Kagiira Skills Development Center, Agriculture With New SkillsEsente ezigabirwe zitabwire eminyeeto omuri Ibanda Munisiparite, azigabire tumurinzire omukaruru ka2021.
Edson mukono gwa bumosho ariyo nakwatsa esente Junior Young Omweshongozi
Nekya Agoweitu
0
Orwakataano 2020-05-29
Eminyeeto eriyo negachwera obwanga kandi nekomba ahansi ahabwa sente ezigabirwe abandi bakabebwa.
Ahiturikugambira ebi, ebintu omuri Ibanda Munisiparite tibyorobi bwanyima y'eminyeeto omuri Munisiparite kweruma ruma bakagamba akatsyo ne kahindu ahabwe sente ezibeire nizigabwa omunyeeto mutayi wabo kandi amanyirwe nka Edson owekibiina kya Rwangyisiriza ekya NRM. Eminyeto emwe erebeirwe ekwatsire esente nezoreka muranga kandi eshemereirwe nakasheko batireho.
Kutugambireho na Edson, atugyizire ngu esente ezi ziheirweyo omushaija arikumwanywa nka Mulinde Deus kandi omwe owabeire ayetsimbire aha ntebe y'omunyeishengyero ahabwa Ibanda Munisiparite nikwo akaruru kakamusinga akegarukira oweye akaza kuhinga vanilla n'okusiiba naramutsya abantu.
Esente ezigabirwe zigyendereire kuhwera eminyeeto ebeire etwire eyine enjara nyamunuka omubwire obu obwa Corona Vayirasi. Eminyeeto egi esimiire Mulinde ahabwekikorwa ky'embabazi kandi bashaba kwaguma nabahwera.
Bwanyima y'eminyeeto emwe kwerebire batahibaabo beine esente nyamweingi bazihanikire omumwanya n'abandi bazikwatsire omungaro, batabukire kandi bahayira Mulinde obutaba owa maziima nomuringaniza. Aba bagyizire ngu bamutegyerize omukaruru ka 2021 bamwegyese eishomo nk'erya 2018 obuyasingwa akaruru akarira nk'omwana owa nasare
Obwahwireho, tukareba Mwine Innocent Bakamuhara atashemereirwe kandi arikwebuza aha mikutu ya intaneti ngu ahabwenkyi Mulinde nagaba esente omukaire ka COVID19 kandi abiyabeire nazigabira batehaire omwanya nka n'okwe engyenderwaho eyateirwe mukuru w'eihanga nk'emwe ahamiringo y'okutangira ekirweire Kya covid
Edson nawe akarebwa aha mikutu ya intaneti arikusiima Mulinde ahabwesente nyamwingi eziyabahaire kandi akashaba obushagiki bwabo obwire butaribwahare.
Omweshongonzi omwe orikumanywa nka Junior kandi owa Yellow Soldier, akarebwaho ahamukutugwe akwatsire esente omugaro kandi nawe arikusiima Mulinde.
Mulinde akamara obwire buringwa ari mukuru wentebe ya kashaatu ahabwa Ibanda Town Council, Ibanda kuyatungitire Munisiparite nikwe kutembesa eidara aketsimba aha entebe y'omunyeishengyero. Akaruru akateirwe 2018, kaka mutera oweishe butaaka.
Agatungirwe, nigagiira Mulinde nayenda kugaruka kwetsimba aha entebe y'omunyeishengyero ahabwa Ibanda Munisiparite. Akaruru kahikiremu omwonyo na shukaari. Abantu barikwihika ikumi nibo bayorekire ekyetengo ky'okwetsimba aha entebe egyo obwahati agishutamiremu ni Owekitinitsa Rwaburindore Tarisisio Bishanga.
Eminyeto omuri Ibanda niyo ekine egoga y'okuronda akaruru kandi ekatera akaruru. Ibanda obwahati eyine eminyeto nyamweingi kurigirira embarira y'abantu omumwaka gwa 2014.
Huumura Tuganiire
Abakatoriki (2) Africa (3) Agekibarukiraho (43) Akaruuru 2011 (1) Akaruuru 2021 (26) Amagara (2) Amaka (5) Amakuru (538) America (1) Ebaruha (8) Ebirango (8) Eizooba Eri (5) Ekyanga Kyawe (9) Enfumu (3) Enganda (2) Esente (1) Haaya (1) Obugabe (8) Obutare (4) Okwiruka (2) Omuntu Waawe (12) Omupiira (24) Omushaho (1) Puriyamare (2) Ruhuuta (18) Senyiga Ya Corona (29)