Kagiira Skills Development Center, Agriculture With New SkillsAbashaabaze basigwaho za baasi na takisi, Bakozesa ebimotooka Byemigugu
Abashabaze barikurwanira emotooka ya takisi omuri Kampala, eizoba ryemotooka zaboona zagarukamu kukora.
Nekya Ronard Shabomwe
635
Orwamukaaga 2020-06-06
Ahabwebishare Byentambura Okweyongyera
Nkonku okurwanira emotoka kurikweyongyera omu za paaka ne motoka ahiziri kupakinga, abashabazi nibagyezaho oku ronda emiringo yokutambura kuhika ahi barikuza.
Teddy Namakula, obiire ari Bwaise nabaana be bataano, barikugyezaho kuronda emotoka kuza Mukono, agambire omunyamukuru weitu ogu, ngu yahika omumwanya omukasheeshe kare munonga n'okuhitsya nahati shaaha itano(11am) emotoka zaba zikibuzire kandi enkye eziriho, nizishaba esente nyingi.
Nagira ngu abaire nakira kukozesa shillings 5000/= kuhika Mukono omuhingo nangashi 'loku dawuni' gutakabeireho, konka hati nibamushaba emitwaro eshatu (30,000/=) buri omwe. Yayongyera yagira ngu, kurinahirwa akaboona ekimotooka kyona, akasiima Mukama owahinguru.
Namakula kuyahurire mukuru w'eihanga Yoweri Kaguta Museveni orwokubanza arikugira ngu entambura zaboona niziza kutandika kukora ebiro bina 4/06/2020, yatandikiraho kurundana ebyomunju ye, kandi aha shaaha ikumi nibiri(6:00am) z'akasheeshe, yaruga Kakiri arikuza Wakiso ngu akaaza oweishe ahabwokugira ngu abeire aremirwe okushashura ebishare bya burijo n'esente zenju.
“Takisi ibiri nizo zonka ezabaziri omu paaka, kandi zirikushara omutwaro kuhiika Kampala.” Namakula nashoborora.Yayeguza enkumi itano(5000/=) aha musheija okuhitsya omutwaro.
Namakula tiwe wenka ayatunga ekizibu ekyentambura, Edith Naiga owaba ari Gayaza sitegi, kandi naaza Kamuli, yagyezaho kuronda entambura, yaremwa ahabwemihendo y'entambura. Ogu yagambira Agoweitu ngu kurinahirwa akatunga ekimotooka kyoona, nawe akaaba yakira.
Frank Sande owaaba naruga Lusanja arikuza omu tawuni Kampala, yatambura kuhika Bwaise ayine amatsiko ngu nayija kuboona emotooka konka yaremwa. Nagira ngu, ariyo natekateka kugarukayo.
“Hariho ekizibu kya abeine emotooka okushaba esente nyingi kandi ezabantu bateine, namunonga bashanga sitegi eriho abantu beingi.” Sande yashoborora.
Herbert Kiwanuka yagira ngu okutunga takisi kigumire munonga. Abantu nibarwana okutaaha omumotooka. Nagira ngu bamugizire ngu aha ruguuto rwa Bombo, nabaasa kutunga emotoka mangu kukira kuza omu tawuni.
Kiwanuka yaaba naruga Nansana kandi arikuza Lira, konka yaremwa kutunga emotoka kandi emotoka ezabantu nizi mushaaba emitwaro ikumi (100,000/=). Kandi yagira ngu nnaza kurinda zahika shaaha munaana, ayegarukire omuka.
Emihendo yentambura eyongyezibwe byanyima ya mukuru weihanga okuragira emotoka za boona kutwara kimwe kyakabiri (50%) aha bantu ababirwe nibatwarwa emotoka ezo omuhingo kutakatandikire.
Okurugirira ahari Khalid Lutaya, omuhandiki wa sitegi y'emotoka ya Mityana-Mubende aha Nateete paaka hamwe na takisi paaka ensya, emihendo y'entambura kuruga Kampala kuhika Mityana eyeyongire kurunga aha shiringi kashanju (7000/=) kuhika shiriingi 12000/=, abarikuza Kyegegwa nibashashura emitwaro ebiri nekicweka omusente za Uganda 25,000/= kuruga aha shiringi 15,000/=, Kikandwa 18,000/= kuruga aha 13,000/=.
Muhamad Kimera kurunga Bugerere sitegi omu Nateete nagira ngu Kijabijo, Nakasajja, Kalagi, Najjalama hamwe na Nakifuma omuri Nateete kuza Nakifuma zeyongire kuruga aha 5,000/= kuhika 9,000/=, Kayunga kuruga aha 6,000/= kuhika 10,000/=.
Konka Karugire agizire ngu bo tibarikubaasa kwongyera ebishare byentambura emirundi ebiiri, ahabwokuba, abashabazi nibaabasa obutazibaasa ahabwokuba nabo bateganisibwe endwara ya COVID19.
Nebya: Ronard Shabomwe omuri Kampala
Huumura Tuganiire
Abakatoriki (2) Africa (3) Agekibarukiraho (43) Akaruuru 2011 (1) Akaruuru 2021 (26) Amagara (2) Amaka (5) Amakuru (538) America (1) Ebaruha (8) Ebirango (8) Eizooba Eri (5) Ekyanga Kyawe (9) Enfumu (3) Enganda (2) Esente (1) Haaya (1) Obugabe (8) Obutare (4) Okwiruka (2) Omuntu Waawe (12) Omupiira (24) Omushaho (1) Puriyamare (2) Ruhuuta (18) Senyiga Ya Corona (29)