Kagiira Skills Development Center, Agriculture With New SkillsNkacuumita enyungu ya muhara w'omushomesa y'anyeshongorora ekyeshongoro kya sister Charity, emboozi ya Ruhuuta
Muhara womushomesa
Nekya Agoweitu
0
Orwakataano 2020-05-08
Mbwenu mbatebezaki abantu ba nyamuhanga, nkaba nitambura aha bigyere orwebazyo rumwe omu bicweeka bya Kyambogo ntyo tungayo omwishiki murungi.
Nyowe Ruhuuta onyetaki, nkaba tairemu ebijwaro bya abazani b'emizano eizooba eryo, ntiremu egofira y'ekika kya Puma, na n'ekaito za sinika na n'ebyoma by'omumatu by'ebyeshongoro (head phones). Mbwenu wena ndikushushana nka Martial omuzaani w'ompiira wa Manchester United yaba arikutendekwa. Nkaba nimpurikiza obweshongoro obwayeshongwirwe abeshongozi ba Ankole Karo karungi. Haza manya nkunda ekyeshongoro kya Rab J Ekyafaayo ekya 'Nibwegye'.
Reba ntemba shuma, temba shuma oshushana ndi nkamarwa omurushekye. Nkaba ningyezaho kukora ebi sasayizi obundi COVID19 yakuwamu eshangye ndingye.
Kumba nahika aha mwanya gumwe ogwitendekyero rya Kyambogo, mpurira za vuvuzera nizigambira ahiguru n'orwari rwingi, mpurira eby'eshongoro ebitwabire nitweshongora obwakare obwo turikuhagira omumpiira nka "yaba eri goro nkonka yabura kiteba, ngu gora y'arema mama yarema", mbaza n'ayesikamu, mbuza nti baitu abakumanya orweitu nibahi kandi nibaruga omuzoha. Mpuririra eby'eshongoro ebindi nka "ani yabalimba, abana b'omukyalo mubasobola, musobola bari abebivela'. Nti eh, nagwa ab'oweitu.
Ntyo, nyirira haihi, nka Musa obuyabaire nayirira haihi n'ekishaka obukyabaire nikitsya. Uh, Ha! kahaya ori, nkareba amate g'abaana ba bantu. Abairu baka nibangashana.
Okaba otariho abaana b'oweitu bariyo n'ibazaana omumpiira gwe bigyere, nderu empangare nungi ezanywire amaate zikiguta kandi ezabaire ziboniere zikaba ziriyo nizibahangira.
Ekirungi ky'abyoona nkaba njwire nk'owebyemizano. Nanye Ruhuuta, ntimba mubi, mbetabamu ntandika kweshongora nabo, enduru n'ebyeshongoro bijumeera, emisinde aba kari.
Mpiika haihi n'empangaare ezo ezabaire nizihangira omumpiira. Kwonka kumba nahika haihi, Byamugisha omuzani w'omumpiira omwana w'omuganda Ssempijja amutera enkuri. Mbwenu mwanawe, enkuri n'eshasha, mpuririra empangare za yeta omwishiki eizina rya Sheila, mpurira Sheila y'atandika eky'eshongoro kya "sori sori sori soriii, soriii, sori Byamu", abandi baishiki mpurira bwamwakiza engaro haza bazitera omumani, abatsigazi ababaire beine obucuupa bwa Rwenzori butari maizi b'amwita bugambira ahiguru, ekishayi kyoona kijumera.
Nanye ahabwa eiraka ryangye rya besi rirungi, mbegeitaho, ekishayi kyoona kijumera neky'eshongoro kya, "sori". Nkakozesa omukodyo bwa "Mr. Bean Man" kwongyera ahabuhagizi bwangye bwa timu ya Ankole. Haza mwa, empagare zakunda.
Aha bw'obuhagizi bwa abaana ba Ankole obu bayorekire Byamugisha namba mwenda (9), akimuka ahansi arikuchumbagira atyo aza aheru y'ekishayi bwanyima y'obutikititiki bukye nikwo kugarukamu. Akampira kakagyenda omumaisho.
Ruhuuta kuramutsya Sheila bwanyima yekicweeka ky'okubaanza ky'omumpiira
N'omanya itwe abanya Uganda twine omuze gwokuza omu kishayi ky'omumpiira, omumpiira gwaheza kuhumura nanga kuhwa obwo turikworeka amashemerwa nanga kuhabura n'okutendeka abazani, mweena eshonga nimugimanya.
Mbwenu ahabwobuhagizi bwangye obunayorekire kandi n'enjwara yangye nkaba ndi nk'omuntu arikurebeka nk'owebyemizano. Nanye ekicweeka ky'okumbaza kukyahwaire, nkaza omukishayi kuha obuhabuzi bwa tiimu ya Ankole arikuzana na Nkoba Zambogo. Haza nkahabuura abazani abo kandi n'obuhabuzi bakabwakira.
