Ebirango Bikuru

   Kagiira Skills Development Center, Agriculture With New Skills
   Diary Farm Training By Kagiira Skills Development Center in conjunction with Eiraka Radio

Abakazi abarikuguza ebimukuma yabahire (ba maraya) beterire enduru omuri Mbarara .


Ba maraya
Nekya Agoweitu
717

Saande 2020-05-24

Beitu obwe eihanga turiyo nitugyezaho kurwanisa ekirweire kya Covid-19 empagare ezirikunyirira munonga kandi abarikweyeta banyarurungyi barugireyo bayeterere enduru omururembo rwa Mbarara bagumize ngu gavumenti eriyo neyenda kubaremesa emirimo yabo eyibarikukora .

Ebi babigambire eizooba rya nyomwebazyo obu omushaki weitu arabire omu rurembo orukuru orwa Mbarara nikwo kugambaho nabamwe aha mpagare ezirikukorera emirimo yabo omu Kijungu .

Ezi mpagare ezirebirwe n'enaku yamaani ahameisho bagumize ngu hati nibeija kukoraki kurebuka ngu basikiriza abashaija abarikubaha aha kasente ngu ahabw'okuba mukuru w'eihanga ariyo nagyezaho kugiira ngu buri muntu aine kujwara akenda aha munwa hamwe n'enyindo "mask" ngu beitu enyimaho babeire nibakoresa ebintu nyamwiingyi kurebukagye ninkwo abashaija basiima babahereza esente .

Omukugambaho na Hellen beitu ngu niwe arikukurira ezo mpangare ezirikukorera emirimo yazo omu Kijungu ohubeingi barikumanya nka "Owempango" abeire agumize ngu nibekoraho na za "meki kapu", amajuta g'ebiika nyamwiingi, " lipusitiki hamwe n'ebindi nyamweingi kureba ngu barebuka kagye ngu mwenu hati nibeija kukoraki kurebuka abashaija basiima obwe bajwire za "masikisi" aha maisho batakurebwa munwa hamwe n'enyindo.

Ayongyire yagira ngu abashaija abeingi nibakunda kugura abashiki abarikurebukagye aha meisho, abeine akanyindo karungi hamwe na "meki apu" akarikubagarura buto nikwo abashaija bakebwa abakazi babo omuka .

Joan empagara nayo erikushangwa omuri Mbarara nayo erikukora omurimo nigwo gumwe ebeire egumize ngu obwahati nibareba buziinesi yabo eriyo negwa oweishe butaaka ahabwa mukuru w'eihanga kuremera aha kwajwara "masikisi" beitu ngu abeishiki ababeire abeine ebyasa hamwe n'eminwa ebihire etarikuha ka apetaiti nibeija kukora ahakuba abasheija babire nibanga kubagura ahabw'okureba ebyasa hamwe n'eminwa etakuha ka apetaiti beitu agumizemu arikugira na abashaija nabo obwahati nibeija kutomera ahabw'okuba nibaija kugura abaishiki barikumanya ngu babonire beitu kubaraze omu kishaayi bashangye baine abaishiki batakuheisa apetaiti.

Huumura Tuganiire

Abakatoriki (2) Africa (3) Agekibarukiraho (43) Akaruuru 2011 (1) Akaruuru 2021 (26) Amagara (2) Amaka (5) Amakuru (538) America (1) Ebaruha (8) Ebirango (8) Eizooba Eri (5) Ekyanga Kyawe (9) Enfumu (3) Enganda (2) Esente (1) Haaya (1) Obugabe (8) Obutare (4) Okwiruka (2) Omuntu Waawe (12) Omupiira (24) Omushaho (1) Puriyamare (2) Ruhuuta (18) Senyiga Ya Corona (29)