Ebirango Bikuru

   Kagiira Skills Development Center, Agriculture With New Skills
   Diary Farm Training By Kagiira Skills Development Center in conjunction with Eiraka Radio

Reeba owekitinitsa Jovline Kyomukama Kaliisa kuniwe yatsinga kujwaragye n'okubonera omu paramenta erizooba


Omusiirikare ariyo nashamarira Owekitinitsa Jovline aha parementa
Nekya Agoweitu
0

Orwakana 2020-06-04

Abashaija bagambiira omumataama kandi abandi y'abagambisa oburiimi Abantu barebwa kandi bahurirwa bagumize ngu ekyeba juba n'obworo n'obugumba.

Erizooba 4/06/2020 abantu nyamweingyi b'ebitinitsa ababa bari aha parementi y'eihanga bayebwa enaku ya COVID19 amaisho bagahanga Joveline Kyomukama Kaliisa omukazi arikujwekyera Ibanda disiturikiti omwe'ishengyero ry'eihanga bwanyiima y'omunye'ishengyerokazi wa Ibanda disiturikiti kurebukaho omumaisho gabo weena ajwiregye aboneire, weena arikumwamwatikana nk'enyangyi kandi arikwengyegyeta nk'enyonyozi n'okwezi.

Ebi byoona byabaho erya nyakazooba obu mukuru w'eihanga Yoweri Kaguta Museveni yaba nahayo orubazyo rwe aha omwishengyero ry'eihanga shaaha munaana zeihangwe arikugamba nk'okwihanga ryemereire obwahati.

Mukuru w'eihanga eki nakikora buri mwaka.

Owekitinitsa Joveline Kyomukama Kaliisa yatahamu ayiine akamwenyo akareka abashaija boona bakwereba, barikugambira omu matama n'buriimi, obwo bekwasiire omumpare kandi abandi bakweteera obuhama.

Omushaki waitu ayaba ari ahamwanya ogwo yateera ebishushaani ebyaba biboneire oburengye kandi ebija kwohorezibwa aha kitebe kyeitu kya Agoweitu kandi naitwe tukabikuretera obundi obirebeho niwe oyeshariremu.

Jovline n'omunye'ishengyerokazi arikujwekyera abakazi ba Ibanda disiturikiti omwe'ishengyero ry'eihanga erikuru.

Akatunga obukuru obu omumwaka gwa 2016.

Abashaija abahurirwa nibamugambaho bagiira nabasibwa ekirabo ky'ekirunga ky'omukazi omurungi wa Uganda abeingi ekibarikumanya nka 'Miss. Uganda'. Abandi bantu batekateeka ngu naruga omukikari ky'obugabe bwa Ankole ahabw'okuba ngu endebeeka egi tiyabutosha.

Abandi bagira ngu nyiina kizara Joveline Kaliisa akamuuha ekirabo nangashi 'ekitone' ky'okuboneera kandi akarezya.

Obwiina bw'omumatamagye bwareteera abantu nyamweingi kumushamarira bakebwa enaku ya COVID19.

Ahitwarugira aha mwanya ogwe, twasiga abashaija nyamweingi bariyo nibaronda akanamba kesiimu kandi abakazi batahibe barikumusiima okubonera kandi akarebukagye.

Kutwagambaho n'abamwe abantu abarikuruga Ibanda kandi abamwerebera nagabo eryanyakazoba, basiima omukazi ogu ahabw'okujwaragye kandi akaboonera. Bamusiima obutaswaza Ibanda.

Mwiine Bakamuhara Innocent yarebwaho aha mukutu gumwe gwa WhatsApp arikusiima Jovline Kyomukama ahabw'okubonera kandi kikarenga obuyaba ari omwe'ishengyero obwo mukuru w'eihanga obuyaba nahayo orubazyo rwe.

Abandi bantu bakuruga omuri Kampala bashaaba ngu omugambirizi w'orukiiko rukuru rw'eihanga Alitwala Kadaga ayeije arare yataho empaka za bakazi ababoneire omu paramenta ahabwokuba abinemu beingi.

Abandi banye'ishengyero barebuka bajweiregye buziima kandi baboneire kwonka Jovline Kyomukama Kaliisa niwe yatwara eky'eizooba omukoboneera kandi n'omukumwenya.

Obumwe Jovline Kyomukama Kalisa nayeyeta omuritsa omurungi.

Uh, abagyenda bareba kandi abagaruka batebeza.

Mbwenu nitwe twareba kandi twatebya.

Huumura Tuganiire

Abakatoriki (2) Africa (3) Agekibarukiraho (43) Akaruuru 2011 (1) Akaruuru 2021 (26) Amagara (2) Amaka (5) Amakuru (535) America (1) Ebaruha (8) Ebirango (8) Eizooba Eri (5) Ekyanga Kyawe (9) Enfumu (3) Enganda (2) Esente (1) Haaya (1) Obugabe (8) Obutare (4) Okwiruka (2) Omuntu Waawe (12) Omupiira (24) Omushaho (1) Puriyamare (2) Ruhuuta (18) Senyiga Ya Corona (29)