Obunabaire nimpa obuhabuzi bwangye aha bazani b'omumpiira, nkaba nintutuka ahabwokugira nkaba naruga kutambura orungyendo rwirireyo kandi kunahikire aha kishayi n'atandika kuhangira timu ya Ankole.
Ekyobusasi nkaba ntarikumanya n'eizina rya tiimu n'obuyabaire eri eya Ankole. Empangaare etyo endeteerwa enyiima, enkwata ahamyeenda yangye, nangwa nyekangamu, nyebuza nti ogu ayamanya noha, mpurira omwishiki y'agamba orungyereza, ati; "sir do you want some glucose" (Ssebo, n'oyenda aha ka gurukosi), nti 'It's ok" (tikine shonga). Akaceebe ka gurucosi akacuunda cuud, ntyo ntega egaro agitaho, nanye mwebaza, nti webaare.
Omukaire kakye, refari enfurembe agihuha "firi firi, firiiiii fuuuuuu", obwo arikweta abazaani kugaruka omukishaayi.
Abazani beiruka nibagaruka aha kimariro kye kishaayi kandi itwe aba hagizi twiruka turikugaruka aheru y'ekishaayi. Nikwo refari akatandika omumpiira.
Omwishiki ayampaire gurukosi agaruka yapikaho, atyo akwatsa akacuupa nka maizi. Ahaaaa! nyebuza, nteki n'enkyi, eije ebe rukundo.
Ndeba rukundo y'empagare yanyijamu. Kuyabaire yankwatsa akacuupa kamaizi, kandi yatamburamu nk'etambi eibiri, nanye mweta nti 'hey' (nti iwe), areeba enyiima, ati "yes sir" (ati ego Ssebo). Mweyajurira eizina ryangye omurungyereza nti "My name is Ruhuuta Benzima" (Eizina ryangye ndi Ruhuuta Benzima), areta omukono akwata omungaro nawe anyeyajurira eizina rye ati "My name is Sheila Kwezi" (Nibanyeta Sheila Kwezi), ayongyera agira ati ngu n'omwegi ahitendekyero rukuru rya Kyambogo kandi nashooma obushomesa. Ngu ishe n'omushomesa ahitendekyero rya Bishop Stuart.
Nkora omwiraka mugarukamu nti; nikirungi kumubugana. Atyo agaruka omubandi kweshongora n'okuhangira omumpiira.
Abishe emwe, Sheila Kwezi akaba aboneire kandi wena arikwaka yaka nko kwezi kandi nk'eizina rye. Akaba ayine eiraka rirukukira ery'omweshongozi wa Mbarara Sister Charity.
Akaba ajwire ebijwaaro birungi, wena ekibunukye kiri nka ekya Desire Luzinda owe 'kitone'. Mbwenu omubugufu akaba ayiine 'ekintone' (Ruhanga akaba amuhire ebintu bye). Weza abaishiki b'okuhagira omumpiira b'aboneire. Buziima Sheila akaba ari nyamunyonyi w'eizooba.
Ruhuuta kushendekyereza Sheila Kwezi mpaka omu hositeri ye
Refari omumpiira aguheza. Timu ya Ankole na timu ya Nkoba za Mbogo bagwa makazi (0:0). Okaba otariho abanyankore bakwekurutsya omumpiira ahabwokuba abanganda bakaba beine amaani maigi.
Sheila akaangwa omunda weena y'ashemererwa. Imwe bantumwe, nikirebeka Sheila akaba nanyetamu omwegi nkawe. Sheila angira ati 'wawu wawu', Benzima kurika akampira. Nanye ntyo nkamukurutsya na ka peki.
Nk'agambira Sheila nti nkataahe. eshaaha zikaba zahika emwe y'omwebazyo (7:00pm) kandi buriyo nibwira, Sheila akanshaba kumushendekyereza kugaruka ahakubyaama. Nanye murinda abanza y'asibura batahi be, tutyo tutambura mushendekyereza. Ahaihi ni Banda omutawuni.
Tugyenda nituganiira. Sheila atandika kunteera embwa n'obuyaga bwabanyankore. Ati, Ruhuuta, oine eiraka rirungi rya besi. Ndeeba weena yasiima buziima. Nanye mugarukamu nti; webaare kusiima omurungi w'agingo. Sheila mpurira yayeta omuntu hanga hari ati; 'mama Kyomu', mama Kyomu ayetaba ati wangi Sheila. Sheila amubuza obundi yaba ayineyo mukene (obwenyanja obukye), mama Kyomu amugarukamu omuruganda, "mbu buwedeyo" (ngu bwahwayo). Sheila tarashemereirwe. Manya nti Sheila yabanayenda emboga za kyakiro.
