Kagiira Skills Development Center, Agriculture With New SkillsEnyonyoozi y’ankole : DR. EDWARD KAZAIRE Omugaiga rurangaanwa)
Dr Edward kazaire
Nekya Andrew Ankole Reality Tv
1430
Orwakataano 2020-05-08
Aha myaaka makumyaana yonka, Dr. Edward Kazaire ayekoreire eiziina aha bwaza clinics n'ebyokunywa by'ebishaka.
Bwanyima y'okuremererwa aha murimo omu rurembo, akakozesa emitwaro 20,000 omu sente za Uganda, eyiyabaire atsigeize ahari turansipooti omukyaro kutandika baingi ekibateekateekire ngu akaba ari omugwiraro. Bwanyima yemyaaka ikumi n'eina, Dr. Edward Kazaire ayombekire bizinesi erikurenga omu buhumbi ikumi nabutaano kuruga omu bishaka.
Bwanyima y'okuheza okushoma na diguri ya mashomo ga Science omu mwaka 2002, Kazaire akaza omundembo kusherura emirimo oku n'oku. “ nkaza omwikorero rya kampala pharmaceutical ndi kuteekateeka kukora emibazi kwonka tinaheebwa mugisha. Nkagyezaho omu kitongore kya National Water and Sewerage Corporation kwonka nashanga nibenda omuntu w'okuyamba buyamba. Nkagyezaho emyaanya endeijo myinji baitu yoona bikushushana."
Okuba omuzigaijo wa baana munaana, Kazaire akaba ataine muntu wena kumutetsa kandi aine kurwana munonga kwebaisaho, “nkasharaho kwehindura omushomesa w'eishomo rya chemisiture, ndikushomesa omu mashomero ashatu. Ebyembi, ebyokushashurwa bikaba byija bwanyima ya "maara* ahamashomero agamwe.
Nketoroorwa ekyicu ky'okubonabona. Bur'eizooba eryarabireho, ebintu bikaba byeyongyera kuguma. Egi ekaba etari ndagaano yinakozire na Yesu. Omukubonabona, nkashaba na murumuna wangye orikwetwa Charles Birungi kugaruka omuka. Okugaruka omukyaro nkoremirwe Omubyaro bya Uganda, byingyi abaherize’mishomo nibairukira omu ndembo haza baaza kugaruka, buryomwe naaba naamanya ngu oine kugaruka n'empiiha oshusha ngu oine ekyooma ky'okuzikora. Kwonka emboozi ya Kazaire ekaba eri endeijo. Atyo akagaruka omukyaro Buyanja omuri Rukungiri hataine kyaine nangwa nakamotoka,empiiha, nari omurimo .
Akaza omu kereziya ya ndama kushaba. Naatebya ati “naaba ninyenda kumanya ekirikugarukaho. Omukushaba no kuhurikiriza, nkamanya ngu nkaba ndi omushaho kwonka ntarukumanya kuki vunuura omubikorwa. Nkaba ninyenda kumanya okuta ebinashomire omunkora. Nkaza omukitabo kya dictionary kusherura amakuru ga ‘chemist’. Agokubanza “chemist n'omuntu orukushoma ebye’mibazi” Agakabiri, “n'omuntu orikushomesa eby’emibazi” Aga kashatu, “ n'omuntu arikukora, akateekateeka kandi akatunda emibazi”.
Amakakuru aga kashatu gakankwataho munonga ahamutima nikwo kweyongyera omukukishabira ebiro bishatu ebindi. Abantu baingyi nibatunga ebirooto bihango munonga kwonka bakye nibabita omunkora." Kazaire akaba aine ekiteekateeko kirungi baitu ekibuuzo kikaba kyiri ekyokukihinduramu empiiha.
Ekibuuzo ekyo kikaija omukaire ashuntami omunju bwanyima y'omuntu kurabaho ayekoreire engoma erikokozesebwa ku teeka waragi. “ Omukaire ako, nkaijuka turikushoma aha byokuhiisa omukibiina ky'okubanza- engyeri y'okutanisa ebintu byegeitsire. Omukuhinduka, nkareeba omuti gwa karutuusi, naijuka ngu nkareeba abantu bakukoza amababi gagwo kukyiza orukororo.
