Ebirango Bikuru

   Kagiira Skills Development Center, Agriculture With New Skills
   Diary Farm Training By Kagiira Skills Development Center in conjunction with Eiraka Radio

Ekitongore kya Marianne Foundation kiheireyo sabuni y'ameizi - Ibanda.


Marianne
Nekya Patience Agaba
365

Orwakataano 2020-05-15

Ekitongore ekitari kya govumenti ekirikumanywa nka Marianne Foundation For Youth Development ekyirikushangwa omu disturikiti ey'Ibanda eizooba rya nyomwebazyo nabo bejumbire omu hururu y'okurwanisa endwara ya covid 19 omuri Ibanda obwe barikuherezayo obuyambi bwa sabuni ey'ameizi eyokukoresa omu kusimura hamwe n'okunaba omungaro nkagumwe aha miringo eyi mukuru w'eihanga yateireho eyakubasa kuyambaho kutangyira okujanjaara kw'endwara ya covid 19 omuri omunsi yoona .

Beitu eki kitongore kiheireyo lita zirikwingana igaana makumi ana nitano 145 za sabuni ey'okunaba omungaro hamwe n'okusimura obwe barikugiherezayo omumikono ya mukuru wa akakiiko akarikurira ehururu y'okurwanisa ekirweire kya covid 19 omuri Ibanda Kandi oriwe entumwa ya mukuru we'ihanga omur'Ibanda Disturikiti Eliasto Akatuhebeebwa .

Sabuni eheirweyo omumatendekyero gatari gamwe na gamwe omuri Ibanda Disturikiti kuyambaho omubwecumi hamwe n'obuyonjo omu myanya yabo.

Emwe ahamyanya etungire obuyambi obu harimu Ibanda Babies Home,akatare keKyorora Fuzi k'ebyokurya,Buffunda division offices ,Bufunda Healthy Centre 3, Ibanda central market,Ibanda mission Health center hamwe na Ofisi yentumwa ya purezidenti ahabwa Disiturikiti y'Ibanda

Omwami Justus Ahimbisibwe ori mukuru w'ekitongore eki ekya Marianne Foundation abeire agumize ngu eki kitongore kirebire oku obwecumi , n'obuyonjo kiri eky'omugasho muhango omumyanya nyingyi omuri Ibanda namunonga omu bweire nka obu obwa Covid-19 .

Justus agumizemu yashaba abantu boona okuba abechumi Kandi bakakuratira endagiriro hamwe n'engyenderwa y'mukuru we'ihanga eyateirweho nk'emwe ahamiriingo y'okutangyira okujanjaara kw'endwara ya covid 19 ebirimu nka okunaba engaro ,obutirira hihi n'omuntu weena * otebirwe n'okujwara masiki.

Eliasto Akatuhebeebwa ori entumwa ya purezidenti omuri Ibanda asimiire munonga Marianne Foundation ahabwa omwoga ,hamwe n'obuyambi obubahereza .

Hummura Tuganiire

Huumura Tuganiire

Abakatoriki (2) Africa (3) Agekibarukiraho (43) Akaruuru 2011 (1) Akaruuru 2021 (26) Amagara (2) Amaka (5) Amakuru (538) America (1) Ebaruha (8) Ebirango (8) Eizooba Eri (5) Ekyanga Kyawe (9) Enfumu (3) Enganda (2) Esente (1) Haaya (1) Obugabe (8) Obutare (4) Okwiruka (2) Omuntu Waawe (12) Omupiira (24) Omushaho (1) Puriyamare (2) Ruhuuta (18) Senyiga Ya Corona (29)