Kagiira Skills Development Center, Agriculture With New SkillsKabineti ya Uganda ehabwiire Mukuru w'eihanga kwongyezayo omuhingo (loku dawuni) ebiro ebindi ikumi n'abina (14)
Mukuru weihanga Yoweri Kaguta Museveni
Nekya Vision group
0
Orwokubanza 2020-05-04
Obwo abantu ba Uganda bariyo nibetebakanisa kuhendera karantini y'ebiiro abiri n'akimwe (21) mukuru w'eihanga Yoweri Kaguta Museveni eyi y'ateireho omwihanga ryoona nkagumwe ahamiriingo y'okutangyiira okujanjaara kwe endarwa ya COVID19, beitu ebirugire omukutensa kwa orukiiko rwa kabineti tibirungi omumatu g'omunya Uganda bwanyima orukiiko rwa kabineti kuhabura mukuru w'eihanga kwongyezayo ebiro ebindi ikumi n'abina (14) kandi ekitakahimizibwe arikukurira ebya amakuru omumaka gwobwa purezidenta w'eihanga.
Enshonga enkuru ereteire bahabura mukuru w'eihanga n'eyokugira ngu abashaho n'abakugu abayohorezibwe ekitoongore ky'ebyamagara omwihanga kukyebera abantu abatoreinwe kubatakaherize kukyebera kandi nibakyendayo obwire obundi kuhendera ehururu niyo emwe.
Ahandi b'ahabwiire mukuru w'eihanga kwiguraho ebintongore ebimwe nka emotoka eza bantu buntu, eduka ezirikuguza eby'okwombekyesa n'ezindi bizinesi obundi eihanga rikahwerwa omu by'esente. Bongire bahabura ngu emiringo eyimukuru w'eihanga yatireho egumizemu nka okweherera omubantu kwoburigwa bwa mita ina (social distancing), amabara na amaramizo kugumizamu gakingirwe kandi eshaaro za Uganda n'amahanga agazetorire kuguma zikingirwe. Eshaaha shaaha emwe y'omwebazyo (7:00pm) za kafyu kugumaho.
Mukuru w'eihanga Yoweri Kaguta Museveni naija kuba n'agambaho n'eihanga eizooba eri shaaha eibiri z'ekiiro (8:00pm) kandi ama rediyo na ma tiivi ga Uganda nigaza kuhereza orubazo rwe aha bikwatiraine na COVID19. Ogu niguza kuba guri omurundi gwa ikumi ni shaatu (13) Mukuru w'eihanga arikugamba n'eihanga ahabikwatiraine na COVID19.
Dr. Atwine ari omuhandiki omukuru wa minisiture y'ebyamagara, nagira ngu okwihaho ebiragiro bya mukuru w'eihanga ebiyatireho kurwanitsa endwara ya COVID19 n'ekihaano kandi nikibasa kuteka eihanga omukatyabaga. Ebi yabigambira aha mikutu ya Tiivi.
Abanya Uganda bahigwa kugumizamu barikwerinda endwara ya COVID19.
Huumura Tuganiire
Abakatoriki (2) Africa (3) Agekibarukiraho (43) Akaruuru 2011 (1) Akaruuru 2021 (26) Amagara (2) Amaka (5) Amakuru (535) America (1) Ebaruha (8) Ebirango (8) Eizooba Eri (5) Ekyanga Kyawe (9) Enfumu (3) Enganda (2) Esente (1) Haaya (1) Obugabe (8) Obutare (4) Okwiruka (2) Omuntu Waawe (12) Omupiira (24) Omushaho (1) Puriyamare (2) Ruhuuta (18) Senyiga Ya Corona (29)