Kagiira Skills Development Center, Agriculture With New SkillsObusaasi Omunyamakuru Kazi Moto Owa Nyumbani FM Yaruga Omumagara Gensi
Omunyamakuru Tumuhimbiise Benard akumanywa nka Kazi Moto
Nekya Agoweitu
2661
Orwamukaaga 2020-05-09
Eshaaha nk'emwe eyarabaho, ekicweka kya burengyerweizooba kyangwa omukahurikano bwanyiima y'okutunga amakuru mabi munonga g'okufa kw'omunyamakuru Benards Tumuhimbiise Mwiine Rurinya abeingi oubarikumanya nka Kazi Moto. Kazi Moto yaruga omumagara gensi egi nka shaaha mwenda z'orwebazyo (3:00pm).
Kazi Moto akakoraho na rediyo nyeingi omu burengyerw-eizooba kandi obwahati abaire nakora na Nyumbani FM omuri Rwamwanja Kamwenge disiturikiti omu puroguramu ekumanywa nka Omusharo aha rediyo Nyumbani Efurembe Yentunguuka.
Kazi Moto akakoraho na rediyo Rwenzori FM Efurembe Yentunguuka (The Whistle for Development) obuyabeire eri omuri kamwengye.
Omu mwaka gwa 2006, rediyo Efurembe ekaretwa Ibanda kandi Kazi Moto akija nayo kuruga Kamwenge. Akakora n'efurembe rediyo kumara obwire buringwa kandi niwe omwe ayeretsireho puroguramu nyamweingyi aha rediyo Enfurembe nka Oriregye, Tukore, Zataaha, Ekitekyerezo, Weekend Special, Ebyeitu, Rwenzori Hits n'ezindi puroguramu.
Kazi Moto omubweire bukye akaija yakoraho na Rwenzori FM Eiraka Radio 87.9 FM omuri Ibanda nikwo kurugayo akaza Kamwenge kukora na Nyumbani FM. Kazi Moto nabwe akakoraho na Rediyo Endigito FM 88.3fm ekiri Kamwenge.
Emyaka nk'eshaatu ehweireho Kazi Moto akaferwa omukazi obuyabaire naza kuzaara kandi eki tikiramugyedeire gye nk'omuntu.
Beitu omukaziwe akamusigira abaana bashaatu bato.
Kazi Moto abeire ari enkuzi y'abantu omuri Ibanda nana omuba nyamakuru bataahi be. Atendekeire abantu beingi omu by'amakaru n'amunonga omu bicweeka bya burengyerw'eizooba.
Ekyaretera Kazi Moto kuffa kyabakitakamanyirwegye, konka agutwafunaho nka ag'oweitu kandi agatakahamibwe nigagira Kazi Moto yayehiha omumagara gensi egi arikweyita.
Huumura Tuganiire
Abakatoriki (2) Africa (3) Agekibarukiraho (43) Akaruuru 2011 (1) Akaruuru 2021 (26) Amagara (2) Amaka (5) Amakuru (538) America (1) Ebaruha (8) Ebirango (8) Eizooba Eri (5) Ekyanga Kyawe (9) Enfumu (3) Enganda (2) Esente (1) Haaya (1) Obugabe (8) Obutare (4) Okwiruka (2) Omuntu Waawe (12) Omupiira (24) Omushaho (1) Puriyamare (2) Ruhuuta (18) Senyiga Ya Corona (29)