Ebirango Bikuru

   Kagiira Skills Development Center, Agriculture With New Skills
   Diary Farm Training By Kagiira Skills Development Center in conjunction with Eiraka Radio

Puroguramu ya 'World Express' aha rediyo Endigito FM eihirweho- Kasirivu James The Great nacweera omuriro


Kasirivu James The Great owa puroguramu eya World Express
Nekya Agoweitu
0

Orwakana 2020-05-07

Ahitukugambira, abantu omuri buregyerweizooba n'ebicweka ebindi ebirikuhurikiriza puroguramu eya 'world express' ebeire n'eherezibwa omunyamakuru orikumanywa nka James Kasirivu The Great aha rediyo Endigito 88.3 Fm basibiire omumaganya bwanyima ya puroguramu ya 'world express' kwihwaho abekitongore ekirikwebembera ebye mpurizingana omu Uganda ekya UCC.

Ebi bitakabireho, abantu bingi babeire nibatekateka ngu James Kasirivu abingirwe aha Rediyo Endigito FM ahabwokuba b'abeire bamazire obwire batakimuhurukiriza.

Abantu barebwaho aha mukutu ogwa intaneti ogwa Facebook, barikushaba bakama ba rediyo okugaruraho puroguramu eya 'world express' Aha mukutu nigwo gumwe, abandi bantu baba nibatekateka ngu Kasirivu abingirwe.

Shaaha eibiri gwekiro (8:00pm) za nyomwebazyo, James Kasirivu arikukozesa omukutu gwe ogwa Facebook, ashohweize ekihandiko arikuhumuriza abahurikiriza ngu tabingirwe aha rediyo Endigito FM kandi n'akikora nayo kwonka hariho eshonga ezibariyo nibagonjoora n'ekitongore kya UCC. Kasirivu nagira ngu, omunyishengyero wa Mbarara munisiparite, Hon. Michael Tusiime akatwara okwetombweita kwe omu UCC aha empereza mbi ya Kasirivu obwo arikuhereza puroguramu eya 'World Express'.

Kasirivu ahamisirize abahurikiriza abakumanywa nka 'class' ngu puroguramu neijakuba negarirwaho omu bwire butari bwahare. Kasirivu omukihandiko kye agizire ngu arwanire entaro nyingi kandi narwo oru neijakuruhangura.

Kasirivu amazire obwire buringwa omu murimo gwa makuru.

Atakakozireho na rediyo Endigito FM, akaba nakora na rediyo Grace FM Kasese. Puroguramu ya 'world express' ebeire netandika shaaha munaana zeihagwe (2:00pm) kuhitsya shaaha ikumi n'emwe z'omwebazyo (5:00pm) kandi abaire eyine abahurikiriza ekuyanja.

Ebaruha eyarebwaho amunyamakuru weitu kandi eyahandikwa ekitoongore kya UCC yaba neyoreka enshonga ezireteire puroguramu ya 'world express' kwihwaho.

Ogu tugwo murundi gwokubanza puroguramu egi neyihwaho abekitongore kya UCC.

Eshonga ezindi nituzakuba nituzikwihisyaho.

Huumura Tuganiire

Abakatoriki (2) Africa (3) Agekibarukiraho (43) Akaruuru 2011 (1) Akaruuru 2021 (26) Amagara (2) Amaka (5) Amakuru (538) America (1) Ebaruha (8) Ebirango (8) Eizooba Eri (5) Ekyanga Kyawe (9) Enfumu (3) Enganda (2) Esente (1) Haaya (1) Obugabe (8) Obutare (4) Okwiruka (2) Omuntu Waawe (12) Omupiira (24) Omushaho (1) Puriyamare (2) Ruhuuta (18) Senyiga Ya Corona (29)