Ebirango Bikuru

   Kagiira Skills Development Center, Agriculture With New Skills
   Diary Farm Training By Kagiira Skills Development Center in conjunction with Eiraka Radio

Omuny'ibanda ajandwire oburuuru nyamwingyi omu kazaano ka MTN


Douglas Smith
Nekya Agoweitu
1051

Orwokubanza 2020-06-01

Omutsigazi ensiinga nto kuruga omuri Ibanda asingire Uganda yoona omubururu omumpaka za MTN whatsnext Challenge ezitweireho enshumi nkye.

Omutsigazi embura kareju ogu amanyirwe nka Douglas Smith kandi ogu niwe mukama wa The Smith Soccer Foundation hamwe na SPORTRISE; ekibiina ekibeire kiri omu kazaano aka.

Kuza kutunga obururu nyamweingyi omumpaka ezi, SPORTRISE ebiire nehaayahayana nebikoosi ebindi nyamwingyi oteiremu n'abeshongozi ba Jehovah Shalom Accapela ababeire beine akeshongoro Omwaka O'gwomukisa.

Okurugirira ahari Smith, obuhanguzi obu burugire ahankwatanisa yabanyibanda abeheireyo batyo bakateera akaruuru kandi bakakaronda bundi nuuma omu bataahi baabo.

Arikurabira ahamukutu gwa WhatsApp, owabeireho omunyeishengyero omukyara ahabwa Ibanda Hon. Margaret Kiboijana ayehanangisiriize abany'Ibanda kukwatirahamwe bakaterera Smith akaruuru kandi yayongyera yabahabura kusindikira bataahi baabo omukutu nikwo nabo babaase kuteera.Ebindi bikongi by'Ibanda nabyo byetabire omu hururu egi abarimu Dr Innocent Nuwagira, WHO Africa office omuri Harare Zambia; Dr Benin Mutambi, PS MoIA, Mr Mabwana Oubed, Mr Karemani Jameson, omugambirizi w'ekitongore ekiramuzi, Mr Nuwamanya David, Principal Administrator Mulago Hospital, Mr Murigye Donald Kansara hamwe nabandi biingi. br>
Omukaruuru akahendera burikusheesha erizooba, Smith owa SPORTRISE egyendereire kukora emipiira y'ebigyere kuruga omu pulastiki ajandwire oburuuru burikwingana emitwaro nkaaga nagumwe, na rukumi bishatu shaanju namwenda (611,379) obwo akuratiirwe omuteezi wamatafari oyihireyo oburuuru emitwaro ashatu namushanju, kakaaga na bitaano abiri na mukaaga hamwe na puroguraama wa kompyuuta oyihireyo emitwaro ikumi, rukumi bitaano abiri neina (101,524)omugwakashatu.

Smith asiimire abantu boona abamutereire akaruuru namunoonga abany'Ibanda hamwe na Eiraka Radio aha'bwokujanjaaja ehururu y'okuteera aka karuuru kandi yayongyera yasiima ekitongore ky'amasimu MTN ahabw'omugisha ogu.

Akaruuru korekire rukundo eyi abanya Uganda beiniire ebyemizaano nobu biraabe byayemereziibwe ahabw'endwara ya Covid 19.

Ebirugire omukaruuru aka nobubirabe bitakarangiriirwe mubutongore nibyoreeka amaani g'okukwatanisa!

Hon. Margaret Kiboijana ayongyeire yashaba abany'Ibanda kuguma nibakwatanisa omunshoonga nk'ezi hamwe nezindi.

Huumura Tuganiire

Abakatoriki (2) Africa (3) Agekibarukiraho (43) Akaruuru 2011 (1) Akaruuru 2021 (26) Amagara (2) Amaka (5) Amakuru (538) America (1) Ebaruha (8) Ebirango (8) Eizooba Eri (5) Ekyanga Kyawe (9) Enfumu (3) Enganda (2) Esente (1) Haaya (1) Obugabe (8) Obutare (4) Okwiruka (2) Omuntu Waawe (12) Omupiira (24) Omushaho (1) Puriyamare (2) Ruhuuta (18) Senyiga Ya Corona (29)