Ebirango Bikuru

   Kagiira Skills Development Center, Agriculture With New Skills
   Diary Farm Training By Kagiira Skills Development Center in conjunction with Eiraka Radio

Amaizi Genyanja empango ya Nalubare (Lake Victoria) gongire kutahirira amaju n' ebintu byabantu Bamaani


Akaju kokuhumuriramu neryaato byomugeiga Christopher Sembuya owa Sembuule Mills LTD kari omu amaizi.
Nekya Ronard Shabomwe
0

Orwakabiri 2020-06-09

Obwingi bwamaizi genyanja ya Nalubare nkoku garikweyongyera, abantu abayombekire heihi nenyanja ebintu byabo byemerire omumaizi obwa hati.

Abantu abateganisibwe barimu abashubuzi na pasita bamaani omuri Kampala abebintu byabo byamaani biri omumaizi ahiturikugambira.

Omunyamahurire weitu atayayire emyaro (landing sites) nka Mulungu omuri Munyonyo hamwe na Port Bell omuri Luzira ahashangire amaaka meingi gatahirirwe amaizi genyanja egi. Aha mwaro gwa Mulungu, abantu barikuhika emitwaro etaano (50,000) bafereirwe ebintu byabo.

Emyanya eyamaani eri kumanya eri omu sharo (shores) zenyanja nka Ggaba, Munyonyo, Mulungu hamwe na Kawuku, amaka gabashubuzi bamaani nka Hamis Kigundu owa Ham Towers hamwe na Ham shopping Center, kandi na Christopher Sembuya owa tandikireho Sembuule Mills LTD, gari omumaizi.

Kandi naba pasita bamaani nka Robert Kayanja Pasita omukuru omukanisa ya Lubaga Miracle Cathedral hamwe na Gary Skinner orikwebembera ekanisa ya Watoto eyabeire neyetwa Kampala Pentecostal Church, nabo amaka gaabo gatahirirwe enyanja.

Emyanya yokushemerererwamu (beaches) nka Ggaba, KK hamwe, Rodgers Ddungu omuri Mulungu hamwe na Common Wealth Resort Hotel Gardens nayo eteganisibwe amaizi genyanja.

Sam Cheptoris minisita webyamaizi nebyobuhangwa, omubiro ebihwireho aherize kugambira abanyamahurire aha kitebe kikuru kyebya makuru Media Center ngu okweyongyera kwamaizi aha nyanja ya Victoria kuhikire ahaburingwa burikuhika mitazi ikumi neishatu nebicweka ashatu nabubiri (13.32 meters) kuruga aha mitazi ikumi neibiri (12.00 meters).

Minister nagira ngu ayine okwerarikirira ahabwokuba amaizi nigabaasa kweyongyera kuhika aha mitazi 13.41 ekitakabagaho.

Obwahati enyanja eri 0.08 mitazi kuruga okwezi kwakatano omumwaka gwa 1964 obu enyanja egi yayijurina munonga omubyafayo byayo.

David Kureeba owebyobuhangwa omu kuganira na agoweitu, agizire ngu n'obukyakutwara emyaka nemyaka, amaizi tigarikubaasa kwebwa omuhanda gwagwo.

Kureeba kandi ori memba wa National Association of Professional Environmentalists ashoboreire agoweitu ngu okweyongyera kwamaizi kuretsirwe abantu okutahirira enyanja bakashiisha ebyobuhangwa nke ebisharara, empanga, hamwe nebibira ebiri heihi nenyanja Nalubare. Kandi agarukire yagira ngu okombeeka ebiziba ebihango (dams) aha nyanja nakyo kyongireho ebizibu.

Nebya Ronard Shabomwe omuri Kampala.

Huumura Tuganiire

Abakatoriki (2) Africa (3) Agekibarukiraho (43) Akaruuru 2011 (1) Akaruuru 2021 (26) Amagara (2) Amaka (5) Amakuru (538) America (1) Ebaruha (8) Ebirango (8) Eizooba Eri (5) Ekyanga Kyawe (9) Enfumu (3) Enganda (2) Esente (1) Haaya (1) Obugabe (8) Obutare (4) Okwiruka (2) Omuntu Waawe (12) Omupiira (24) Omushaho (1) Puriyamare (2) Ruhuuta (18) Senyiga Ya Corona (29)