Kagiira Skills Development Center, Agriculture With New SkillsEbishaare by'etambura omu bicweeka bya Burengyerwa eizooba omubwire bwa COVID19
Basi ya Swift omu Kishenyi Basi paka
Nekya Agoweitu
3814
Orwakashatu 2020-06-03
Obwahati abantu bariyo nibetebekanisiza kutandika kutabura omu myaanya etari emwe nemwe omu bicweeka byingi bya Uganda omwizooba rya nyekyakare ebiro 04/06/2020, ebitongore bya basi ne bya takisi byashohoza enyiriri ze bishare n'eshaaha z'okutamburiramu.
Hariho okutemba kwebishare aha guuto zitarizimwe na zimwe omu bicweeka ebitwaza kukworekaho ahansi.
Obwahati waba n'otambura noruga Kampala orikuza Mbarara, omushabazi n'oyijakuba noshabwa kushashura esente eziri ahagati y'emitwaro eshaatu nekicweeka omusente za Uganda (35,000/=) nanga emitwaro ena omusente za Uganda (40,000/=). Entaniso omusente nerugirira aha baasi paaka eyiwashabariramu.
Ebishare by'etambura nibiza kuba byemereire biti omudijo myanya omu motoka enkye nangashi takisi;
Mbarara - Ibanda 20,000/=
Mbarara - Kamwenge 30,000/=
Ibanda - Kamwenge 10,000/=
Ibanda - Kazo 10,000=.
Ibanda - Fortportal - 30,000/=
Mbarara - Ibanda - Fortportal 40,000/=
Kutwaba nitugambaho n'ekitongore kya Swift Safaris kurabira aha mukutu gwabo gwa Facebook, batungira ngu kuruga Kampala kuza Bushenyi - Ishaaka, emihendo nekuba eri ahagati y'emitwaro ena (40,000/=) na n'ena nekicweka (45,000/=).
Watemba basi orikuruga Kampala orikuza Ibanda nokuba noshashura emitwaro mukaga (60,000/=).
Basi enyingi nizitwara abashabaze barikuhika nkaga namushanju (67).
Emotoka yekika kya Toyota wish, netwara abantu ikumi n'ababiiri (12) kwonka obwahati nekuba netwara abantu mukaga bonka kurigirira ahangyederwaho y'amukuru weihanga eyiyatireho.
Baasi kuruga Kampala niziza kutandika kutambura shaaha ikumi n'eibiri nekicweka z'akasheeshe (6:30am) kandi ezamuheru zitambure zihererukye kutambura shaaha mukaga nekicweka zomwihangwe (12:30pm). Eki kikozirwe okugondera amateeka ga kafyu.
Ivan arikukorera Ibanda omu paaka ya takisi yatugira ngu ebintu byoona babitire omunkora kandi obwahati bategyerize abantu okwija bakatandika kushabara.
Abantu nibashabwa kwija na masiki kandi waba otagine oteteganisa kutemba motoka y'ona.
Neitwe Ag'oweitu nitwija kuba nitukuhitsyaho ebindi bintu ebikwatiraine n'entambura.
Huumura Tuganiire
Abakatoriki (2) Africa (3) Agekibarukiraho (43) Akaruuru 2011 (1) Akaruuru 2021 (26) Amagara (2) Amaka (5) Amakuru (538) America (1) Ebaruha (8) Ebirango (8) Eizooba Eri (5) Ekyanga Kyawe (9) Enfumu (3) Enganda (2) Esente (1) Haaya (1) Obugabe (8) Obutare (4) Okwiruka (2) Omuntu Waawe (12) Omupiira (24) Omushaho (1) Puriyamare (2) Ruhuuta (18) Senyiga Ya Corona (29)