Ebirango Bikuru

   Kagiira Skills Development Center, Agriculture With New Skills
   Diary Farm Training By Kagiira Skills Development Center in conjunction with Eiraka Radio

B'OMUNTU MURUNGI !!!


Kampala
Nekya Agoweitu
368

Orwakataano 2020-05-15

Nomanya ngu erizooba omukasheeshe, nashoma omushororongo omu Bayibuli ogwantangaaza? Ruhanga yagambira Yeremiya ati:

N'ahabw'ekyo otashabira aba bantu, n'obu kwakuba okwimutsya eiraka kubeeshengyerereza; kandi otaanyeshengyereza, ahabw'okuba tindikwija kukuhurira." (Yer. 7:22)_

Eh, bagyenzi! Hoona abantu kuba babi bakahika aha rurengo oru Ruhanga nawe arikugira ngu tibaakishabirwa? Apaana. Obwo n'obubi oburengyesereize!

Nyabura we, otahika aho. B'omuntu murungi, ow'emicwe mirungi, kandi orikukunda Ruhanga.

Manya "oburungi" ni kimwe aha bijuma by'Omwoyo Orikweera. Bayibuli neegira eti:

Kwonka ebyana by'Omwoyo nibyo ebi: okukunda, okushemererwa, obusingye, okugumisiriza, embabazi, OBURUNGI, obwesigwa, obucureezi, n'okwerinda; ebiri nk'ebyo tihariho kiragiro ekirikubizibira."_ (Abagalatiya 5:22-23).

Hati Yebuuze:

"Omu bwiire obu, ni nkahi ahi ntabiire omuntu murungi?" Eky'okureeberaho: Ebigambo by'akanwa kangye: Ngambire bigambo ki? Nibyombeka ninga nibisheenya? Nibigaruzamu amaani ninga nibicwa entegye? Bishemeire ninga nibyitsa enshoni?

Ebiteekyerezo by'omutima gwangye: Nteekyereize biteekyerezo ki? Nibyendeza abandi ninga n'eby'okubakyeena? Nibireeta amagara marungi ninga okubura obusingye?

Ebikorwa by'amagara gangye: Nkozire bikorwa ki? Nibihimbisa Ruhanga ninga n'ebicumuro omu maisho ge? Nibireetera ensi yangye yaaba gye ninga yayeyongyera kwiinara? N'eby'oburyo ninga n'amahano kusha?

Nyabura we yebuuze, haza otandikire aho oshemeze. Oyeteise ebitagyenzire gye. Otakeikiriza kuhitsya obwiire obu oraabe otakishabirwa, na Ruhanga ow'embabazi arikugira ati: "Ogwo we mumurugyeho akyengyere. Muteerutsya n'okumushabira ahabw'okuba ebye tindaabihurire!"

B'omuntu murungi! Ikiriza Ruhanga akuhweere, akuhindure kandi akwegyese. Nikibaasika. Tandika hati hati.

Baho. Kunda. Yebembera. #NoijaKubaasa

Byahandikwa Samuel A. Bakutana omwebembezi w'ekitongore ekya Inspired Leaders International.

Huumura Tuganiire

Abakatoriki (2) Africa (3) Agekibarukiraho (43) Akaruuru 2011 (1) Akaruuru 2021 (26) Amagara (2) Amaka (5) Amakuru (538) America (1) Ebaruha (8) Ebirango (8) Eizooba Eri (5) Ekyanga Kyawe (9) Enfumu (3) Enganda (2) Esente (1) Haaya (1) Obugabe (8) Obutare (4) Okwiruka (2) Omuntu Waawe (12) Omupiira (24) Omushaho (1) Puriyamare (2) Ruhuuta (18) Senyiga Ya Corona (29)