Ebirango Bikuru

   Kagiira Skills Development Center, Agriculture With New Skills
   Diary Farm Training By Kagiira Skills Development Center in conjunction with Eiraka Radio

Omushaija omuri Kabale ayehanikyire ahabw'okubura sente z'okugura omwonyo !!


Kabale
Nekya Agoweitu
459

Orwakabiri 2020-05-12

Omushaija omuri Kabale disturikiti ayeteiremu ogwarutanga atyo yayezereza yaruga omu magara g'ensi egi bwanyima y'okubura sente z'okugura omwonyo.

Denis Michael Owamaani , omuturagye omuri Nyakabungo cell,omumuruka gwa Rwene , omugomborora ya Buhara ashangirwe arikuzerera ahamuguha shaaha emwe nedakyiika makumi abiri z'omwabazyo(7:20pm)

Kurugirira aha mukuru w'entebe y'okubanza ahabwa Nyakabungo cell,Joseph Akampurira agyizire ngu orutaro rutandikyire bwanyima y'omugyenzi Denis Michael Owamani kutunga obutikyirizana n'omukazi we bwanyima y'okubura sente zirikwingana shs 1000 z'okugura akaveera k'omwonyo.

Akampurira agumizemu yagyira ngu omukazi ahabw'ekiniga asigyire omushaija omunju ku agiire kugaruka nikwo kushanga Owamani nazerera aha muguha omunju.

Omugambirizi wa polisi ahabwa kigezi Elly Maate yahamya eki kikorwa agumize ngu omukazi kwareteirwe ah'eirembo nikwo kureeba ekishushani kya Owamani kyiriho akamanyiso ka "x" kandi kwagyire kuhika omunju nikwo kushanga Owamani yayehanika ariyo nazerera aha muguha.

Maate agumizemu yagyira ngu okuchondoza kuriyo nikugyenda omumeisho kumanya kyenyine ekibeireho beitu omushango gwigwirweho aha fiyilo namba SD REF 06/10/05/2020 aha kitensani kya polisi ekya Kabale central police station.

Omugyenzi Mukama amuhe ekihumuro ekyihorere.

Huumura tuganiire

Huumura Tuganiire

Abakatoriki (2) Africa (3) Agekibarukiraho (43) Akaruuru 2011 (1) Akaruuru 2021 (26) Amagara (2) Amaka (5) Amakuru (535) America (1) Ebaruha (8) Ebirango (8) Eizooba Eri (5) Ekyanga Kyawe (9) Enfumu (3) Enganda (2) Esente (1) Haaya (1) Obugabe (8) Obutare (4) Okwiruka (2) Omuntu Waawe (12) Omupiira (24) Omushaho (1) Puriyamare (2) Ruhuuta (18) Senyiga Ya Corona (29)