Kagiira Skills Development Center, Agriculture With New SkillsEBY'OBURAMBUZI BYA NKORE: AMABAARE GA GOOTI OMURI IBANDA!!
Byahandikwa Andrew owa Facebook page rya Ankole Reality Tv
Nekya Andrew Ankole Reality Tv
907
Orwakana 2020-04-30
Aga namabaare agaarunzirwe aharuguuto rwa Kagongo- Ibanda omu Disturikiti y'Ibanda, nkekijutsyo kyokwitwa kwa Sir. Harry George Galt ou beingi babaire nibamanya nka "Goti".
Goti akaba ari omukubuuzi w'omungyereza, owabaire nakora nkomukungu wa Bungyereza omw'itware rya Uganda, owaitiirwe Ibanda.
Akazaarwa ebiro 28 okwokubanza 1872 omuri Emsworth, Hampshire omuri Bungyereza.
Omurimo gwe gwokubanza omu Uganda, gukaba guri ogwokushoroza emishoro omukichweka kya Nkore. Akeija yahaabwa obukungu omw'itware rya Uganda.
Nagambwa kuba yabeire ari omutegyeki orikunyangaraza abantu babutosha. Ahabiro 05 okwokubanza obwo arigire kutoranwa nkomukungu mukuru, Goti akagyema abantu kumwekorera kuriga Fort Portal kuhika Ibanda. Ababeire bamwekoreire kubaruhire bamushaba kuhumuraho kwonka yayaanga yabaragiira kubagumizamu kuhika Ibanda " Paka Banda" nikwo yagizire omurunyankore rwe rutahikire
Abekorezi bakeikiriza bagyenda nka kilometres 3 kuhika ahari Katooma, heihi nekerezia ahuyahuumwire omunju ya Gavumenti. Abataka kubaremesibwe ahabw'okunyangarazibwa kwa Goti, omusheija owabaire nayetwa Rutaraaka yatorotoora eichumu ahansi yarichumita Goti omukifuba. Goti akafa bwanyima y'akaanya kakye.
Abakungu ba Gavumenti kubacondoize okufa kwa Goti bakacwera abakungu babiri ba Nkore ogwokufa bagumize ngu nibo batumire abaitsire Goti. Ekifubiro kyokufa kikeija kyajurirwa omukooti yamahanga ga burigwizooba bwa Afrika .
Ababwokutiina okubonabonesibwa kwabakubuuzi Rutaraaka akeija yayehanika.
Omubiro gwa Goti gukatwaarwa gwaziikwa Kandi Gavumenti ekafubira abataka aba erikubaragiira kubatorotoora Amabaare kugarunda nokushweka omwaanya aheshagama ya Goti yasheshekyire.
Bakarundaana amabaare baakora ekibuungo kirikwingana emikikono etaano ( 5 metres) obutsimba. Amabaare ago gakyemereireho kuhitsya erizooba. Amabaare ago gakahinduka ekyoburambuzi omuri Ibanda nobu abebembezi ba Disturikiti babarabe batafireyo kugareberera.
Byahandikwa Andrew owa Facebook Page Ankole Reality Tv
Huumura Tuganiire
Abakatoriki (2) Africa (3) Agekibarukiraho (43) Akaruuru 2011 (1) Akaruuru 2021 (26) Amagara (2) Amaka (5) Amakuru (535) America (1) Ebaruha (8) Ebirango (8) Eizooba Eri (5) Ekyanga Kyawe (9) Enfumu (3) Enganda (2) Esente (1) Haaya (1) Obugabe (8) Obutare (4) Okwiruka (2) Omuntu Waawe (12) Omupiira (24) Omushaho (1) Puriyamare (2) Ruhuuta (18) Senyiga Ya Corona (29)