Ebirango Bikuru

   Kagiira Skills Development Center, Agriculture With New Skills
   Diary Farm Training By Kagiira Skills Development Center in conjunction with Eiraka Radio

Akaruru k'obwa cheyamaani ahabwa NRM nikahiinda, abantu bashaatu entebe nibagyendesa amaani Ibanda


Mwesigye Oubed Mwabwana
Nekya Agoweitu
0

Orwakashatu 2020-05-06

Turiyo nitushoma ebikuruga owa akakiko k'ebyoburuuru (Electro Commission), ebibiina omu Uganda tibishutamire n'amunonga omu ma disiturikiti kwetorora Uganda yoona.

Obwahati abantu omu disiturikiti ya Ibanda tibakiibyama abandi nibasiiba nibatakura emitwe kureeba ngu engoma bagitwaara.

Ibanda disiturikiti akaruru k'obwa mukuru w'entebe ya NRM (kyeyamani wa NRM) kahikamu abantu bashaatu kandi boona n'obwogi. Abantu bashaatu nibaba;

1. Baguma Gaston; Ogu naruga omuri Ibanda Munisiparite kandi obwahati niwe kyeyamani w'ekibiina kya NRM omuri Ibanda bwanyima yowabaire ari kyeyamani w'ekibiina Dr. Musebeni Andrew kukimuukamu. Baguma atwire ari omuhwezi wa kyeyamani wekibiina kya NRM omuri Ibanda. Akakoraho na omungyenzi Rutehenda Robert (Bonga).

Baguma naijukwa munonga omukaruru ka 2001 obuya yetsimbaho na Maj. (Rtd) Hon. Guma Gumisiriza na Omunyabiragiro Ngaruye Ruhindi omwishaaza rya amatemba ga Ibanda.

Omushaija ogu nakunda obwegyese kandi akakuguka omuby'obwegyese.

Baguma nimukama w'eishomero erikumanywa nka Boston High School Mpala.

N'omuntu omwe akukunda obumwe n'entuguka omukibiina kya NRM. Agyerizeho kworeka amaziima namunonga omu byokubaara esente omukibina kya NRM omuri Ibanda.

Obwire bwingi nabuhereza Kampala konka emirimo ye kibiina nakikoragye.

2. Mwesigye Oubed Mwabwana: Ogu akaba ayetsimbireho ahabwa omunyishengyero wa Ibanda eyamatemba na Maj. (rtd) Hon. Guma Gumisiriza na Hon. Kyooma Xvier omu mwaka gwa 2015 omukiibina kya NRM.

Akakoraho na Ishongororo Town Council, nka mukuru wa bakozi (Town Clerk) kandi n'omwe aha ba dayirekita ba Citizens SS Ibanda.

Nakunda obwegyese kandi n'etunguuka. N'omwe omubashaija abarikukunda ekwatanisa ya Ibanda disiturikiti. Nakunda eminyeeto n'obuhingi.

Oubed mwana obwire bwingi nabuheza Ibanda kandi n'agyezaho ahika abantu omubwire burungi n'omubwire bw'obusaasi.

3. Winston Rutehenda: Obwahati niwe kyeyamani w'ekibiina kya NRM omuri Ibanda Munisiparite. Obukama obu akabutunga omumwaka ogu NRM obuyabiire neyijuza emyanya eyabiire etijuziibwe obwo ekibiina Kya NRM obukyabaire nikitebekanisa orukiko tabamiruka Nambole Kampala omu mwaka ogu omukwezi kwokubaza.

Winston nimutabani w'omugyenzi Canon Rutehenda Robert kandi ishe akabaho kyeyamani w'ekibiina nikyo kimwe omuri Ibanda.

Winston akozireho na za banka nyeingi omu Uganda. Nakunda entuguuka kandi n'ebyoburisa.

Nawe obwire obwingyi nabumarira omuri Kampala.

Abantu abituganiireho nabo, batugizire ngu nibabakiira kandi barinzire eizooba rya akaruru.

Joseph owa omu Katooma Ibanda, atugizire ngu Ibanda n'eyenda mukuru w'ekibiina arikumanya kandi araretere ekibiina kyamanywa omuri Ibanda. Joseph nagira ngu ekibiina kya NRM omuri Ibanda kigwenjegiire.

Kyomugisha owa Bigyera nashaba ekibina kya NRM kwongyeramu amaani ahabwokuba omu karuru akahweire ekibina kikagarura ebigyere enyima.

Huumura Tuganiire

Abakatoriki (2) Africa (3) Agekibarukiraho (43) Akaruuru 2011 (1) Akaruuru 2021 (26) Amagara (2) Amaka (5) Amakuru (535) America (1) Ebaruha (8) Ebirango (8) Eizooba Eri (5) Ekyanga Kyawe (9) Enfumu (3) Enganda (2) Esente (1) Haaya (1) Obugabe (8) Obutare (4) Okwiruka (2) Omuntu Waawe (12) Omupiira (24) Omushaho (1) Puriyamare (2) Ruhuuta (18) Senyiga Ya Corona (29)