Kagiira Skills Development Center, Agriculture With New SkillsAbakozi babiri ba Rwenzori Eiraka Radio babingwa erizooba
Arinaitwe Julius Katungye Kk
Nekya Omushaki weitu omuri ibanda
3413
Orwakashatu 2020-05-13
Amakuru agatuungwa erizooba kuruga omuri burengyerweizooba timarungi bwanyima y'abanyamakuru babiri kunagisibwaho ebikwato byabo oteireho n'okugambirwa kubi .
Ababiri aba babeire nibakora na radio emwe omuri burengyerweizooba erikumanywa nka Rwenzori FM Eiraka radio erikukurirwa omwami Julius Arinaitwe katungye owu beingyi barikumanya nka Kk omusheija omuriingwa .
Okurugirira ahakatambi akashohora erizooba, nikigaambwa ngu aba babiri baba bari omu puroguramu erikumanywa nka oreiregye puroguramu erikubaho burizooba kuruga orw'okubanza okuhitsya orwakataano erikukorwa Collins hamwe n'empangare erikumanywa nka Kaportable'.
Ababiri omumaraka gaabo baaba bagumize ngu omwe omubanyeishengyero ahabwa Ibanda akasente akubatungire enyimaho akabeire kabahiirwe kurwanisa endwara ya Covid 19 omwihaanga beitu aku omukuru w'eihanga yamazire akabashaba kubakaherezayo omumikono y'akakiiko akarikukurira ehururu y'okurwanisa endwara ya covid ngu we omwe aha abanyeishengyero ba Ibanda takabaasize kuba nakata aha akawunti. Nikigaambwa ngu ogu we kuzagwireho, amagiingo ago banka ekaba yamazire kuba nezitwara ahabwokuba aine eibanja. Abanyeishengyero abariire akasente niko kamwe we nabaasa kuba atararebireho.
Beitu ngu aba banyamakuru babiri kubaruga aha mbeho za radio niyo emwe nikwo kutererwa amasiimu gatari gamwe nagamwe kuruga ow'omunyeishengyero ahabwa Ibanda munisipariti obwe arikubatinisiriza agumize ngu naija kubegyesa eishomo ngu Kandi nibeija kurara beihwa aha mirimo yabo ahabw'enshonga niyo emwe .
Omukatambi akahurirwa ahamikitu ya watsap tiheine eyibagambamu eiziina rya ogwe munyeishengyero .
Okurugirira ahari nkagashaka wa Agoweitu, nikigaambwa ngu haabaho orukiiko rwamangu mangu orwakorwa omumwanya gumwe omuri ibanda ahagati y'omunyishengyero ahabwa ibanda munisipariti Hon.Rwaburindore , Julius katungye Aka Kk the best omushaija omuriingwa hamwe n'abandi abantu babiri ahagati y'shaaha 11:00am _ 12:00am. Nabwanyima amagingo ga Shaaha ikumi n'ibiri z'omwebazyo, aba banyamakuru bafuna esimu kuruga owa kk agumize ngu orabe ateine obuhame ahabibagamba omu puroguramu hatagira n'omwe owayeteganisa ngu nagaruka ahamurimo. Beitu tiyagyezaho kubashobororera kyenyine ekirikugyenda omumeisho nikwo kusharaho esiimu .
Huumura Tuganiire
Huumura Tuganiire
Abakatoriki (2) Africa (3) Agekibarukiraho (43) Akaruuru 2011 (1) Akaruuru 2021 (26) Amagara (2) Amaka (5) Amakuru (538) America (1) Ebaruha (8) Ebirango (8) Eizooba Eri (5) Ekyanga Kyawe (9) Enfumu (3) Enganda (2) Esente (1) Haaya (1) Obugabe (8) Obutare (4) Okwiruka (2) Omuntu Waawe (12) Omupiira (24) Omushaho (1) Puriyamare (2) Ruhuuta (18) Senyiga Ya Corona (29)