Omwaana w'emyaka mushanju y'obukuru ayitsirwe embwa .

Embwa
Nekya Elia
707

Saande 2020-05-24

Omuntu omwe affire bwanyiima y'okuribwa embwa beitu ateirweho akataka eizooba rya nyomwebazo omuri kyarukobwa ,kyaruhanga omuri kagongo divijoni.

Omugyenzi amanyirwe erya Nankunda Evelyne ow'emyaka mushanju (7) y'obukuru omuturagye omukyanga nikyo kimwe.

Beitu ogu mwana atwire omw'irwariro erikuru erya kagongo hospital abeire yamarayo esande emwe obwe arikutunga obujanjabi beitu erya nyimwebazyo nikwo kuruga omu magara g'ensi egyi.

Okurugirira ahari mukuru w'entebe y'okubanja ahabwa kyarukobwa Ndyanabo John Baptist ashoborire ngu Nankunda Evelyne omwegyi aheishomero rya vision model primary school akaribwa embwa.

Beitu abeire agumize ngu embwa niyo emwe ekarya enyameishwa nyamweingyi konka omugisha omurungyi egyo mbwa ekeija kuba neyitwa byanyima y'okuruma omwaana .

Ndyanaba John Baptist agumizemu arikugyira ngu obwahati bariyo nibajanjaba abaana bashatu hamwe n'omukaikuru ow'emyaka 80 nabo abaribirwe embwa niyo emwe.

Ndyanaba ashabire Ibanda municipal official ngu bahereze embwa zoona eziteine bakama bazo obutwa ezirikushangwa omuri kyarukobwa C cell ngu embera nimbi

---

Huumura Tuganiire

---

Abakatoriki (2) Africa (3) Agekibarukiraho (43) Akaruuru 2011 (1) Akaruuru 2021 (26) Amagara (2) Amaka (5) Amakuru (538) America (1) Ebaruha (8) Ebirango (8) Eizooba Eri (5) Ekyanga Kyawe (9) Enfumu (3) Enganda (2) Esente (1) Haaya (1) Obugabe (8) Obutare (4) Okwiruka (2) Omuntu Waawe (12) Omupiira (24) Omushaho (1) Puriyamare (2) Ruhuuta (18) Senyiga Ya Corona (29)