Kagiira Skills Development Center, Agriculture With New SkillsOwabireho Mukuru webyobwegyeste (DEO) omuri Ibanda Gaudius Ahimbisibwe akumanywa nka Bidebere eshonga ze nizakiranda, omukazi niwe aretsire obuzibu.
Gaudius Ahimbisibwe akumanywa nka Bidebere yaheza kurya akahunu naabanywani be omu tauni ya Ibanda eizooba ryaahati
Nekya Agoweitu
0
Saande 2020-05-03
Eihano tiritebwa mukuru ritebwa orarirebireho, enshonga za Bidebere nizakiranda nk'orubungu.
Eizooba eryanyomwebazo, Ibanda esiibire omukahurikano n'omumbeera eyokwerarikirira bwanyima eyowabireho mukuru webyobwegyese omuri Ibanda disiturikiti omwami Gaudius Ahimbisibwe akumanywa nka Bidebere kumushanga atemirwe emikono kandi nyakumutema akiruka akaburaho n'ebishumurizo by'amotoka ye n'emyendaye eyabaire ajwire atyo akegyendera.
Amakuru agabandize kutungwa kuruga owa Bidebere, gabire nigagira ngu abazugu bamutahirire, bamuteema kandi bayiruka n'ebintu bye nka ebishumurizo bya motoka, amasimu n'ebindi bintu ebyabaire ayiine omumotoka obwo obwabaire naza omu faamu ye kuhiiga n'okuteema ekoota z'ebitookye.
Amakuru agatakahamibwe kandi agakiriyo nigakyondozibwaho timarungi kandi g'emereize emitima y'abantu beingi omuri Ibanda ahabwekikorwa ekibaire omu tauni ya Ibanda omushaija omwanyirwe nka Tumusiime enzarwa ya ekyaro kya Kyehereta (abingi ayibakumanya nka ekyaro kya Kyaruhanga) omuri wadi ya Kyaruhanga, omu Divizoni ya Kagongo, Ibanda Munisiparite kukwata omuhoro omukasheshe akabusheshize nyomwebazyo akatema Bidebere, akamuhutaaza kandi akagyenda n'ebishumurizo bya motoka ya Bidebere, ensiimu na n'ebijwaro.
Ekiretiire ogu mushaija kandi ari Iba wa Sylvia omukazi nyakureta ebizibu ahagati y'abashaija babiiri, yatema Bidebere, n'ahabwokugira ngu Bidebere atwire arikwejunisa omukazi wa Tumusiime omubwesherekye
kandi enyimaho nka sande eibiri ezituraire amabega (aha pasiika), omukazi wa Tumusiime akumanywa nka Sylivia akeija yakwatwa na Bidebere omumwanya gumwe bariyo nibakora ebyeshooni kandi enshonga bazihendera kitaka basasirana. Nikigambwa ngu Sylvia akeija yaburaho omuka ye kwonka iba Tumusiime yataho bakarebi b'okurondoora eshonga za Bidebere n'omukaziwe Sylvia.
Eizoba ryanyomwebazo nkashaha ikumi n'aibiri n'edakika makumi entaano z'akasheeshe (6:50am) bakarebi bakozire ogwabo kandi omugisha gwa Bidebere na Sylivia niho ahiguhwerire bwanyima ya Tumusiime iba wa Sylivia kwemereza emotoka ya Bidebere akashangamu omukazi we Sylivia omumotoka.
Aberebiire n'amaisho gaabo nibagiira ngu Bidebere arugire omumotoka kwegambaho bwanyima ya Tumusiime kutabuka kandi akasharira akakiira aha shenda. Bidebere omukwegambaho, Tumusiime nikwo omubukabwe kumushaba ebishumurizo bya motoka kwonka Bidebere akabanza yayanga nikwo Tumusiime kwimutsya omuhoro akamutema omukono.
Bidebere okutemwa emikono abaire nagyezaho kwerwanaho aha muzigu Tumusiime obundi batakamuhuraza ebicweka by'omubiiri ebindi. Atireyo omukono nikwo omuzigu kugutema. (omubigambo bya Bidebere aha poliisi).
