Ebirango Bikuru

   Kagiira Skills Development Center, Agriculture With New Skills
   Diary Farm Training By Kagiira Skills Development Center in conjunction with Eiraka Radio

Omutsigazi aitsire omukundwa we (girlfriend)! - Fortportal


Fortportal
Nekya Agoweitu
391

Orwamukaaga 2020-05-30

Poriisi omuri Fortportal munisiparite, erikushangwa omuri burengyerw'eizooba eriyo neronda eshonga ezereteire omwishiki yaitwa obwo arikwiitwa omutsigazi owabeire nayenda kumushweera bwanyima y'okwanga kwihamu enda.

Omugyenzi yamanywa nka Brendah ow'emyaaka 18 y'obukuru. Omubiri gw'ogu mwishiki gwashangwa omu kyambu ky'eshagama obwo n'omutsyo arubaju.

Okurugirira aha batuuragye omukyaro Bukwali erikushangwa omuri East Divijoni, eki kikabaho eizooba ry'orwakana baitu ngu bombi bakaba batweire baine obutikirizana obwo barikurwana hamwe n'okutongana bwashesha bwiira kwiiha mukuru w'eihanga ataho ekiragiro ky'okugama omumaka nk'emwe ahamiriingo y'okutangira okujanjaara kw'endwaara ya covid 19.

Abaturuagye babeire bagumize ngu enyombo z'abantu aba zibeire niziretwa omutsigazi kuremwa kuhirikiriza obuvunanizibwa bwe nk'omumudhaija.

Baitu ogu mutsigazi abeire nashaba egi mpangare kwegarukayo owaabo kuhitsya obu embeera eraterere konka ekitahikirire.

Baitu omugambirizi wa porisi ahabwa Rwenzori West Vincent Twesigye, abeire agumize ngu n'omutsigazi nawe ashangirwe arikugyezaho kweyita nikwo kumwirutsya akatwarwa ah'irwariro erikuru erya Fortportal regional referral hospital.
Twesigye ashabire abantu kubabaasa kwerinda hamwe n'obutakoresa ekiniga namunonga baaba nibatereza enshonga z'omumaka ngu n'obwo bazitware ow'omukuru w'entebe y'okubanza.

Twesigye agumiizemu arikugira ngu omutsigazi kwaraheze kutunga obujanjabi naija kutwaarwa omumbuga z'amateeka aterweho emishango.

Omukugambaho n'omutsigazi ogu abeire agumize ngu akarabura omwishiki we ngu ayihemu enda ebeire eine emyeezi eshatu nikwo kwanga, ekirugirireho okuffa kwe.

Okurugirira ahari mukuru w'entebe y'okubanza Ismail Kaganda abeire agumize ngu abantu nyamwingi omubwire obu obwa "lockdown" nibakoresa ebitokoza bwongo baitu ngu ekyarikutekateka ngu nebaasa kuba eri emwe ahanshonga erugirireho okufa kwa Brenda .

Omugyenzi mukama amuhe ekihumuro eky'eihoreere

Huumura Tuganiire

Abakatoriki (2) Africa (3) Agekibarukiraho (43) Akaruuru 2011 (1) Akaruuru 2021 (26) Amagara (2) Amaka (5) Amakuru (535) America (1) Ebaruha (8) Ebirango (8) Eizooba Eri (5) Ekyanga Kyawe (9) Enfumu (3) Enganda (2) Esente (1) Haaya (1) Obugabe (8) Obutare (4) Okwiruka (2) Omuntu Waawe (12) Omupiira (24) Omushaho (1) Puriyamare (2) Ruhuuta (18) Senyiga Ya Corona (29)