Ebirango Bikuru

   Kagiira Skills Development Center, Agriculture With New Skills
   Diary Farm Training By Kagiira Skills Development Center in conjunction with Eiraka Radio

Abantu b'asiimire akakiiko ka Ibanda Disiturikiti COVID19


Alex Kwikiriza mukuru waabashomesa omuri Ibanda disiturikiti
Nekya Agoweitu
452

Orwakashatu 2020-05-13

Obwahati Uganda eriyo n'erwanisa endwara ya COVID19 kandi n'omubaro gwa bantu abarikukwatwa endwara ya COVID19 nigukyeyongyera omwihanga, kwonka, Disiturikiti ya Ibanda nayo teshutami omukurwanisa endwara n'ebindi bizibu ebiresirweho endwara ya COVID19 nke enjara nyamunuka.

Ekyomugisha omurungi, Ibanda nka disiturikiti tiyakantungireyo muntu wena arwaire COVID19 kandi boona abakyebirwe bakashanga bateine endwara ya COVID19.

Omukuganiiraho kweitu na mukuru wa akakiiko akarikurwanisa endwara ya COVID19, omwami Eliasto Akatuhebwa erizooba Eliasto yatuhamitsiriza ngu obwahati Ibanda Disiturikiti eriyo nekuratira engyenderwaho ya mukuru w'eihanga eyiyateireho omukurwanisa endwara ya COVID19.

Eliasto yagira ngu obuyambi obutungirwe bwoona bariyo nibabugabira omu bantu abarikubwetaga. Nikwo kugira ngu abantu abamwe omuri Ibanda abarimu abavugi ba boda boda, abashaho, abashomesa, ba maraya, ba makanika, abegi ba mashoomero agetoreire Ibanda n'ebyaaro ebindi byatungire obuyambi bweby'okurya n'embindi bintu.

Abakazi abarikwenda entambura kuza omumarwariro nabo nibatunga entambura z'okubahitsya omumarwariro ahabwokuba niziba ziriho buruho.

Abantu abitwagambaho nabo baba nibasiima akakiiko ka COVID19 aka Disiturikiti ya Ibanda ahabwokugyezaho okurwanisa endwara ya COVID19.

Alex Kwikiriza kandi ari mukuru wa abashomesa omuri Ibanda Disiturikiti yasiima enkoragana ya akakiiko ka COVID19 Taskforce n'abantu baburijo.

RDC Eliasto Akatuhebwa y'ashaba omuntu weena oyine obuyambi kubuhayo obwakubasa kubayamba bakagumizamu nibarwanisa endwara niyo emwe. Yahiga abantu ba Ibanda kukozesa akaire aka akenjura bakabyaara ebihingwa ebyakubasa kurugamu ebyokurya.

Ibanda Disiturikiti n'emanywa nka Disiturikiti eriyo netunguuka aha sipidi yekijungirizi kandi n'emwe erikugyezaho kutunguura ebyamagara g'abantu. Ibanda disiturikiti eyine eirwariro rimwe erya Kagongo (Ibanda Hospital), amarwariro abiri agari aharurengo rwa HC IV.

Dr. Julius Bamwiine ori mukuru webyamagara omuri Ibanda yayehanangiriza abanyibanda kwekuma kukwatwa endwara ya COVID19 kandi bagyezeho babamanyise obundi kubatungayo abantu abaine obubonero bwa COVID19.

Huumura Tuganiire

Abakatoriki (2) Africa (3) Agekibarukiraho (43) Akaruuru 2011 (1) Akaruuru 2021 (26) Amagara (2) Amaka (5) Amakuru (538) America (1) Ebaruha (8) Ebirango (8) Eizooba Eri (5) Ekyanga Kyawe (9) Enfumu (3) Enganda (2) Esente (1) Haaya (1) Obugabe (8) Obutare (4) Okwiruka (2) Omuntu Waawe (12) Omupiira (24) Omushaho (1) Puriyamare (2) Ruhuuta (18) Senyiga Ya Corona (29)