Ebirango Bikuru

   Kagiira Skills Development Center, Agriculture With New Skills
   Diary Farm Training By Kagiira Skills Development Center in conjunction with Eiraka Radio

OKUJAGUZA EKIIRO KY'ABAJURIZI OMWAKA OGU KUSHAZIBWEMU.


Ekereziya ya Namugongo
Nekya Agoweitu
546

Orwakabiri 2020-05-05

Ekereziya eshaziremu okujaguza ekiiro kikuru ky'abajurizi ekibiire kiry'ekyokubaho ebiiro 3 okwa mukaga omwaka ogu aha bwo'burwaire bwa COVID19 obutiire ensi yoona omu kwerarikiriira.

Omurundi gwo'kubanza omu myaka myingi munonga tiharabeho okuramaga kuza Namugongo aha'bantu nya mwingi ababeire nibeterana kwijuka abajurizi abaferiire ediini omu myaka eya 1880.

Kurugirira aha mugambirizi wa eitware rya Masaka eyabiire etorinwe akakiiko ka bebembezi b'ekereziya omu Uganda (Uganda Episcopal Conference) ngu etebekanise okujaguza kw'omwaka ogu Rev. Fr. Ronald Mayanja, eitware tiritungire obwire burikumara kutebekanisiza okujaguza oku aha bw'endwara ya COVID19 n'okukingwa kwamaramizo n'enkiiko zoona.

Fr. Mayanja nagiira ngu eitware rya Masaka ribaire ryarundine sente zirikwingana obukaikuru magana ashatu (300m) aha bukaikuru 950 obubeire nibwetengwa kukora emikoro yoona.

Omubaruha eyanjurirwe ab'akakiiko ka Uganda Episcopal Conference, mukuru wako Bishopu Joseph Anthony Ziwa ayongiire kushagika entekateka y'okushazamu okuramaga kw'omwaka ogu aha bw'okugiira ngu ekiiro ky'abajurizi buriijo nikirundaana abantu nya mwingi kuruga omu Uganda n'aheru ye'ihanga ekirikubaasa kwongyera kujanjaaza oburwire.

Ebyo bikiryaho ekanisa yaba kurisitayo nayo eshaziremu okujaguza ekiiro kya abajurizi.

Ekiiro kya abajurizi kikatebwaho kwijuka abantu 45 abaferiire ediini omumyaka ya 1885 na 1887 bwanyima yo'wabiire ari Omugabe (Kabaka) wa Buganda Mwanga II kuragira ngu ba hembweho omuriiro ahabwokujeemera ebiragiro bye.

Hoona ogu tigwe murundi gwo'kubanza ebiiro bikuru byabiikiriza kurisito biri kutatanisibwa kwiha eki rwiire kya COVID19 kyiija omu Uganda, okwezi kwakana ebiiro 12 n'abwe abiikiriza tibarabasize kuza omu maramizo gabo kujaguza pasiika nk'oku bakikora butosha.

Huumura Tuganiire

Abakatoriki (2) Africa (3) Agekibarukiraho (43) Akaruuru 2011 (1) Akaruuru 2021 (26) Amagara (2) Amaka (5) Amakuru (538) America (1) Ebaruha (8) Ebirango (8) Eizooba Eri (5) Ekyanga Kyawe (9) Enfumu (3) Enganda (2) Esente (1) Haaya (1) Obugabe (8) Obutare (4) Okwiruka (2) Omuntu Waawe (12) Omupiira (24) Omushaho (1) Puriyamare (2) Ruhuuta (18) Senyiga Ya Corona (29)