Ebirango Bikuru

   Kagiira Skills Development Center, Agriculture With New Skills
   Diary Farm Training By Kagiira Skills Development Center in conjunction with Eiraka Radio

Minisita Eng. John Byabagambi bamwangire omu kabineti yashoberwa!


Kampala
Nekya Kampala
573

Orwokubanza 2020-04-06

Obwo abanya Uganda bariyo nibarwanisa ekirweire kya COVID 19, abantu abamwe biriyo nibibagyendera kubi ahabwokuba tibakurateire biragiro by'ekitongore ky'eby'amagara kiteireho. Orwakashatu rwe Sande egi, habeireho oruterane rwa kabineti ya Uganda omumaka g'obwa mukuru w'eihanga. Ba minisita baingi barebirwehwo nibehara bamwe omu ba minisita bagyenzi baabo. Omubehazirwe harimu nka *Molly Kamukama* na *Eng. John Byabagambi.* Mukuru w'eihanga arebeire okutangaara ahabw'ekibeire nikigyenda omumaisho omu kabineti ye. Nikigambwa ngu Eng. John Byabagambi, n'omuntu omwe owarabize eka ye, aha kyishaayi ky'enyonyi Entebbe etakyebeirwe kandi akagitwaata Kololo. Omukugamba kwe, Byabagambi agizire ngu eka ye, akagitwaara omu karantiini Kololo kandi tihaine muntu weena arikuzayo kubareeba! Eki, kiretsire ba minisita bagyenzi be bakihakanisa! Ba minista abandi bagizire ngu burizooba nibareeba emotoka neruga Kololo omu maju agu bateiremu eka ye, ngu obundi naaba ari omu motoka egyo agiire kubareeba. Bashabire Mukuru w'eihanga kuba amuteire aha rubaju mpaka baheza kuhamya ngu embeera ye, n'eka ye biri gye! Ondaijo minisita ashangire obuzibu ni *Molly Kamukama*. Nikigambwa ngu ogu nawe, abaana be bakaba nibaruga omwihanga rya Canada. Ngu kandi tibarakyebeirwe akakooko ka corona virus aha kyishaayi ky'enyonyi Entebbe! Ogu aherize nawe yashabwa ngu ateirira haihi na bagyenzi be Abandi ba minisita ababingirwe omu kabineti enyimaho, harimu nka minisita *Sarah Opendi* owu iba yabeire arugire aheeru, na Minisita *Nakiwala Kiyingi.* Enyimaho tukareeba sipiika w'eishengyero rya Uganda arikubinga abany'eishengyero omu paramenta ya Uganda. Neitwe aba ag'owaitu twagakuretera! *Huumura Tuganire.*

Huumura Tuganiire

Abakatoriki (2) Africa (3) Agekibarukiraho (43) Akaruuru 2011 (1) Akaruuru 2021 (26) Amagara (2) Amaka (5) Amakuru (538) America (1) Ebaruha (8) Ebirango (8) Eizooba Eri (5) Ekyanga Kyawe (9) Enfumu (3) Enganda (2) Esente (1) Haaya (1) Obugabe (8) Obutare (4) Okwiruka (2) Omuntu Waawe (12) Omupiira (24) Omushaho (1) Puriyamare (2) Ruhuuta (18) Senyiga Ya Corona (29)