyi Ankole eyetwa Karo Karungi.

Ekichweka kya kaana (4) nigumizamu .....

Huumura Tuganiire

Abakatoriki (2) Africa (3) Agekibarukiraho (43) Akaruuru 2011 (1) Akaruuru 2021 (26) Amagara (2) Amaka (5) Amakuru (535) America (1) Ebaruha (8) Ebirango (8) Eizooba Eri (5) Ekyanga Kyawe (9) Enfumu (3) Enganda (2) Esente (1) Haaya (1) Obugabe (8) Obutare (4) Okwiruka (2) Omuntu Waawe (12) Omupiira (24) Omushaho (1) Puriyamare (2) Ruhuuta (18) Senyiga Ya Corona (29)