Nkebuuza, omu mwanya gw'okunywa waragi kwebwa ebizibu, ahabwakyi ntakuteeka omubazi gwo kukyiza ebizibu? Nkatandika kurunda amababi ga karutusi nagateeka. Nkeihamu amaizi naakoramu omubazi gw'orukororo gukwetwa NOCOF.
Abantu bakagurozaho kandi abandi baakira.
Gukiajja gwaba omubazi gw'amani munonga n'okukira egyo eyabaire ery'omukatare ahabwire obwo. N'oha, owabaire atakwenda omubazi nk'ogwo? “Ekyo kukyahwire, nikwe kuteekateeka aha mubazi gw'okukyiza alusaazi[ulcers] endwaara mbi munonga. Nkaijuka ngu omuri bugirimaani, abantu bakaba nibakozesa Kabegi kukyiza endwara ya alusaazi obw'aha, turikuzirya nk'emboga. Enyabarashana omuri Zimbabwe neriibwa nk'emboga biatu aha nekozesibwa kukyiza ebironda. Ahabwokugira ngu byona ebimera nibiriibwa kandi birikukozesibwa nk'omubazi, nkamanya ngu tibyeine buzibu bwona aha magara g’omuntu. Nahabwekyo, nkakozesa ebishaka bibiri ebyo kutunga omubazi gwa kaari kukiza alusaazi[ peptic ulcers] Omu Uganda, ebishaka bikaba nibikozesibwa abakyayina omu ndembo hamwe n'abafumu ekyaheisize ebishaka ekishushani kibi.
Konka hati, omukurisitayo oshomire naakozesa ebishaka kukiza endwara. N'obwaraabe yaabaire atakakozire omu bwingyi, akaba naahamya ngu ekiteekateeko kye Kikaba nikija kumuhindura omugaiga Rurangaanwa nobuharabe habaire hariyo abatarimwikiririzamu.
Akatandi kumara eshaaha nyingi omukishaka arikusherura ebishaka by'emiringo yoona ekyamureteire baingyi kutandika kumushekyerera, naabo ababaire batakareebahoga orubaaho. Naagira ngu taryebwa eizooba riyarabire omu budduka bwaha kyaaro ayekoreire ekyishaho ky'ebishaka haza omukazi akatandika kumushekyerera atakuheza. "Nkafayo kumanya ekyamushekyize, naahinduka naashanga nanyorekyereza. Nkashwara." "Akahamisiriza ngu nkaba ndogirwe". Omubwire nibwo bumwe, abantu bakagambira abazaire bangye ngo bantware omwirwarwo rya Kisiizi bankyebere obwongo.
Nobwaraabe yabaire ahangwire omukokora emibazi, Kazaire akaba atakatandikire kutaatsya kihango kuruga omu mibazi egyo. “Nkaba ntakubaasa kutunga ebyoma by'okukamuur omubazi, nikwo kwija omu kampuni ya Natural Chemotherapeutics Research Laboratory omuri Wandegeya; Nkaba mbaha ebishaka babikamuuramu eshande ekwatsire, ngichwa reero mpa abarwaire bangye. Abandeebire aha za baasi za Kampala n'ebishaka, ndikubitwara kampala, bakaikiriza orugambo ngu nkaba ngwire eiraro. Obumwe, abantu ekyibakureeba nk'ekiteine makuru, nigwo muhanda gwokugaigahara” Okuza aha katare, Kazaire akatandika kukoma emibazi ye nangwa n'abantu batandika kwija kugigura omuka owabo. “Ekyamazire amaani ni taata kungyira ngu amakagye tirwariro; shohora” “Nkaba nintaatsya nk'emitwaro eikumi buri sabiiti. Nkasharaho naatandikaho akarwariro kakye haihi n'omuka naaketa Kazaire Clinic of Phototherapy.” Akarangwa abantu abu yaabire naakoraho, haza yaaranda nkoruhiira. Bwanyima akaija yaatunga akaire, ahambeho za rediyo nka Kigezi kugabanaho obutumwa bwe.
