Ebirango Bikuru

   Kagiira Skills Development Center, Agriculture With New Skills
   Diary Farm Training By Kagiira Skills Development Center in conjunction with Eiraka Radio

MUKURU WE'IHANGA KAGUTA MUSEVENI AHAIREYO KIMWE KYA KABIRI AHA MUSHAARA GWE OGWA BURIKWEZI KURWANISA ENDWAARA YA COVID 19


Omushaki weitu omuri kampala
Nekya Nuwasasira
0

Orwakashatu 2020-04-29

Mukuru w'eihanga rya Uganda Yoweri Kaguta museveni ahaireyo esente zirikwingana akakaikuru kamwe n'emitwaaro makumi anna omu za Uganda(1.4m) kuruga aha mushaara gwe ogwa buri kwezi ngu zibaase kuyambaho omu rutaro rw'okurwanisa endwaara ya covid 19

Museveni agambire ebi nyomwabayzo orwa kabiri ebiro 28.04.2020 obwabaire naagamba nahayo obutumwa bwe kurabira aha mikura ya tiivi na reediyo omurundi gw'eikumi n'ebiri kwiiha endwaara ya covid 19 etaaha omu Uganda.

President Museveni naatunga omushaara gwo' bukaikuru bushatu n'emitwaaro makumi mushaanju omu za Uganda (3.7m) buri kwezi, kandi obucweeka makumi abiri ahari igana (20%,) nibuza omu kiibina kya NRM nk'oku ebiragiro by'ekibiina birikugamba. Omu kugamba nikwo kumwe, president Museveni ajumiriire abany'eishengyero ahabwokeyendeza bonka, bakeegabira sente n'obu Uganda eraabe eri omu mbeera mbi omubyentaasya!

Agizire ngu abany'eishengyero sente ezi batungire, bazihereze obukiiko obwatoreinwe kurwanisa Corona virus aharurengo rwa za disturikiti baitu kutari kuziguramu ebintu ebibesiimire.

Abany'eishengyero bari kurabira omukakiiko k'eby'esente aka parliamentary commission bakatunga obuhumbi ikumi(10bn) bw'esente za Uganda kandi buri muny'eishengyero akaba naatunga obukaikuru makumi abiri (20m). Nobu kooti yaragiire parliament obutahereza bany'eishengyero sente ezi, bakagumizamu baazitunga kurabira omu za kawunta zabo za banka.

Museveni agambiise eiraka rihango, agumize ngu abakozeise sente ezi, omubazi w'ebitabo w'eihanga naaza kureeba omu nshohoza egi, arikurabira omuri ba diisi ba za disturikiti ahu ba member ba palamenti bashemereire kutwaara embaririra yoona oku ekozire!

*Humuura tuganiire*

Huumura Tuganiire

Abakatoriki (2) Africa (3) Agekibarukiraho (43) Akaruuru 2011 (1) Akaruuru 2021 (26) Amagara (2) Amaka (5) Amakuru (535) America (1) Ebaruha (8) Ebirango (8) Eizooba Eri (5) Ekyanga Kyawe (9) Enfumu (3) Enganda (2) Esente (1) Haaya (1) Obugabe (8) Obutare (4) Okwiruka (2) Omuntu Waawe (12) Omupiira (24) Omushaho (1) Puriyamare (2) Ruhuuta (18) Senyiga Ya Corona (29)