Tumusiime kwaherize kutema Gaudius, yeirukira omuka Kyaruhanga kwihahayo obuhame obundi bwokuhayo Bidebere bwanyima y'okutunga obuhame obwo nikwo akirukangira aha poliisi ya Ibanda kwiguraho omushango. Ekyomugisha omubi, Bidebere atangireyo Tumusiime nikwo Bidebere akahababa omushango gwokutahirirwa omuzigu akamutema kandi akiruka n'ebishumurizo bya motoka ye n'ebintu ebindi ebyabaire eyine omu motoka. Ekyomugisha omurungi, Tumusiime niho abiire natayiramu kandi arikuhayo obujurizi arikugira ngu Bidebere yashangwa n'omukaziwe Sylvia omutoka bariyo nibakora ebyeshooni. Akahayo obuhame na n'endangano eyibakozire omu Sande eibiri ezahwireho obu Bidebere y'ashangwa n'omukazi we Sylivia.
Agahamibwa nigagira ngu, Tumusiime na Bidebere barekwirwe poliisi kandi bahebwa ebiiro by'okugarukayo aha poliisi bakehozaho nikwo Bidebere akaza omwirwariro kandi Tumusiime akengyendera omuka oweye Kyaruhanga ahariyo nayitwirwa enaku.
Nikigambwa ngu Bidebere nimuriranwa wa Tumusiime omukyaro nikyo kimwe kandi batwire nka abataka.
Bwanyima yakahurikano n'engambo omu tauni ya Ibanda, Bidebere arebukire omu tauni arikuvuga emotoka ye kandi ashembiire orwara ataine nshonga yoona.
N'eryanyakazoba (sande), omwami Bidebere yarebwaho n'abanywani be omu tauni ya Ibanda barikurya akahunu barikumukurutsya entaana ya rufu.
Bidebere obwahati ayiine emyaaka nkaga (60), y'obukuru kandi nibwo abaire yaheza kuhumura emirimo ye nka Mukuru webyobwegyese (DEO) omuri Ibanda disiturikiti kandi ayine ekitekateko ky'okwetsimbaho aha ntebe y'obwameya wa Ibanda munisiparite. Tumusiime na Sylvia na bahingi omuri Ibanda.
Bidebere, b'amutemire aha ruguuto orukuza Kyamoshe haihi n'ekibira kya gavumenti nanga aha muhanda ogurikuza Nyakatukura ahishomero.
Agandi makuru agutwatuunga nigagira ngu Bidebere abaire naza omu faamu ye.
Abataka abituganiireho nabo kandi abasherekire amaziina gabo nibagiira ngu ekintu eki nekyenaku kandi nibakijumirira. Abashaija beine kuhamira aha rukiri rumwe. Omukaire nka'aka ka COVID19, abantu twine okweteitsa kandi tukagarukira Ruhanga Nyamuhanga.
Abataka ba Kyaruhanga (Kyehereta), bo bakiri omukyekango kihango ahabwa amakuru mabi g'abataka babo kandi bashaba kyeyamani wabo kwogyera kushometsa abantu ahabikwatirine n'amaka.
Sylivia, bwanyima y'okutema Bidebere, ayirukire obwahati akyesherekire.
Ag'oweitu gagyezaho kutera enamba ya Bidebere kwonka yaba etariho kandi n'enamba ya kyemani wa ekyaro kya Kyehereta omwami Steven yaba etariho omukasheshe kahati.
Tumusiime nagira ngu ayine obujurizi obukuhayo Bidebere ayine omukaziwe omumotoka n'bundi bujurizi bwenyima bukumuhayo aha shoonga nizo zimwe.
Obwahati amatsiko tugatire omu mugambirizi wa poliisi ya Rwizi ahabwokuba Ibanda poliisi tekatungiire omugambirizi wayo.
Huumura Tuganiire
Abakatoriki (2) Africa (3) Agekibarukiraho (43) Akaruuru 2011 (1) Akaruuru 2021 (26) Amagara (2) Amaka (5) Amakuru (538) America (1) Ebaruha (8) Ebirango (8) Eizooba Eri (5) Ekyanga Kyawe (9) Enfumu (3) Enganda (2) Esente (1) Haaya (1) Obugabe (8) Obutare (4) Okwiruka (2) Omuntu Waawe (12) Omupiira (24) Omushaho (1) Puriyamare (2) Ruhuuta (18) Senyiga Ya Corona (29)