'Ninyijuka taata akaba naahurikiriza munonga puroguramu kandi kuyabaire etandika, tukabatwemereza burikimwe. Obwire obu, emibazi ye ekaba eryo’muburi kyanga kya Uganda nka kabaale, Kisoro, Ntungamo, Mbarara, Bushenyi ahamwe na Kanungu. Mporampora akatandika kurangirwa abantu ababaire nibenda kugumya amagara gaabo,nangwa akatandika kwebuuzibwaho abantu baingi batakakozeise emibazi eya bajungu. Okwenda kongyera aha bwengye, Kazaire akaza China kw'eyongyerayo kushoma aha by'okurya. Akiryokwe, akeega kwabachayina bakozesa ebishaka kandi niy’enshonga ahabwenkyi nibahangaara munonga. Er'eizooba Ahabwokwikiriza, okukunda, okututuka n'okushaba, Dr. Kazaire ayeyombekiire bizinesi obwa hati erikubarirwamu obuhumbi 15 bwa shillingi za Uganda, ekirikumureetera yaaba omwe ahabanya Uganda abato abagaiga. Akasharaho kukozesa eiziina Kazaire okwijukiraho eishenkuru owabaire aine bizinesi nyingi kandi z'amaani omumyaka ya 60. Kampuni ye, Kazaire Herbal Products neekozesa abantu barikuhingura omuri 200 abaryo’munda hamwe nabarikuhingura omuri bitaano aheeru yaayo.
Aine eikorero ry'amaani omu rurembo rwa mbarara kandi naakora cartons zi kuhingura omri 800 bur'eizooba. “ Ninkyenda obuhumbi 14 bwa Uganda kubaasa kuhereza gye abantu. Kundiheza, ndyaba nimbaasa kushohoza cartons 5000 omwizooba,” naatugambira. Eikorero nirikorerwamu ebintu byingyi nka Kazire orange tea drink, Kazire Lemon Green tea drink, Kazire Viot fruit drink, Kazire aloe green tea drink from aloevera ,Kazire mineral water hamwe n'ebindi.
Dr. Kazaire abyeire ebimera byingyi ebibarikukozesa obwahati aine ikka 1300 z'eitaka aha kubyara endimu, enanansi emicungwa, Rukaka n'ebishaka ebindi ebirikuhingura omuri 100.
Ebika by'endimu ebimwe tibirukureebeka ekirikumureetera yaabyiha omuri Arua hamwe na Soroti kandi nateekateeka kutandika kubishuubura kuruga Tanga omwihanga rya Tanzania.
Aine’ndagaano hamwe n'Isingiro local government kuha Abahingi enjuma z'endimu ezirikuhika akakikuru kamwe za busha.
Ebyafaayo tibiryebwa okwamushanju 1979 Peter Kazaire hamwe na Komushana Olive bakazaara omwana owabaire aine kujaguzibwa omubanyakore-Dr. Edward Kazaire. Bwanyima y'obusinguzi obu, akiryo’muntu ayetwire, ari kuramya Ruhanga hamwe n'omukazi we Tukwasiibwe Evas, abwojo be bashatu n'omwishiki omwe Ruhanga ababahaire.
Orugyendo rwa bizinesi ye norw'amaani munonga kandi obwa hati, ekitongore kya World of Inspiration nikiteekateeka kuhandiika ekitabo aha magara gye. Emboozi egi, yaaba etakubaasa kukugaruramu amaani g'empiiha omubiteekateeko byawe, tinkumanya niki ekyakubaasa kukugaruramu amaani.
Byahandikwa Andrew owa Facebook page Ankole Reality tv
Humura Tuganire
Huumura Tuganiire
Abakatoriki (2) Africa (3) Agekibarukiraho (43) Akaruuru 2011 (1) Akaruuru 2021 (26) Amagara (2) Amaka (5) Amakuru (535) America (1) Ebaruha (8) Ebirango (8) Eizooba Eri (5) Ekyanga Kyawe (9) Enfumu (3) Enganda (2) Esente (1) Haaya (1) Obugabe (8) Obutare (4) Okwiruka (2) Omuntu Waawe (12) Omupiira (24) Omushaho (1) Puriyamare (2) Ruhuuta (18) Senyiga Ya Corona (29)