Ngambira Sheila nti naba ninyenda kuraba kakye aha 'Supermarket' kugurayo amate na n'omugati. Sheila, ambuza ati, "Sir can I push you to the Supermarket?" (Ssebo nimbasa kukushendekyereza aha supamaketi? Nanye mugarukamu nti tihariho nshonga. Anyebaza, tutyo tugyenda omu supamaketi.
Sheila akakwantira akagyega, natamu ebyangye nawe mushaba kugura ebye. Nkareba Sheila amashemererwa gayeyongyera. Akataamu ebintu nyamwingi omu kagyega. Mwena nimumanya abaishiki ebintu ebibarikukunda, haza nibyo yatairemu.
Ntyo shashura emitwaro ikumi n'etaano (150,000/=). Ebintu ebyangye bikaba biri ebyo omutwaro gumwe (10,000/=). Ahabw'oburemezi bwigi bwe bintu kandi tukaba tutwine entambura endijo nk'emotoka, nkamukwatiraho tutyo namunshendekyereza mpaka omuhositeri Banda.
Kwezi kuntekyera ka chayi kabanyankore n'okumbuuza ekikunkora obwa hati
Ishenkaazi wa Sheila buziima akamushomesa kandi omurirmo akagukora. Omwana akateka ka chayi kabanyankore karimu akahoho, yatamu ebirungo byoona ebyomukazi omunyankore ebyayine kuteka omu chayi yamate. Buziima cyayi ekaba enuzire. Nkasiima.
Sheila akaguma ashutamire aha kitanda kya mutahiwe (roommate, wena arikumwenya mwenya, nkari kweenda nkumbuza ekibuzo. Akaribwa ribwa nk'omura muto omukigyere.
Atyo ayatura arikumbuza omurimo gwangye ogunkukora obwahati, nanye mugarukamu nti, ndi omutendensi w'ebyemizano omu Namboole Academy. Sheila agarukamu ati oho oho, nikyo ky'orikukundira eby'emizaano, nanye nti buziima niky'ekyo.
Eicuumu rya Ruhuuta kugira ekiniga
Nk'omushaija omunyankore, ntyo nsiima Sheila byoona ebiyakora omwebazyo ogwo. Nkasibura Sheila nti oraregye Kwezi omurungi wangye, Sheila nk'omwishiki akumanya abanyankore kubatwaza, akapa akacumito.
Yamawe!
Eicumu ryangye nkahurira rya'gira ekiniga omumpare kandi tinye n'abaire njwire empare y'ebyemizano.
Nkahuririra omutwe gw'eicuumu gwimuka gwakwata ahari Sheila, Sheila weena yayogyera kungwa omukifuba. Wena ahizera nketara ya gaasi, ankwata ampamya atandika kugamba ebirimi ati 'thaa kiiii yuuu'.
N'anye omwiraka rihango nk'erya Eddy Yawe omweshongozi, mugarukamu nti; niwe webaare. Eh! Sheila akamara edakiika nka eitano ankwatsire atakundekura. Ntandika okutekateka ekinakubasa kukorera Sheila muhara w'omushomesa.
Omumaziima nkaba ntakahuutaga mwengi witendekyero rya Univasite, ogu mwishiki akaba aryo'wokubanza.
Sheila kuyandekweire, n'ashutama aha kitanda kya mutahiwe (roommate). Sheila omubwira akiruka yaza omukinabiiro, omudakiika nkye munonga Sheila akaba yaharize kunaba kandi yatiremu ekiteteyi kirungi kya mutare. Sheila akanshanga wena ndika tirwe enjura nk'ekombe.
Nkashaba Sheila kwejunisa ekinabiiro kyaabo kandi ekiyayikirize.
Ruhuuta ngira amagyenzi n'bukodyo, nkaronda ahinatandikire muhaara w'omushomesa hamburira.
Nanye kunahikire omukinabiiro, nyihamu akantu kamaizi gatandika kwatika omukinabiro.
Kwezi ambuza omurungyereza 'if everything is ok', (ngu burikimwe kyaba kirigye), nanye mugarukamu nti apaana, mungira nti amaizi gariyo nigatika. Ati 'sori'. Agira ati katwete omukozi wa maizi, haza mubiha nti nimanya kugakora, kwonka ndikwenda muhuute nkadi eicuumu ryangye riroze aha nyungu ya Sheila. Ekirungi nkaba nimanya ahinakwatsire amazi gakatandika kwatika.
Beishe emwe, ebijwaro ebinabaire jwire byoona bikatooba. Haza na Sheila ebijwaro bye n'abyo bikatooba.
Nkihamu eshweeta eyinabaire njwire nagihanika aha omukinabiiro kya'abo. Sheila ashasha nanye, ampa etahuro y'okwesiimura, nyesimura. Nawe anyambaho asimura omumugongo, nkahurira wena nanurirwa. Ahaihi tukeshanga aha kitanda kya mutahiwe Keitetsi.
