Abanyauganda barikurenga 2500 nibaija kuraara baagaruka omwihanga "Judith Nabakooba

Abanya uganda abari aheeru yeihanga
Nekya Eiraka
488

Orwakashatu 2020-05-27

Obwe eihanga turikugyezaho kusherura emiringo yoona y'okurwanisa okujanjaara kw'ekirweire kya covid 19 omwihanga, abanya uganda barikuhingura 2500 nibo barugyireyo baketeerera enduuru ahari mukuru w'eihanga Yoweri kaguta museveni bagumize ngu omu mahanga agubarikukoremu embeera nimbi munonga kusinga n'embeera eri omu uganda.

Abanyauganda abo, bakashaba mukuru w'eihanga kwabikiriza bakagaruka omwihanga .

Enyimaho, tukareeba ebibiina ebihakanisa gavumenti ya rwangisiriza nka "people power" birikugamba aha nshonga egi.

Orikwebembera ekibiina ekyo, Kandi omujwekyerwa wa kyandondo East omw'eishengyero erikuru rya uganda akaba agumize ngu akagyezaho kuyamba abo bantu, abarikutuura omu mahanga ga heeru, konka mukuru w'eihanga yaayanga.

Nikigambwa ngu aba banyauganda bari omu mahanga nka south Africa ,United Arab Emirate ,Uk,Turkey hamwe na china baitu abareebirwe bakukoresa emikutu ya soso mediya barikushaba goverment ku ebayamba bakagaruka omwihanga bagumize ngu bamazire ameezi garikuhingura ataano batarikukora.

Hoona, omu rukiiko orubaireho eizooba ry'orwokubanza kandi orwebembeirwe mukuru w'eihanga yoweri kaguta museveni, kikikirizibwa ngu abanya uganda abarikutuura omumahanga ga heeru bagarukye omwihanga .

Kurugirira aha ntebekanisa, abantu abo nibaija kweshashurira ebishare by'etambura "air ticket' ,okucheberwa kubarihikye omwihanga hamwe n'okutaibwa omu kwarantini kumara ebiro eikumi na bina (14).

Mukuru w'eby'amakuru na kanyabwengye Judith Nabakooba abaire agumize ngu govumenti neija kukoragana n'ebintongore nka "Food program" nikwo bareebe oku abanya uganda abari omumahanga garikwingana 66 baagaruka omwihanga.

Baitu Nabakooba, agumiizemu arikugyira ngu abanya uganda abarikwija kugarurwa omwihanga, tiharimu banya uganda abarikutuura omumahanga agaturi haihi na uganda .

Huumura Tuganiire

Abakatoriki (2) Africa (3) Agekibarukiraho (43) Akaruuru 2011 (1) Akaruuru 2021 (26) Amagara (2) Amaka (5) Amakuru (538) America (1) Ebaruha (8) Ebirango (8) Eizooba Eri (5) Ekyanga Kyawe (9) Enfumu (3) Enganda (2) Esente (1) Haaya (1) Obugabe (8) Obutare (4) Okwiruka (2) Omuntu Waawe (12) Omupiira (24) Omushaho (1) Puriyamare (2) Ruhuuta (18) Senyiga Ya Corona (29)