Kagiira Skills Development Center, Agriculture With New SkillsMANYA OBUKOMOOKO BWA KAZO KANDI AHABWENKYI KAZO EMANYWA NKA KAZO KA BYARUREMBEZI!!
Facebook page Ebya Ankole na Tom Isingoma
Nekya EngTom Isingoma
969
Orwakana 2020-04-30
Twaba nitwesiimisa omugisha gw'omutano omunsi y'eitu Kazo kurigaho eketongora tukagira disiturikiti, nyineho bikye ebi ndi kwenda kubaganaho naimwe nk'obutosha oku mbahandikira.
1. Obukomooko bw'eiziina:
Ensi egi ekaba erimbi y'ebishaka, n'obubungo. Mbwenu ahi abariisa bashangiramu abahingi, bakunda emiti y'emizo eyi babaire bakunda kucwamu enkoni z'emizo. Nukwo kugyeta Kazo
Mbwenu obunaku bumwe hagabwa hariho abariisa, baine ente yabo Rurembezi, yagabwa eshubiire (ezeire eizaara rya kabiri). Bagabwa bamikiise (okuturaho kutaruura ente kukamwa), mbwenu ensi egi Kazo yagabwa erimu ebicuncu. Ekicuncu kyeita Rurembezi, omurisa yashanga kyariga kugiita atakigitambira.
Okwiha obwo, bakyenesa Kazo ahi Rurembezi yagwire. Nukwo kugyeta Kazo ka Byarurembezi.
Timanya oku baizire kutaho, "Bya-". Shana habe hafiire nka Bihogo bya Rurembezi. Nikyo abamwe bagira ngu shana eba Kazo ka Rurembezi
Nangwa n'abevugi bagyevuga, kandi n'abantu bagirahira bagumize bati, Kazo ka Byarurembezi ikagyenda itakamirwe!" obwo nibeihirira obu ekicuncu kyeita Rurembezi ente zitakamirwe bamikiise.
2. Enyatano za Kazo:
Kwiha omukyasha kya 16, nari shi omuri 1500, Nkore ekebaganisa ahari Bunyoro. Okwiha obwo Kazo niyo etanisa Nkore ahari Tooro na Buganda.
Obunaku obu, Kazo netana na Ibanda (burengyerwa eizooba), Kyegyegwa na Kamwengye (eruguru), Ssembabule (burigwa eizooba), Kiruhura (eifo).
3. Omubaro:
br> Kazo eine amagomborora munana, ebyanga (sero naza zoni) 343.
Eine abantu barikurenga 200,000.
4. Oku Kazo ehangirwe:
N'ensi y'obubungo, eine emigyera mikye nka Katonga.
5. Entunguka omuri Kazo:
Kazo obunaku obu eine amashomero, amarwariro, amashanyarazi, enguuto, ameizi ga tapu n'amaziba, kandi abantu beingi nibarisa kandi bahinga.
6. Obuhangwa omuri Kazo
Kazo erimu Abanyankore kuriga nsi, emicwe n'emitwarize yoona neya Abanyankore.
7. Enyikiriza:
Kazo erimu ediini nyingi, kwonka erikukizayo neya Abakurisitayo.
Omwaka 1947, ediini y'Abakurisitayo nubwo yatandika omuri Burunga, Kazo. N'obu North Ankole Diocese etandika, Bishop John Muhanguzi owabandize kuba bishop, nariga Burunga nk'omwe owu abazeire be bari omuri abo ababandize kurokoka obu edini egyo etandika.
8. Kazo omuri Uganda:
Kwiha 1962 Uganda neyetegyeka kuriga aha bakubuuzi ba Bungyereza, abantu baingi kuriga omuri Kazo bakozire omurimo muhango omu kwejumbira omuntunguka ya Uganda.
Buri gavumenti ya Uganda ebeireho, Kazo tekaburamuga abantu bakozire omurimo kutungura Uganda.
Niyo nshonga twine abebembezi b'emiringo mingi aha rurengo rw'eihanga.
9. Ebyetengo bya Kazo:
Nk'ensi ezindi omuri Uganda 🇺🇬, nitwetenga kukwatanisa, kukundana, kugumisiriza kandi tukarebera hamwe ahabwa entunguka ya twena, Kazo, Uganda na Afrika.
Nitwetenga kukwatanisa na government tukata omunkora ebigyendererwa by'eihanga kuhikiriza ekirooto kya Uganda butakarengire 2040.
Nitwetenga obusingye, amagara marungi, n'entunguka.
10. Obutumwa bwangye:
Nk'enzarwa ya Kazo, ninshaba obumwe, rukundo eshugeine, okukozesa amaani, okushakira Kazo, hamwe n'okurwanisa obworo, obushomankuzi, n'ebindi nk'ebyo.
Ekyeba juba n'obworo n'obugumba. Kazo eyeshengyereize kutunga disturikiti, twagitungure tutebwa ahitwagihire, okutwatutukire kugitunga n'okuhikiriza ebiri kwetengyesa kugira disiturikiti.
Nyabukono bukye, nyankubito eigumire! Eng. Tom Isingoma Mwesiga nimbahamiza Abanyakazo, ngu turekye kutiina ngu tituritunguka kuhika ahazindi ezabandize kutunga disiturikiti.
Tweyikiririzemu ahabwokuba twine amaani g'okwombeka Kazo, batatugaya ngu ni disiturikiti ninsya, ahabwokuba kamwe kamwe nugwo muganda.
Hangara Kazo ka Byarurembezi Hangara Omwinginya Charles Rwebishengye Hangara Purezidenti Y. K. Museveni Hangara Uganda 🇺🇬
Ninye, Eng. Tom Isingoma Mwesiga, +256-703-072203 whatsap Email:tomisingoma2@gmail.com
Huumura Tuganiire
Abakatoriki (2) Africa (3) Agekibarukiraho (43) Akaruuru 2011 (1) Akaruuru 2021 (26) Amagara (2) Amaka (5) Amakuru (535) America (1) Ebaruha (8) Ebirango (8) Eizooba Eri (5) Ekyanga Kyawe (9) Enfumu (3) Enganda (2) Esente (1) Haaya (1) Obugabe (8) Obutare (4) Okwiruka (2) Omuntu Waawe (12) Omupiira (24) Omushaho (1) Puriyamare (2) Ruhuuta (18) Senyiga Ya Corona (29)