Sheila akagamba ebigambo ebyaretsire eicumu ryangye kweyongyera ekiniga.
Sheila akatandika kungambiira ebigambo by'omubonano n'ebyarukundo akungiira ati, iwe Ruhuuta nk'oyine omubiri nkogwa Ronald omuzani wa timu y'omumpiira ya Juventus, ngu nyine eiraka nka erya Rasta Chazi, ati Ruhuuta buziima ori mushaija ekikaaka. Ori omushaija murungi.
Okwenda kumuhunamisa ahabwebigambo bye bingi, nkamunywengyera y'atandika kuhuna nka kapa y'enturo. Hooooo, mbwenu nkaba ndika kuzakuzana omuzano ogutwabaire twaheza kureba.
Ruhuuta kucuumita eicuumu enyungu ya Kwezi amaizi ga katika Omuntu ayabumbire enyungu ya Kwezi, buziima akagibumbagye munonga. Enyungu ya Kwezi ekaba ebumbire omwibumba rirungi eryomwishiki w'omunyankore eriyakibaire nabubwamu.
Nikirebeka eibumba erya mubumbire bakariha Rwampara.
Yeyimwe, banyarunganda omurikuristo Kwezi nkahurira yangira ati obwo omwiraka rikye munonga, ngu Ruhuuuuuta 'stop it stop it dear' (renkyera aho, rekyeraho nkuzi yangye). Nkamanya nti namuhambya. Buziima nkaba mwine omuri eitano.
Eicumu rya Ruhuuta rikaba ryashohwire ryayetegire kucumiita enyungu ekatika.
Nkahurira Kwezi yatera eborogo, ati, ayiiiiiiiiii maamaaa nyowe, nafaaaa! Sheila wena amaguru agahanika. Aho manya nti eicuumu ryangye ryacuumita enyungu ya Sheila.
Nkwata eicuumu rya kabiri, ncuumita mpora mpora, nkahurira y'atandika ati "ohooya, ohooya", ati Ruhuuta ekikaka kyangye nihaho, ati buziima wampika aha kungiro.
Sheila ati y'ongyera ecuumite, banamwe nkahurira nk'omuriro omu bihaha byangye!
Mpurira yatandika gugamba omuri ndimi nka ahakiro kya peti coti. Ayongyera angira ati buziima Ruhuuta, Rwampara n'ekitebe kyayo byoona n'abikuha. Angira ngu Ngabirano yabimwihaho nk'omunyishengero.
Sheila ayehindura nk'ejooka y'empiiri omumasiinde. Nimumanya ngu enyungu ya Sheila enkaba eyine omunwa gushashanukire, kyo!
Omudakika nkikumi zokucuumita enyungu ya Sheila, nkahurira amaizi g'akwotsya g'atandika nkutonyeera, bwanyima eicuumu ndikwatagye, amaizi nyamwingi geshuka, eh eh! obunuzi bwe nyungu burenga.
Nkahurira eicumu ryatera aha mutiima gwe gwenyungu etyo eyatika, ebaganukamu ebicweeka. Okaba otariho eicuumu rukuhendekamu ebicweeka bibiri bwanyima yedakika makumi entano obwo enyungu eyangire kwatika.
Kwezi atandika ayeshongora akeshongoro ka 'nkefunira peni yangye aka Sister Charity'. Nanye mweshongorera aka Nibwegye aka Rab J Ekyafaayo. Ayongyera anyeshongorora aka Shakira, 'this house is on fire', nanye mweshongorera aka Black Eyed Peas aka 'where is the love'.
Bagambireki banyenzi bangye, abaishiki ba Univasite kabanuzire, buziima nibakira ahabwoki kand ninka otwizi twaruga omunyungu ebikirwe omunju yakafuha.
Mutusaasire kwejunitsa ekitanda kya mutahi wa Kwezi, Keitetsi. Tukakitobya. Nkangira Sheila agambire Keitetsi ngu amaizi go mujaja nigo gayeahuka aha kitandakye!
Nasigara ndi Ruhuuta Rutanyarahansi Mwebaare kushoma agoweitu.
Huumura Tuganiire
Abakatoriki (2) Africa (3) Agekibarukiraho (43) Akaruuru 2011 (1) Akaruuru 2021 (26) Amagara (2) Amaka (5) Amakuru (535) America (1) Ebaruha (8) Ebirango (8) Eizooba Eri (5) Ekyanga Kyawe (9) Enfumu (3) Enganda (2) Esente (1) Haaya (1) Obugabe (8) Obutare (4) Okwiruka (2) Omuntu Waawe (12) Omupiira (24) Omushaho (1) Puriyamare (2) Ruhuuta (18) Senyiga Ya Corona (29)