Ebirango Bikuru

   Kagiira Skills Development Center, Agriculture With New Skills
   Diary Farm Training By Kagiira Skills Development Center in conjunction with Eiraka Radio

Eby'okurya ebihirweyo offisi y'engazi y'eihainga bitabwire abantu ba Ibanda eyamashuuma - Eng. Byabagambi abisherekyire


Ekihandiko kuruga owa engazi ya mukuru weihanga
Nekya Agoweitu
0

Orwakataano 2020-05-29

Hahaha! eby'okusetsya tibiwa munsi egi, eizooba erya nyomwebazo tukureteire amakuru marungi ahabwa ekicweka kya Ibanda eyamashuuma bwanyima ya offisi y'enganzi y'eihinga kwirukirira abantu bayo ahabw'ebizubu ebiba tungire ebirimu enjura y'eihunga na n'ejonjo kutahirira ebihingwa byabo zikabishisha. Obuyambi obu nibwihika tani emitwaro eshaatu (30 tonnes).

Agamara kuhika aha meza ya Agoweitu, nigagira abantu bataribamwe nabamwe bariyo nibebuza ahabwaki eby'okurya ebyahirweyo offisi y'enganzi y'eihinga nibitebwa omu offisi ya minisita Owekitinitsa Eng. John Byabagambi erikushangwa omu tawuni ya Igorora.

Abantu aba, minisita Eng. John Byabagambi abashekyereire kandi yabagira ngu nk'o mwebembenzi niwe yashakire abantu be aba Ibanda eyamashuuma. Ayongire yagira ngu obwahati obuyambi obu niwe abwineho ekiragiro.

Beitu ebigambo bya minisita Eng. John Byabagambi abantu beingi babihakanise kandi bakomba ahansi bamugarukamu ngu nabiha kandi bagira ngu obuyambi bukashabwa disiturikiti ya Ibanda kurabira omuri mukuru w'abakozi arikumanywa nka Diisi nanga CAO.

Ebihandiko ebirebirweho, byorekiire CAO wa Ibanda disiturikiti kuniwe ayakiire eby'okurya ebi. Ebihandiiko ebindi ebirebirweho byorekire Eng. John Byabagambi omunyeishengyero wa Ibanda eyamashuuma kandi ari minisita w'eshonga za Karamoja kwatineho mukono gwoona aha by'okurya ebihirweyo offisi y'enganzi y'eihinga.

Ekihandiiko eki kibaire nikiruga omu offisi y'enganzi y'eihinga.

Prosper kansara w'eminyeto kandi sipiika w"egomborora ya Keihangara arebirweho nayesharinga kandi ayine ekiniga ky'amaani bwanyima ya Eng. John Byabagambi kubiiha abantu ba Ibanda eyamashuuma ngu niwe ashakiire obuyambi bweby'okurya. Abandi bantu ababeire barimu omushaho John Paul Ninkusiima kandi abeingi ohubarikumanya nka Panadol ya Ibanda eyamashuuma na Atuhe Innocent owa Atuhe Foundation kandi abeingi ohubakumanya nka Owagamba nokora nabo boorekyire obutashemerwa kwabo kurabiira aha mukuru etari emwe n'emwe.

Kutugambireho nabo, batugizire ngu Eng. John Byabagambi agume ahiheho ebishuba kandi agume agambe amazima nk'omwebembezi w'abantu.

Eng. John Byabagambi obwahati niwe akwatsire enkasi y'entebe ey'omunyeishengyero wa Ibanda eyamashuuma. Nk'omuntu atugizire ariyo nashakira abantu be abatirwe ihunga kandi bakatahirirwa enyamishwa kuruga omukibiira kya Katsyohi Katomi omu gomborora ya Kicuzi.

Konka iwe abeire agumize ngu abantu bakahikirira offisi ye bakushaba obuyambi kandi ekiyakozire kurabira omu offisi y'enganzi y'eihinga obuyambi nikwo kuhebwa.

Ebaruha eyahindikirwe abantu barikushaba obuyambi omu offisi ya minisita Eng. John Byabagambi Agoweitu gatungireho kopi kuruga ow'omuhwezi wa minisita arikumanywa nka Jim.

Kwonka agahurihuri nigoreka ngu Eng. John Byabagambi akashaba disiturikiti ya Ibanda obuyambi obwahirweyo offisi y'enganzi y'eihanga obundi akabahweraho omuntambura kandi arikubugaba omubicweeka by'egomborora ya Kicuzi kwonka tiwe yabushabire kandi n'ebihandiko tiheine ayibikworeka eiziina rye nk'omujwekyerwa wa Ibanda eyamashuuma.

Abantu nyamweingi omuri Ibanda eyamashuuma namunonga abateirwe ihunga babeire barikubi kandi amakuru aga bagakize emikono ebiri kandi basiima bury'omwe ateireho oburyo kubashakira obuyambi. Abantu abamwe barebirweho nibasiima Eng. John Byabagambi ahabw'omutiima murungi kandi bongire basiima disiturikiti ya Ibanda.

Obwahati abantu barikurenga mushanju nibo bakwenda entebe ya minisita John Byabagambi.

Eng. John Byabagambi yamara emyaaka erikurenga ikumi namwenda ari omweishengyero rya Uganda kandi n'emyaaka ikumi nena omubwa minisita.

John Byabagambi n'omuntu abantu ohubarikugira aretsire etunguka omuri Ibanda namunonga omu bicweeka bya Ibanda eyamashuuma. Ngu eguundo azikozire kandi n'eby'obwegyese yabitamu amaani.

Huumura Tuganiire

Abakatoriki (2) Africa (3) Agekibarukiraho (43) Akaruuru 2011 (1) Akaruuru 2021 (26) Amagara (2) Amaka (5) Amakuru (538) America (1) Ebaruha (8) Ebirango (8) Eizooba Eri (5) Ekyanga Kyawe (9) Enfumu (3) Enganda (2) Esente (1) Haaya (1) Obugabe (8) Obutare (4) Okwiruka (2) Omuntu Waawe (12) Omupiira (24) Omushaho (1) Puriyamare (2) Ruhuuta (18) Senyiga Ya Corona (29)