Ebirango Bikuru

   Kagiira Skills Development Center, Agriculture With New Skills
   Diary Farm Training By Kagiira Skills Development Center in conjunction with Eiraka Radio

Akagwe, obaire ari mukuru webyobwegyese (DEO) omuri Ibanda Bidebere (Gaudius Ahimbisibwe), abazugu bamutema emikoono.


Gaudius Ahimbisibwe akumanywa nka Bidebere
Nekya Facebook
0

Orwamukaaga 2020-05-02

Abataka b'ekyaaro kya Kyamoshe bayimukira omukyekaango omu akasheshe kahati bw'anyiima ya Gaudius Ahimbisibwe abiingi owubarikumanya nka Bidebere kushangwa omu motoka ye atemirwe emikono kandi n'ekishumuruzo ky'emotoka ye bakitwire.

Abazugu abatematema Ahimbisibwe bayiruka baburaho nk'omuyaga kandi abataka tibabareeba.

Nikigambwa ngu nyakutemwa emikono bamwirukiza omwirwariro owa Dr. Kasande (Ibanda Central Clinic).

Ag'oweitu agutwatungaho, omumwebazyo ogu nigagira ngu omuzigu omwe yakwatsirwe kandi ariyo akomirwe aha Poliisi ya Ibanda.

Ekyaratera abazugu aba okukora ekikorwa eki tikyakamanyirwe.

Nikigambwa akagwe aka kabaho shaaha ikumi niibiri (6:00am) za kasheshe nibutagurikana obu Bidebere yaba navuga naza kurambuura orutookyerwe Kyamoshe.

Poliisi ya Ibanda na mukuru we by'okwerinda omuri Ibanda omwami Eliasto Akatuhebwa kandi ari RDC wa Ibanda yaba atiine ekiyagambire.

Bidebere, abire aherize kuhumura emirimo ye eya mukuru wobwegyese (DEO) omu disiturikiti ya Ibanda kandi embaga y'okumusibura ekakorerwa omu Palm Gardens Ibanda omukwezi kwa kabiri omwaka ogu.

Agandi makuru nigagira ngu Gaudius Ahimbisibwe Bidebere abiire yayorekire ekyetengo ky'okwetsimbaho aha ntebe yo bwa meeya omuri Ibanda Munisiparite.

Abataka abitwagambaho nabo, amakuru aga gabatangaaza kandi abingi bayebuuza ogu omushaija ahu yaba naza n'emotoka ahabwokuba mukuru weihanga Yoweri Kaguta Museveni akazibira okuvuga emotoka oteine kakogi kahirwe RDC womwanya.

Ekindi ekibagambaho n'ekyokugira; ahabwenki omushaija ogu owatemwa yaba navuga emotoka kandi yaba natambura omubwire bwa kafyu, eshaaha ezi takwikirizibwa kutamburiramu.

Bashaaba bakuru abebyokwerinda omuri Ibanda kwogyera amaani aha byo'kwerinda kandi barinde abantu n'ebintu byaabo.

Enamba ze siimu za RDC zaba zitariho.

Huumura Tuganiire

Abakatoriki (2) Africa (3) Agekibarukiraho (43) Akaruuru 2011 (1) Akaruuru 2021 (26) Amagara (2) Amaka (5) Amakuru (538) America (1) Ebaruha (8) Ebirango (8) Eizooba Eri (5) Ekyanga Kyawe (9) Enfumu (3) Enganda (2) Esente (1) Haaya (1) Obugabe (8) Obutare (4) Okwiruka (2) Omuntu Waawe (12) Omupiira (24) Omushaho (1) Puriyamare (2) Ruhuuta (18) Senyiga Ya Corona (29)